Top Stories

Grid List

தூத்துக்குடியில் ஸ்டெர்லைட் ஆலைக்கு எதிராக போராடிய மக்கள் மீது காவல்துறை நடத்திய துப்பாக்கிச் சூட்டில் இதுவரை 13 பேர் உயிரிழந்திருக்கிறார்கள். நூற்றுக்கணக்கானோர் படுகாயமடைந்திருக்கின்றார்கள். 

பிரதமர் ரணில் விக்ரமசிங்கவுக்கு எதிராக கூட்டு எதிரணியால் (மஹிந்த அணி) முன்வைக்கப்பட்ட நம்பிக்கையில்லாப் பிரேரணை 46 மேலதிக வாக்குகளினால் தோற்கடிக்கப்பட்டிருக்கின்றது. 

பயங்கரவாதத் தடைச் சட்டத்தின் கீழ் பத்து வருடங்களுக்கு முன்னர் கைது செய்யப்பட்டு நீதிமன்றத்தினால் ஆயுள் தண்டனை விதிக்கப்பட்ட சச்சிதானந்தம் ஆனந்தசுதாகரின் பிள்ளைகள், தமது தந்தையை விடுதலை செய்யக் கோரி ஜனாதிபதி மைத்திரிபால சிறிசேனவுக்கு அண்மையில் கடிதம் எழுதினர். 

சுதந்திரத்துக்குப் பின்னரான இலங்கையில், பௌத்த சிங்கள பேரினவாதம் முன்வைப்பதே சட்டமாகவும், ஆட்சியாகவும் மாறிவிட்டது. அந்தக் கட்டங்களில் நின்றுதான் கடந்த காலக் கலவரங்கள், இன ஒடுக்குமுறைகள், ஆக்கிரமிப்புக்கள் உள்ளிட்ட அனைத்தையும் பார்க்க வேண்டியிருக்கின்றது. அண்மைய கண்டிக் கலவரமும் அதன் வழி வருவதுதான். அது, ஆரம்பமோ முடிவோ அல்ல. 

Top Stories

Grid List

“ஐக்கிய நாடுகள் மனித உரிமைகள் பேரவையிலிருந்து அமெரிக்கா வெளியேறுவது, தமிழ் மக்களாகிய எங்களுக்கு பாதகமானது. ஆனாலும், உடனடியாக மாற்று வழிகளை ஆராயவுள்ளோம்.” என்று தமிழ்த் தேசியக் கூட்டமைப்பின் பாராளுமன்ற உறுப்பினரும் பேச்சாளருமான எம்.ஏ.சுமந்திரன் தெரிவித்துள்ளார். 

ஜேர்மனியின் முன்னாள் சர்வாதிகாரி ஹிட்லர் போன்று இராணுவ ஆட்சியை கொண்டுவந்து இலங்கையைக் கட்டியெழுப்புமாறு முன்னாள் பாதுகாப்பு செயலாளரான கோட்டாபய ராஜபக்ஷவிடம், பௌத்த தேரர் ஒருவர் வேண்டுகோள் விடுத்துள்ளார். 

நாட்டில் குழப்பங்களை ஏற்படுத்தும் முகமாக செயற்பட்டு வரும் 80 சமூக வலைத்தளங்களுக்கு எதிராக விரைவில் நடவடிக்கை எடுக்கப்படும் என்று அமைச்சரவைப் பேச்சாளரும் சுகாதார அமைச்சருமான ராஜித சேனாரத்ன தெரிவித்துள்ளார். 

போரில் இறந்த தமிழீழ விடுதலைப் புலிகளின் குடும்பங்களுக்கு இழப்பீடுகளை வழங்குவதற்காக, சமர்ப்பிக்கப்பட்ட அமைச்சரவைப் பத்திரத்தை அமைச்சரவை மூன்றாவது தடவையாக நேற்று செவ்வாய்க்கிழமை நிராகரித்துள்ளது. 

