திரைப்படவிழாக்கள்

லோகார்னோ சர்வதேச திரைப்படவிழாவின் 71 வது தொடரில், பெண்ணியக் கருத்துக்களுடைய படங்கள் அதீத வரவேற்பினைப் பெற்றுள்ளன. இவ்வாறான கதைப்புலமுடைய திரைப்படங்களுக்குப் பார்வையாளர்கள் அதிகரித்ததன் பொருட்டு, அவைகளுக்கான மேலதிக சிறப்புக் காட்சிகளும் ஒழுங்கு செய்யப்பட்டன.

பெண்களின் சினிமா முயற்சிகள் அதிகரித்திருக்கும் இவ்வேளையில், திரைப்படங்கள் தெரிவு, திரைப்படங்களுக்கான நிதியுதவி, திரைப்பட விளம்பரப்படுத்தல் என்பவற்றில், ஆண்களுக்கு நிகராக பெண் திரைப்பட இயக்குனர்களுக்கும் சம அளவில் சந்தர்ப்பம் கிடைக்கப்பெறுவதை உறுதிப்படுத்தும் புதிய சர்வதேச ஒப்பந்தம் ஒன்றில், லொகார்னோ சர்வதேச திரைப்பட விழா குழுவினரும் கைச்சாத்திட்டுள்ளனர்.

வரலாற்று முக்கியத்துவம் வாய்ந்த இந்த ஒப்பந்தத்தில், உலகின் A தரச் சான்றிதழ் கொண்ட திரைப்பட விழாக்களில், கேன் திரைப்பட விழாவுக்கு அடுத்தபடியாக இணையும் முதலாவது திரைப்பட விழா இதுவாகும்.

சுவிற்சர்லாந்து, பெண்கள், ஒலி&ஒளி தொடர்பு அமைப்பான (SWAN) இனால் முன்மொழியப்பட்ட இப்பரிந்துரை ஒப்பந்தம், சுவிற்சர்லாந்தின் மிக முக்கிய பெண் இயக்குனர்களில் ஒருவரான உர்சுலா மேர்யரின் பெரும் முயற்சியினால் இன்று நடைமுறை ஒப்பந்தமாக உருவெடுத்துள்ளது. 2016 இல் உருவாக்கப்பட்ட SWAN அமைப்பு, சுவிற்சர்லாந்து முழுவதும், 1300 பெண்களை, திரைப்பட, தொலைத்தொடர்பாடல் பிரிவுகளிலிருந்து ஒன்று சேர்த்துள்ளது.

தற்போது அவர்களால் முன்மொழியப்பட்ட ஒப்பந்தத்தின் படி, லொகார்னோ திரைப்பட விழாவுக்கு திரைப்படங்களை தெரிவு செய்யும் குழுவிவில் இடம்பெறும் அங்கத்தவர்கள் யார், அவர்களின் பாலினம் என்ன, போட்டிப் பிரிவுக்கு எத்தனை வீதம் இரு பாலினரிதும் படங்கள் அனுப்பப்படுகின்றன போன்ற தகவல்கள் இனிமேல் ரகசியமாக வைக்கப்பட மாட்டாது.

இந்தவருடம் லொகார்னோ திரைப்பட விழாவில், பியாற்சே கிராண்டே திறந்த வெளி பெரு முற்றத்திற்கு தெரிவான 18 படங்களில் 4 திரைப்படங்கள் பெண்களால் இயக்கப்பட்டவை.

சர்வதேச போட்டிப் பிரிவில், 15 திரைப்படங்களில் 3 திரைப்படங்கள் பெண்களால் உருவாக்கப்பட்டவை. இயக்குனரின் முதல் அல்லது இரண்டாவது திரைப்படம் எனும் போட்டிப் பிரிவில், 15 இல் 7 திரைப்படங்கள் பெண்களால் உருவாக்கப்பட்டவை. கடந்த வருடங்களுடன் ஒப்பிடுகையில், இம்முறை பெண்களுக்கான சந்தர்ப்பம் வழங்குதலில் பெரும் முன்னேற்றம் ஏற்பட்டுள்ளது.

