திரைச்செய்திகள்

விஷாலின் விடா முயற்சிக்கும், போராட்ட குணத்திற்கும் மிகப்பெரிய எடுத்துக்காட்டு ஒன்று உண்டென்றால், அது நடிகர் சங்க விவகாரம்தான். சொல்லி வைத்தாற் போல போராடி அந்த நாற்காலியை பிடித்தும் விட்டார் அவர்.

ஏதோ பேசுனோம். அதான் வந்திட்டமே… என்று நினைக்காமல் அடுத்தடுத்து அவர் செய்யும் சங்க முன்னேற்ற செயல்பாடுகள் யாவும் ஹாட்ஸ் ஆஃப் ரகம்தான். ஆனால் பெரிய நாற்காலி வாய்க்கும் போதெல்லாம், மறக்காமல் போட வேண்டிய முதல் பூட்டு அவரவர் வாய்க்குதான் என்பதை உணராமல் போனதால், உபத்திரவம் கதவைத் தட்டி “உள்ளே வரட்டுமா?” என்கிறது.

இந்த வார ஆனந்த விகடன் இதழில் அவர் கொடுத்த பேட்டி ஒன்று, தயாரிப்பாளர் சங்கத்தை கொந்தளிக்க விட்டிருக்கிறது. “இன்னும் ஒரு வாரத்திற்குள் விஷால் பகிரங்க மன்னிப்பு கேட்க வேண்டும். இல்லையென்றால் அவர் இப்போது நடித்து விரைவில் வெளிவரவிருக்கும் கத்தி சண்டை படத்தை விட்டுவிட்டு அடுத்து வரும் அவர் படங்களுக்கு தொழில் ஒத்துழைப்பு இல்லை” என்று கூறியிருக்கிறது சங்கம்.

போராடியே பழக்கப்பட்ட விஷால் இந்த சவாலை ஏற்றுக் கொள்வாரா? அல்லது மன்னிப்பு கேட்பாரா? என்பது இன்னும் இரண்டொரு நாட்களில் தெரிந்துவிடும்.

அதே நேரத்தில், அப்படி என்னதான்யா சொல்லிட்டாரு அந்தாளு? என்று மண்டையை பிய்த்துக் கொள்ளும் திருவாளர் பொதுஜனத்திற்கு, அந்த குறிப்பிட்ட பதில் மட்டும் இங்கே-

‘‘நிறைய சினிமாக்கள்… அதில் பலரும் லாபம் அடைஞ்சாலும் தயாரிப்பாளர் மட்டும் நஷ்டம் அடைகிறார். அதுக்கு என்ன காரணம்?’’

‘‘அதுக்கு தயாரிப்பாளர்களும் தயாரிப்பாளர் சங்கமும்தான் காரணம். ஓர் இழப்பு எப்படி வருது, அதைத் தவிர்க்க என்ன செய்யலாம், அவசியம் இல்லாத செலவுகளை எப்படித் தவிர்க்கலாம், திருட்டு விசிடி-யினால் எவ்வளவு இழப்பு, திருட்டு விசிடி விக்கிறவங்களை என்ன பண்ணலாம், வருமானம் வரக்கூடிய இடங்கள் எவை, மும்பையில் ரிலீஸான 15-வது நாளே ஒரு படத்தின் டிவிடி-யை அதிகாரபூர்வமா ரிலீஸ் பண்ணுவதுபோல நாம பண்ணலாமா, ரிலீஸ் ஆன ஒரே மாசத்துல சிங்கிள் சாட்டிலைட் டெலிகாஸ்ட் ரைட்ஸ் கொடுப்பதுபோல நாம பண்ணலாமா, கமல் சார் சொன்ன மாதிரி முதல் நாளோ, 10-வது நாளோ, படத்தை டி.டி.ஹெச்-க்குக் கொடுத்து வருமானம் பண்ணலாமா, நெட் ஃபிளிக்ஸ், ஹீரோ டாக்கீஸ் போன்ற ஆன்லைன்கள்ல நீங்களே படத்தை ரிலீஸ் பண்ணலாமா…