மதுரை, தோப்பூரில் எய்ம்ஸ் மருத்துவமனை அமையவுள்ளதாக தமிழக முதல்வர் எடப்பாடி பழனிசாமி அறிவித்துள்ளார். 

ஜம்மு - காஷ்மீரில் ஆளுநர் ஆட்சியை அமல்படுத்த ஜனாதிபதி ராம்நாத் கோவிந்த் ஒப்புதல் அளித்தார். இதனையடுத்து, அங்கு உடனடியாக ஆளுநர் ஆட்சி அமலுக்கு வந்தது. 

‘மறைந்த ஜெயலலிதா ஜெயராம் கொள்ளையடித்து வைத்திருந்த பணத்தை டி.டி.வி.தினகரன் திருடிவிட்டார்’ என்று வனத்துறை அமைச்சர் திண்டுக்கல் சீனிவாசன் பேசியுள்ளார். 

ஜம்மு காஷ்மீரில் மெகபூபா முப்தி தலைமையிலான மக்கள் ஜனநாயக கட்சிக்கும் (பிடிபி), பா.ஜ.க.வுக்கும் இடையிலான கூட்டணியில் பிளவு ஏற்பட்டது. இதனையடுத்து, ஜம்மு காஷ்மீர் முதலமைச்சர் பதவியிலிருந்து மெகபூபா முப்தி இராஜினாமா செய்துள்ளார். 

நியூசிலாந்து பிரதமர் ஜசிந்தா ஆர்டென் வியாழக்கிழமை (ஜூன் 21) ஆம் திகதி ஆரோக்கியமான பெண் குழந்தையைப் பெற்றெடுத்துள்ளார்.

தனது இறக்குமதிப் பொருட்களுக்கு அமெரிக்கா தீர்வை வரியை அதிகரித்ததற்குப் பதிலடியாக வியாழக்கிழமை சீனா அமெரிக்கப் பொருட்களுக்கான தீர்வை வரியை அதிகரிப்பதாகவும் ஐரோப்பிய யூனியனைப் பின்பற்றி இந்தியாவும் அமெரிக்கப் பொருட்களுக்கு வரியை அதிகரிப்பதாகவும் அறிவித்துள்ளன.

இஸ்ரேல் விவகாரத்தில் பக்கச் சார்பாக நடந்து கொள்வதாகவும் மனித உரிமைகள் தொடர்பான விவகாரங்களில் தன்னிச்சையாக நடந்து கொள்வதாகவும் குற்றம் சாட்டி UNHR என்ற ஐ.நா மனித உரிமைகள் ஆணையத்தில் இருந்து அமெரிக்கா விலகியுள்ளது.

குடியேறிகளை கைது செய்யும்போது குழந்தைகளை பெற்றோரிடமிருந்து பிரிக்காமல் இருதரப்பையும் ஓரிடத்தில் சேர்த்தே அடைத்து வைக்குமாறு அமெரிக்க அதிபர் டொனால்ட் டிரம்ப் நிர்வாக உத்தரவொன்றை தொடர் அழுத்தத்தின் காரணமாக பிறப்பித்துள்ளார்.

Top Stories

Grid List

நேற்று இடம்பெற்ற உலக கோப்பை கால்பந்து போட்டிகளில் ஆர்ஜெண்டீனா அணி - குரோஷியா அணியிடம் அதிர்ச்சித் தோல்வியை அடைந்துள்ளது.

நேற்று நடைபெற்ற உலக கோப்பை போட்டிகளில் போர்த்துக்கல் அணி - மொரோக்கோ அணியை 1-0 என தோற்கடித்தது. இம்முறை உலக கோப்பை தொடரின் நான்காவது கோலை அடித்தார் ரொனால்டோ.

இங்கிலாந்து - ஆஸ்திரேலிய அணிகளுக்கு இடையில் இடம்பெற்று வரும் ஒரு நாள் கிரிக்கெட் சுற்றுத் தொடரில் நேற்றைய ஆட்டத்தில் இங்கிலாந்து அணி புதிய உலக சாதனைகளை படைத்துள்ளது.

