திரைப்படவிழாக்கள்

புகழ்பெற்ற காற்பந்து வீரர் டியோகோ மரடோனாவை பற்றி ஒரு ஆவணத் திரைப்படம். லொகார்னோ திரைப்பட விழாவில் பியாற்சே கிராண்டே திறந்த வெளித் திரையரங்கை அப்படியே 80,90 களின்  காற்பந்து மைதானமாக மாற்றிச் சென்றது.

மரடோனாவின் தனிப்பட்ட இரு படப்பிடிப்பாளர்கள் படம்பிடித்த சுமார் 1000 மணித்தியாலங்களுக்கு மேற்பட்ட Privte Footage காட்சிகளை விலைக்கு வாங்கி, அவற்றை மாத்திரமே வைத்து படத்தொகுப்பு உருவாக்கி அதற்கு பின்னணிக் குரல்கொடுத்து உருவாக்கப்பட்ட திரைப்படம். ஆர்ஜேண்டீனாவின் நகர்ப்புற சேரிப்பகுதி ஒன்றில் பிறந்து வளர்ந்து, ஆர்ஜெண்டீனாவின் ஜூனியர் கிளப்களுக்கு விளையாடி, பார்சிலோனா கிளப்பில் இணைந்து, பின்னர் இத்தாலியின் நாப்போலி கிளப்பால், அன்றைய காலத்துக்கு அதிக விலை கொடுத்து வாங்கப்பட்டு, இத்தாலி பிரிமியர் லீக் காற்பந்து போட்டிகளில் கடைசி இடைத்தில் இருந்த நாப்போலி கிளப்பை, மூன்று வருடங்களில் முதலிடத்தை பிடிக்க வைத்தவர் மரடோனா. அந்த வெற்றிப்பாதையை, நாப்போலி விளையாடி ஒவ்வொரு கால்ப்பது போட்டிகளிலும், அவர் அடித்த கோல் காட்சிகளை கண்முன்னே நிறுத்தி நாப்போலிக்கு மரடோனா யார் என்பதற்கான பதிலைச் சொல்கிறது.

பின்னர் உலக கோப்பை போட்டிகளில் எப்படி ஆர்ஜெண்டீனா கால்ப்பந்து அணிக்கு மரடோனா தலைமை தாங்கி உலக கோப்பையைவும்  வெற்றி கொண்டார் எனக் காண்பித்து அவரது வெற்றிப்பாதையின் உச்சியை காண்பிக்கிறது.

மரடோனா திரைப்பட இயக்குனர் அசிஃ கபடியா, லொகார்னோ மேடையில் 

அதன் பின்னர் எப்படிம, புகழின் உச்சியால் தொலைத்த, நிம்மதியான அமைதியான அன்றாட வாழ்க்கை, பின்னர் பல பெண்கள் உறவு, போதை வஸ்து வழக்கம் என்பவற்றால், வாழ்வை கொஞ்சம் கொஞ்சமாக மரடோனா தொலைக்கத் தொடங்கினார் என்பதனையும் படம் காண்பிக்கிறது.

எப்படி தான் வளர்த்துவிட்ட, தன்னை வளர்த்துவிட்ட நாப்போலி கால்ப்பந்து நகரம், உலக கோப்பையில் இத்தாலியின் தோல்விக்கு, ஆர்ஜெண்டீனாவை தலைமை தாங்கிய மரடோனாவே காரணமானதன் பின்னர் மரடோனாவை கொஞ்சம் கொஞ்சமாக வெறுக்கத் தொடங்கியது எனத் திரையில் காட்சிகள் வந்து விழும் போது பார்க்க சோகம் சூழ்கிறது.

