இலங்கையை வீழ்த்தி T20 உலக கோப்பையை வென்றது மேற்கு இந்தியா
- Sunday, 07 October 2012 18:59
T20 உலக கோப்பை இறுதி போட்டியில் வென்று மேற்கு இந்திய அணி சாம்பியன் பட்டத்தை சுவீகரித்துள்ளது.
இன்று கொழும்பில் நடைபெற்ற இறுதி போட்டியில் முதலில் துடுப்பெடுத்தாடிய மேற்கு இந்திய தீவுகள் அணி 20 ஓவர்களில் 6 விக்கெட்டுக்களை இழந்து 147 ஓட்டங்களை எடுத்தது. சாமுவேல்ஸ் 56 பந்துகளில் 3 பவுன்றிகள், 6 சிக்ஸர்கள் அடங்களாக 78 ஓட்டங்களை எடுத்தார். பந்துவீச்சில் மெண்டிஸ் 4 விக்கெட்டுக்களை வீழ்த்தினார்.
பதிலுக்கு களமிறங்கிய இலங்கை அணி 18.4 ஓவர்களில் சகல விக்கெட்டுக்களையும் இழந்து 101 ஓட்டங்களை மட்டுமே எடுத்தது. ஜெயவர்த்தன 33 ரன்களை அதிகபட்சமாக எடுத்தார். மே.இந்திய தீவுகள் அணியின் பந்துவீச்சில் நரேய்ன் 3 விக்கெட்டுக்களையும், சாமி 2 விக்கெட்டுக்களையும் வீழ்த்தினர்.
இன்றைய போட்டியில் வென்றதன் மூலம் மே.இந்திய தீவுகள் அணி தனது முதலாவது T20 உலக கோப்பையை கைப்பற்றியுள்ளது.