நேற்று நடைபெற்ற உலக கோப்பை கால் பந்து ஆட்டங்களில், பலம் வாய்ந்த கொலம்பிய அணியை 2-1 என வீழ்த்தி ஜப்பான் அணி வெற்றி பெற்றது. அதோடு, போட்டி முடிவடைந்த போது தமது இருக்கைப் பகுதிகளில் இருந்த குப்பைகளை அகற்றி சுத்தம் செய்துவிட்டுச் சென்ற ஜப்பான் அணியின் ரசிகர்களை பற்றிய வீடியோக்கள் வைரலாகியுள்ளன.

விஜய் ரசிகர்களிடம் சிக்கிக் கொண்டு சின்னா பின்னமாகிவிட்டார் கீர்த்தி சுரேஷ்.

விஜய்யின் அப்பா என்பதற்காக இல்லை.

சிலருக்கு கல்யாண ராசி படு சுமாராக இருக்கும். சிலருக்கு ஆஹா ஓஹோ.

ரஜினி ரசிகர்களே கூட ‘மவுத் லாக்’ போட்டுவிட்டு மல்லாக்கொட்டை உரிக்க கிளம்பிவிட்டார்கள்.

மகிழ்ச்சி..!

ஒரு நல்ல நாவலை, கதையினைப் படித்த பின் வரும் பரவசம், இயற்கையின் அழகில், ஓவியத்தின் வண்ணச் சேர்ப்பில், இசையின் ரிதத்தில், கரைந்து, காணமற்போகும் சுகானுபவம், மனத்தில். “Ladies and Gentlewomen" ஆவணப் படத்தினை, 21.01.2018 அன்று சென்னை பிரசாத் திரைக் கூடத்தில் பார்த்த தருணமது.

லொகார்னோ திரைப்பட விழாவில் இம்முறை தங்கச்சிறுத்தை (Golden Leopard) விருதை சீன ஆவணத் திரைப்படமான «Mrs.Fang» தட்டிச் சென்றது. 

லோகார்னோ சர்வதேச திரைப்பட விழாவின், சிறந்த தங்கச் சிறுத்தை விருதுக்காக போட்டியிடும் 20 திரைப்படங்களில், «Beach Rats» திரைப்படத்தை பார்க்க கிடைத்தது. சண்டேன்ஸ் திரைப்பட விழாவில் சிறந்த அறிமுக இயக்குனராக அடையாளம் காணப்பட்ட  Eliza Hittman இன் இரண்டாவது முழு நீளத் திரைப்படம் இது.

லொகார்னோ 70வது சர்வதேச திரைப்படவிழாவில்,  Open Door பிரிவில் Jamshed Mahmood நெறியாள்கையில் உருவான பாகிஸ்தானிய திரைப்படம் Moor பார்க்க கிடைத்தது. பாகிஸ்தானின் கைவிடப்படும் / திருடப்படும் புராதன புகையிரத நிலையங்களுக்கு என்ன நடைபெறுகிறதென்பதே கதை. Moor என்பதனை «தாய், «தாய் நிலம்» என பொருள் கொள்ளலாம்.

‘முட்ட வர்றது எருமையா இருந்தாலும், மூடிட்டு ஓடுறது பெருமையில்ல!’ அதுவும் சும்மா போறவன் மேல வந்து முட்டுனா? “விடாதே...” என்கிறது கோலிசோடா2 ன் தத்துவம்!

துவைக்கறதுக்கு துணி இல்லேன்னா கூட, ‘ரஜினி போட்டோ இருந்தா கொடேன். போட்டு புரட்டிட்டு தர்றேன்’ என்கிற அளவுக்கு ஃபுல் டென்ஷன் ஆகிக்கிடக்கிறது டமிளன்ஸ் நெஞ்சூ! இந்த பொல்லாத காலத்தில், ரஜினியை புரட்சி மைந்தனாக காட்டியிருக்கிறார் பா.ரஞ்சித்.

