திரைச்செய்திகள்

பெரும் சர்ச்சை மற்றும் பரபரப்பைக் கிளப்பிய ‘லட்சுமி’என்ற குறும்படத்தில் நாயகியாக நடித்து வைரலானவர் லட்சுமி ப்ரியா சந்திரமெளலி. அதற்கு சற்றுமுன் ‘சுட்ட கதை, ‘முன்தினம் பார்த்தேனே’ என சில படங்களிலும் நடித்திருந்தார்.

தற்போது மாரி செல்வராஜ் இயக்கத்தில் தனுஷ் நடித்துவரும் ‘கர்ணன்’ படத்தில் முக்கியமான கதாபாத்திரத்தில் நடித்துக் கொண்டிருக்கிறார். இன்னொரு பக்கம் நீண்ட இடைவெளிக்குப்பின் இயக்குநர் வசந்த இயக்கி, சர்வதேசப் படவிழாக்களில் விருதுகளைப் பெற்றுவரும் ஆந்தாலஜி படமான ‘சிவரஞ்சனியும் இன்னும் சில பெண்களும்’ படத்தில் ஒரு கதையில் நடித்துள்ளார்.

இந்தப் படம் விரைவில் வெளியாகவிருக்கிறது.அசோகமித்ரன், ஆதவன், ஜெயமோகன் ஆகிய மூன்று எழுத்தாளர்களின் மூன்று கதைகளை தனித்தனி கதைகளாக எடுத்து மூன்றையும் சரம்போல் இணைத்திருக்கும் இந்தப் படத்தில் லட்சுமி மூன்றாவது கதையில் நடித்துள்ளார். முதல் கதையில் நடித்திருக்கும் மலையாள நடிகையான ‘பூ’ பார்வதி இவரது நடிப்பைப் பார்த்துவிட்டு ‘சான்ஸே இல்ல.. வெற லெவல்’ நடிப்பு என்று பாராட்டினாராம்.

தற்போது ‘கர்ணன்’ படம் தமிழ் சினிமாவில் தனக்கான உண்மையான கணக்கதைத் தொடங்கி வைக்கும் என்று கூறுகிறார் லட்சுமிப்ரியா.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

வெங்கட் பிரபுவும் சிம்புவும் சினிமா பார்ட்டிகளில் பழகி நண்பர்கள் ஆனவர்கள். இருவரும் கடந்த 2015-ம் ஆண்டிலேயே இணைந்து படம் செய்ய இருந்தனர்.

"பியாற்சா கிரான்டே" எனும் பெருமுற்ற திறந்தவெளித் திரையரங்குச் சிறப்பு மிக்க லோகார்னோ சர்வதேச திரைப்படவிழாவின் 73 வது பதிப்பு, கொரேனா வைரஸ் பெருந்தொற்று பாதுகாப்புக்களுக்கு அமைவாக, இணையவெளியில் ஆரம்பமாகியது.

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

தமிழகத்தைச் சேர்ந்த பெருமைமிகு இளம் திறமைசாலிகள் பலரும் சர்வதேச அளவிலான கலை மற்றும் இசைத் தளங்களில் தடம் பதித்து மிகச் சிறப்பானதொரு இடத்தைப் பெற்றிருக்கின்றனர்.

வொயேஜர் 1 (Voyager 1) என்பது ஐக்கிய அமெரிக்காவின் நாசா விண்வெளி ஆய்வு மையத்தினால் 1977 செப்டம்பர் 5 இல் சூரியக் குடும்பத்தின் வெளிப்புறத்தை ஆராய்வதற்காக ஏவப்பட்ட ஓர் ஆளில்லா விண்ணுளவி ஆகும்.

ராஜபக்சே குடும்பத்திற்கு நெருக்கமான இலங்கை அணியின் முக்கிய கிரிக்கெட் வீரர் முத்தையா முரளிதரன். அவரது வாழ்க்கை வரலாறு திரைப்படமாக உருவாகிறது.

சந்தானம்  நடிக்கும் பிஸ்கோத் படத்தின் ட்ரைலர் வெளியானது