மரடோனாவை பற்றி ஏற்கனவே பல ஆவணத் திரைப்படங்கள் வெளிவந்துள்ளன. கால்ப்பந்தின் தீவிர ரசிகர் எனில் மரடோனாவின் முழுச் சுயசரிதையும் உங்களுக்கு ஏற்கனவே தெரிந்திருக்கும். ஆனால் பியாற்சே கிராண்டே பிரமாண்ட திறந்த்வெளித் திரையரங்கில் மரடோனாவின் முழு வாழ்க்கையும், Archive காட்சிகளில் மாத்திரமே காணும் போது, 1990 களுக்கு பிறந்து வளரும் இளையவர்கள், அன்றைய உலக கோப்பை போட்டிகளையும், மரடோனாவின் நுணுநுணுக்கமான விளையாட்டையும் மிக அருகில் இருந்து பார்க்கும் உணர்வு ஏற்படுகிறது.

இத்திரைப்படத்தின் இயக்குனரான Asif Kapadia ஏற்கனவே ஆவணத்திரைப்படங்களுக்கு அகடமி விருது பெற்றவர். 

வருடைய இந்த திரைப்படமும், மரடோனா எனும் ஒரு தனிநபரின், ஒரு தனித்துவமான மேதையின், ஒரு கால்ப்பந்து கடவுளின் காண்பிக்க முடியாத உருவப்படத்தை காண்பிக்க எத்தனித்திருக்கிறது. படத்தின் ஒரு கட்டத்தில் நாப்போலிய கால்ப்பந்து கிளப் அன்றைய வருடத்தின் நம்.1 கிளப்பாக உருவாகி சாம்பியன் லீக் போட்டிகளில் வென்று கோப்பையை பெற்றதன் பின்னர்  நாப்போலிய கால்ப்பந்து ரசிகர்கள், «நான் மரடோனாவை பார்த்துவிட்டேன், நான் மரடோனாவை பார்த்துவிட்டேன்» என உரக்க கோசமிடுவார்கள். «கடவுளை பார்த்துவிட்டேன்» என்ற அதே உணர்வுகளுடன் முழக்கமிடும் கோஷம் அது.

 - லொகார்னோவிலிருந்து 4தமிழ்மீடியா ஊடகவியாலளர்கள்

 

இவற்றையும் பார்வையிடுங்கள்

உலக நாயகன் கமல் தொகுத்து வழங்கிவரும் பிக்பாஸ் தமிழ் சீசன் 4 நிகழ்ச்சி ஸ்டார் விஜய் தொலைக்காட்சியில் விறுவிறுப்பாகப் போய்க் கொண்டிருந்தது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

கடந்த 2013-ல் வெளியான ‘ஆமென்’ என்ற படத்திலிருந்து தனித்துவமான திரைமொழியை கையாண்டு வெற்றி கண்டவர் லிஜோ ஜோஸ் பெல்லிச்சேரி.

யார்க்ஷயரில் உள்ள ஒரு மலைப்பாதையில் கால்டர்டேல் மலைப்பாதையில் மாபெரும் புற்தரை ஓவியம் ஒன்று வரையப்பட்டுள்ளது.

முந்தைய பாகத்துக்கான இணைப்பு -

நாம் தனிமையில் இல்லை..! - பாகம் - 2 (We are Not Alone..Part-2)

கடந்த தொடரில் நாசாவின் SETI என்ற திட்டம் குறித்துத் தெரிவித்திருந்தோம். அது தொடர்பான விபரங்களை சுருக்கமாக முதலில் பார்ப்போம். SETI என்பது ஆங்கிலத்தில் Search for extraterrestrial intelligence அதாவது விண்வெளியில் அறிவுத்திறன் மிக்க உயிரினங்களுக்கான தேடல் என்று விரிவு பெறும்.

சூரரைப் போற்று இயக்குநர் சுதாகொங்குரா, கௌதம்மேனன்,வெற்றிமாறன் இணைந்து இயக்கியுள்ள தமிழ் ஆந்தாலஜி படம் “பாவகதைகள்”.

ஒவ்வொரு புதிய படமும் ஒரு புதிய அனுபவம். சமூகத்தின் பாதிக்கப்படக்கூடிய ஒரு பிரிவுக்கு எதிரான பொலிஸ் வன்முறையைப் பற்றி விரியும் இந்த திரைப்படம் வெளியானது முதல் நல் வரவேற்பை பெற்றுவருகிறது.