நார்த் மெட்ராஸ் கதையென்றாலே வேர்த்துக் கொட்டுகிற அளவுக்கு முந்தைய ‘அருவா மார்க் ’ அனுபவங்கள் இருக்க.... மறுபடியும் ஒரு நார்த் மெட்ராஸ் படமா? சற்றே தடதடப்போடு முதல் சில காட்சிகளை கடக்கிற நமக்கு, செம ட்விஸ்ட்! இது நாம நினைக்கிற மாதிரி அருவா இல்லை. ஆறுதல், அசத்தல்!

அள்ள அள்ள குறையாத அம்மா சென்ட்டிமென்ட் கதைகளில், ‘பிச்சைக்காரன்’ படம்தான் பெஸ்ட்டோ பெஸ்ட்! பாதி ராத்திரியில் எழுப்பி கால்ஷீட் பேப்பரில் கையெழுத்து கேட்டாலும், ‘அம்மா’ன்னு சொன்னா சும்மாவே போடுவார் விஜய் ஆன்ட்டனி.

“நேற்று என் கனவில்
புத்தர் பெருமான் சுடப்பட்டிறந்தார்.
சிவில் உடை அணிந்த
அரச காவலர் அவரைக் கொன்றனர்.
யாழ் நூலகத்தின் படிக்கட்டருகே
அவரது சடலம் குருதியில் கிடந்தது!” 

தலைவர் ரஜினிக்கு…!

நலமாக இருக்கிறீர்களா?, ‘காலா’ படத்தின் ரிலீஸ் வேலைகள் எப்படிப் போகிறது? காலாவுக்கு கர்நாடகத்தில் தடை எனும் செய்தி கேட்டு கலங்கிப்போனேன்.

இப்படித்தான் ஜாலியன் வாலாபாக்கில் நடந்தது என்கிறார்கள்.
இப்படித்தான்
இந்தி எதிர்ப்பு போரில் நடந்தது என்கிறார்கள்.
இதுதான் குஜராத் மாடல் என்கிறார்கள்.
முள்ளிவாய்க்காலில்
மக்கள் இவ்வாறுதான் கிடந்தார்கள் என்கிறார்கள். 

'எனது 29வது வயதில், நோர்வே விமான நிலையத்தில் அகதியாக காலடி எடுத்து வைத்த தருணத்தில் ஒருவன் என்னை நிறவெறியால் தூற்றிய போது தான், எனது தோலின் நிறம் கறுப்பு என்பதை முதன் முறையாக நான் உணர்ந்தேன்' என புகழ்பெற்ற ஆபிரிக்க தன்னம்பிக்கை பேச்சாளர் 'பீட்சி பண்டா' ஒரு கருத்தரங்கில் கூறியிருப்பார்.

கடந்த நட்சத்திரப் பயணங்கள் தொடரில் இரவு வானில் எமக்குத் தென்படும் நட்சத்திரங்கள் மற்றும் அவற்றின் தொகுதிகள், பூமியின் வடவரைக் கோளத்திலும் தென்னரைக் கோளத்திலும் விசேடமாகத் தென்படும் நட்சத்திரத் தொகுதிகளின் வரை படம் என்பவை தொடர்பில் பார்த்திருந்தோம்.

புளூட்டோ கிரகத்தைத் தற்போது ஆராய்ந்து வரும் நாசாவின் நியூ ஹொரிசன்ஸ் செய்மதி அதன் தரை மேற்பரப்பில் உறை நிலையில் மீத்தேன் படிமங்கள் இருப்பதைப் படம் பிடித்து பூமிக்கு அனுப்பியுள்ளது.

மைக்ரோபிளாஸ்மா போவிஸ் எனப்படும் பாக்டீரியா தொற்று நோய் பரவுவதைத் தடுக்க நியூசிலாந்தில் 150 000 பசுக்களைக் கொல்ல அரசு முடிவு செய்துள்ளது.