«நான் சினிமா கல்வி பயிலும் காலத்தில் 20 மாணவர்களுக்கு 2 பெண்கள் எனும் வீதத்தில் பெண் இயக்குனர்களின் நிலை இருந்தது. இப்போது, அது 50/50 ஆக உருவெடுத்துள்ளது. ஆனாலும், திரைபப்ட விழாக்களில் 20% வீதமான பெண் இயக்குனர்களின் திரைப்படங்களுக்கே திரையிடும் வாய்ப்பு கிடைக்கிறது. இது மாறவேண்டும்» என்கிறார் உர்சுலா மேர்யர்.

இந்த ஒப்பந்தம் கைச்சாத்திடப்பட்டு ஒரு மணித்தியாலத்தில், இன்னுமொரு எதிர்பாராத இரட்டிப்பு மகிழ்ச்சியும், அவருக்கு கிடைத்துள்ளது.

உர்சுலா மேயரின் முதல் ஆங்கில புனைவுத் திரைப்படமான «Quit Land»ற்கு சுமார் 1 மில்லியன் அமெரிக்க டாலர் நிதியுதவி Suisse Image அமைப்பினரால் வழங்கப்பட்டுள்ளது. சுவிற்சர்லாந்து திரைக்கலைஞர்களின் படைப்புக்களுக்கான உரிமைகோரல் பாதுகாப்பினை வலுப்படுத்தும் மிக முக்கிய அமைப்பான Suisse Image இன் இந்நிதியுதவி, உர்சுலா மேயரின் புதிய ஆக்‌ஷன் திரில்லர் மீதான எதிர்பார்ப்பை அதிகப்படுத்தியுள்ளது.

- 4தமிழ்மீடியாவிற்காக: லோகார்னோவிலிருந்து சிறப்புச் செய்தியாளர்கள்.

- படங்கள் : Locarno Festival

இவற்றையும் பார்வையிடுங்கள்

'சில்லுக்கருப்பட்டி’ திரைப்படத்தின் மூலம் பலரது கவனத்தையும் பெற்ற இயக்குனர் ஹலிதா ஷமீம் அவர்கள் அடுத்து இயக்கியிருக்கும் திரைப்படம் " ஏலே" பெரும் எதிர்பார்ப்பினை ஏற்படுத்தியிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

பழனி அருகேயுள்ள கணக்கன்பட்டி என்கிற கிராமத்தில் வசிக்கிறார் ஊர்ப் பெரியவரான பாரதிராஜா. மகன்கள், மகள், பேரன் பேத்திகளுடன் கோரோனா காலத்தில் சந்தோஷமாக இருக்கிறது அவரது குடும்பம். ஆனால், ‘உங்கள் குடும்பத்தில் பவுர்ணமிக்குள் ஒரு உயிர் போகப் போகிறது’ என்று ஜோசியக்காரர் சொல்கிறார். இதனால் குடும்பம், கோரோனாவால் யாரும் இறந்துவிடுவார்களோ எனப் பதறுகிறது.

வரையற்ற ஆன்லைன் திரைப்படங்களை காணும் அனுபவங்களை தரும் இணையத்தளங்கள் பன்னாட்டு சேவைகளாக இயங்கிவருவது அறிந்ததே.

கடந்த தொடரில், வெளிப்புறக் கிரகங்களை (Exoplanets) கண்டறிவதற்கான பாரம்பரிய முறைகள் மற்றும் நாசாவின் The New Worlds Mission இன் இலக்குகள் குறித்துப் பார்த்தோம்.

நடிகர் பிருத்திவிராஜை தமிழ் சினிமா ரசிகர்கள் நன்கு அறிவார்கள். காரணம் நேரடித் தமிழ்ப் படமான, கே.வி.ஆனந்த் இயக்கிய ‘கனா கண்டேன்’ படத்தின் மூலம் தமிழ் திரையில் அறிமுகமானார்.

தமிழில் குழந்தைகளுக்கான கலை இலக்கிய முயற்சிகள் குறைவாகவே உள்ளன. அத்திபூத்தாற் போல் வரும் படைப்புக்களும், புலம்பெயர் தேசக் குழந்தைகளின் வாழ்நிலைச் சூழ்நிலைகளில் அந்நியமானவையாக இருந்து விடுவதினால், அவர்களால் அதனோடு இணைந்து கொள்ள முடிவதில்லை.