இப்படி எந்த நல்ல விஷயம் பேசி முடிவுபண்ணலாம்னு கூப்பிட்டாலும் சங்கத்துல யாரும் வர மாட்டேங்கிறாங்க. ஆனா, ‘சார், எனக்கு ஒரு பஞ்சாயத்து. அந்த ஹீரோ 50 லட்சம் பாக்கி வெச்சிருக்கார்’னு சொன்னா போதும். ‘வாங்க வாங்க எல்லாரும் கூடலாம். போண்டா பஜ்ஜி சாப்பிட்டுக்கிட்டே பஞ்சாயத்துப் பண்ணலாம்’னு உட்கார்ந்துடுறாங்க. இதுதான் பிரச்னைகளுக்கு ஆரம்பப்புள்ளி. தயாரிப்பாளர் சங்க நிர்வாகத்துக்கு சுயநலம் இல்லாத ஆட்கள் வரணும். ஆக்கபூர்வமான விஷயங்களைத் திறந்த மனதுடன் செய்தாலே, தமிழ் சினிமா செழிப்பா இருக்கும்.’’

இசைஞானி இளையராஜாவின் இசை வாரிசாக தமிழ்த் திரையுலகில் தனக்கென்று தனி ராஜ்ஜியம் நடித்தி வருபவர் யுவன் சங்கர் ராஜா. தனது தந்தையின் இசை வாழ்க்கையை ‘ராஜா தி ஜர்னி’ என்ற தலைப்பில் திரைப்படமாக எடுக்க விரும்புவதாகவும், அதைத் தாமே இயக்க விரும்புவதாகவும் இளையராஜாவின் கதாபாத்திரத்தில் தனுஷை நடிக்க வைக்க எண்ணியிருப்பதாகவும் தெரிவித்திருந்தார்.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

தமிழில் வணிக சினிமாக்கள் இரண்டு வகையாக இயங்குகின்றன. ஒன்று முற்று முழுதாக ரசிகர்கள் ஊகித்துவிடும் கதைப்போக்குடன் அமைக்கப்படும் மசாலா சட்டகத்தைக் கொண்டவை. மற்றொன்று அந்த சட்டக்கத்தைக் கொஞ்சம் மீறி, விறுவிறுப்பான திரைக்கதையைக் கொண்டிருந்தாலும் வணிக அம்சங்களையும் சித்தரிப்புகளையும் கைவிடாத வகையாக வெளியாவது.

ஹாரிபாட்டர் புகழ் ஜே.கே.ரவுலிங், தனது இக்காபாக் (The Ickabog) எனும் ஒரு அரக்கனைப் பற்றிய விசித்திரக் கதையின் முதல் பாகத்தை ஆன்லைனில் இலவசமாக வெளியிட்டுள்ளார்.

21 ஆம் நூற்றாண்டின் தொடக்கத்தில் 2003 ஆமாண்டு விண்ணுக்கு பூமியின் தாழ்வு ஒழுக்கில் வலம் வந்து கொண்டிருக்கும் ISS என்ற சர்வதேச விண்வெளி ஆய்வு மையத்துக்கு சென்று திரும்புகையில் எந்திரக் கோளாறால் கொலம்பியா என்ற விண் ஓடம் விபத்தில் சிக்கியது.

ரியாட்டி தொலைக்காட்சிகளின் வரிசையில் பிராந்திய மொழிகளிலும் கலக்கி வரும் டிஸ்கவரி சேனல், காட்சி சமீபத்தில் சூப்பர் ஸ்டார் ரஜினிகாந்த்தை வைத்து ‘இன் டூ த வைல்ட்’ என்ற நிகழ்ச்சியை நடத்தி முடித்து, தேய்ந்த ரெக்கார்டு போல திரும்பத் திரும்ப ஒளிபரப்பி வந்தார்கள்.

ஆண் பெண் அனைவரும் சமம் என்கிறோம். ஆனால் கார்ட்ஸ் விளையாட்டில் ஏன் ராஜாவை விட ராணி பெறுமதி குறைவானவளாக இருக்கிறாள் எனக் கேட்டு, நூற்றாண்டு காலமாக கார்ட்ஸ் விளையாட்டில் இருந்த இந்த ஆணாதிக்கத்தை புரட்டிப் போட்டிருக்கிறாள் பதின்ம வயது இஸ்ரேலிய பெண் மாயான்.