 

27. நல்லவை எண்ணல் வேண்டும். டாலர்நகரம் தொடர் என்னது திடீரென 20 அத்தியாயத்திலிருந்து 27ம் அத்தியாயத்திற்குப் பாய்ந்து விட்டது என யோசிக்கின்றீர்களா..? உண்மையில் இது ஒரு பாச்சல்தான். 4தமிழ்மீடியாவில் கடந்த 20 வாரங்களாக, வாரந்தோறும்  வெளிவந்த 'டாலர் நகரம்' சிறப்புத் தொடர் கண்டிருக்கும் இந்தப் பாச்சல் ஒரு ஆரோக்கியமான பாச்சல்.

தினந்தினம் மனம் வசப்பட எம்முடன் பேஸ்புக்கில் இணையுங்கள்  : Facebook/ManameVasappadu,

மனமே வசப்படு பேஸ்புக் பக்கத்தையும் லைக் செய்யுங்கள் : https://www.facebook.com/ManameVasappadu

மதியுங்கள்!

திரைவிமர்சனம்

நடுநடுவே காபி டீ க்கு பதிலாக, ரத்தத்தை குடித்துவிட்டு கதை எழுதுகிற இயக்குனர்கள் அவ்வளவு ரத்தத்தையும் ஸ்கிரிப்ட்டில் கொட்டி வைக்கிற விந்தை இன்று நேற்றல்ல... மணிரத்னம் அறிமுகமான காலத்திருந்தே இருப்பதால், ‘சத்ரியன்’ மற்றுமொரு ரத்தப்பட வரிசையில் சேர்கிறது! நடு நடுவே அந்த ரத்தம் நமது காதுக்குள்ளிருந்தும் கொட்டுவதுதான் படு சோகம்!

கத்தியை எடுத்தவன் கத்தியால்தான் சாவான் என்கிற படுபயங்கர பழமொழிக்கு இன்னும் எத்தனை காலத்திற்குதான் சப்பை கட்டு கட்டி சடுகுடு நடத்துவார்களோ, அந்த வன்முறைக்கே வெளிச்சம். இருக்கட்டும்... விக்ரம் பிரபு, மஞ்சிமா மோகன் ஜோடியாக நடித்து திருச்சியிலேயே ‘வேக’ வைக்கப்பட்ட இந்த படம் சொல்லும் பகுமானம் என்ன? வெகுமானம் என்ன?

திருச்சியை யார் ஆள்வது என்கிற பிரச்சனை ரவுடிகளுக்குள். அவர்களை இயக்கி வரும் மந்திரி நந்தகுமார், தாதாக்களில் ஒருவரான ஷரத்தை, மற்றொரு ரவுடியான அருள்தாசை விட்டு ‘போட’ வைக்கிறார். அப்புறமென்ன? அருள்தாஸ்தான் அடுத்த ராசா. ஷரத் இடத்திற்கு வரும் விஜய் முருகன், அந்த குடும்பத்தின் மீது தன் விசுவாசத்தை வைக்கிறார். கல்லூரிக்கு போய் வரும் ஷரத்தின் மகளுக்கு பாதுகாப்பாக விக்ரம் பிரபுவை அனுப்பி வைக்க... அவர்களுக்குள் லவ். ஜோடியாக எஸ்கேப் ஆகிவிடும் லவ்வர்சை தேடிக் கிளம்புகிறது விஜய்முருகன் படை. போகிற போக்கில் அருள்தாசையும் போட்டுத்தள்ளிவிட்டு கிளம்புகிறார் விக்ரம் பிரபு. அதற்கப்புறம் திருச்சி என்னாகிறது? துரத்தி வரும் விஜய் முருகன் என்னாகிறார்? க்ளைமாக்ஸ்!

தன்னை ‘விசுவாசிக்கிற’ அறிவுள்ள யாரையாவது பக்கத்தில் வைத்துக் கொள்ள வேண்டிய கட்டாயத்தை விக்ரமுக்கு ஏற்படுத்தியிருக்கிறது இப்படம். மற்றபடி தனக்கு கொடுத்த கேரக்டரை புத்தியில் வாங்கி நெற்றி மேல் சுமந்திருக்கிறார் அவர். மஞ்சிமாவின் வீட்டுக்குள் புகுந்து பெண் கேட்கிற காட்சி துணிச்சல் என்றால், அங்கேயும் தன் கோபத்தை அடக்க முடியாமல் கத்தியை நீட்டுவது கேரக்டரின் மீது வைக்கப்பட்ட அழுத்தம். ஆனால் இதுபோல் சொல்லிக் கொள்ளும்படியான காட்சிகள் படத்தில் வேறு இடங்களில் அமையாமல் போனது துரதிருஷ்டமே.

படித்த மாணவிகள், ரவுடிகளை காதலிப்பது ஏற்றுக் கொள்ளக்கூடிய நிஜமல்ல என்றாலும், படத்தில் அதற்கான நியாயத்தை காட்ட முடிந்தளவுக்கு போராடியிருக்கிறார் டைரக்டர். துறுதுறு மஞ்சிமா மோகனும் தன் துறுதுறு நடிப்பால் கவர்ந்திருக்கிறார். லவ்வை சொல்கிற துணிச்சலில் ஆண்கள் பின் தங்கியும் பெண்கள் மிதமிஞ்சியும் இருக்கிறார்கள் என்கிற கருத்து, மஞ்சிமாவால் மற்றுமொருமுறை அழுத்தமாக ‘டிக் ’அடிக்கப்பட்டுள்ளது.

படத்தில் வரும் மற்றொரு ஜோடியான வேட்டையன்- ஐஸ்வர்யா தத்தாவுக்கு அதிகம் வேலையில்லை. ஆனால் கிடைத்த கேரக்டரில் ஒழுங்காக நடித்து பாஸ் பண்ணியிருக்கிறார்கள். அதுவும் ஐஸ்வர்யா விடும் சப் சப் அறைகள்.... எதில் போய் முடியும் என்பதை பெண்கள் புரிந்து கொள்வது முக்கியம்.

பெரிய தாதாவின் மகனாக இருந்தாலும், துணிச்சல் இல்லாத பையனாக சவுந்தர்ராஜா. மிக இயல்பாகவும் அழகாகவும் அந்த கேரக்டரை வாழ வைத்திருக்கிறார் அவர்.

படத்தில் யோகிபாபு இருக்காரு... ஆனா இல்ல! (இதுதான் ஒப்புக்கொள்ளவே முடியாத ஏமாற்றம்)

பல முக்கியமான காட்சிகள் கூட தடபுடலாக ஆரம்பித்து சவசவவென முடிவது பெரும் ஆயாசத்தை தருகிறது.

பாடல்களில் ராக ராஜாங்கமே நடத்தியிருக்கிறார் யுவன்சங்கர் ராஜா. முக்கியமாக ‘மைனா ஒண்ணு...’ பாடல் மனசுக்குள் ரிப்பீட் அடிக்கும். பின்னணி இசையிலும் பிரமாதப்படுத்தியிருக்கிறார் ராஜாவின் இளவல்.

கதையில் வீசப்பட்ட கத்தியை பிடுங்கி, எடிட்டரும் சுற்றியிருந்தால் காட்சிகளில் ஒரு ‘நறுக் சுருக்’ விறுவிறுப்பு கிடைத்திருக்கக் கூடும்!

வெல்ல முடியாத சத்ரியன்தான். ஆனால் வெல்ல மண்டியில் எறும்பு அடித்துக் கொண்டிருக்கிறாரே... என்ன பண்ண?

- ஆர்.எஸ்.அந்தணன்

BLOG COMMENTS POWERED BY DISQUS