திரைப்படவிழாக்கள்

சுவிற்சர்லாந்தில் நடைபெற்று வரும் 73 வது லொகார்னோ சர்வதேச திரைப்பட விழாவின் Open Door எனப்படும் பகுதி இம்முறை தென் கிழக்காசிய நாடுகளின் திரைப்படங்களுக்கு ஐரோப்பிய நுழைவாயிலாக தன் கதவுகளை திறந்திருந்தன.

அதோடு கொரோனா பாதிப்பினால், திரைப்பட விழாவில் திரையிடும் பெரும்பாலான திரைப்படங்களை ஆகஸ்டு 5-15 ம் திகதிக்குள் இணைய வெளியில் இலவசமாக எவரும் பார்க்கும் வசதிகளையும் ஏற்படுத்தியிருந்தனர்.

Open Door திரைப்படங்களில், சட்டென பார்க்கத் தூண்டியது ஒரு மலேசிய இந்திய இயக்குனரின் பெயர். மலேசியாவின் BMW Short Stories களில் போட்டியிட்டு, தனது குறுந்திரைப்படத்திற்காக உயரிய விருதை வென்றவர் ஆனந்த் சுப்ரமணியம். மலேசியாவில் பிறந்து வளர்ந்து, பிரித்தானியாவின் கிங்ஸ்டன் பல்கலைக்கழகத்தில் திரைப்படத் துறையில் உயர் பட்டப்படிப்பை முடித்த அவர், தனது Colourless திரைப்படத்திற்காக சிறந்த திரைப்படம், சிறந்த இயக்குனர் விருதை BMW திரைப்பட விழாவில் வென்றிருந்தார். அவருடைய கடைசி குறுந்திரைப்படம் Liar Land (பொய் உலகம்), லொகார்னோ Open Door பிரிவில் போட்டியிடுகின்றது.

16 நிமிட குறுந்திரைப்படம், மலாய், ஆங்கில மொழிகளில் படமாக்கப்பட்டுள்ளது. வங்கிக் கொள்ளை ஒன்றில் ஈடுபடும் ஒரு காதல் ஜோடி, தங்களது பிள்ளைகளிடம், பணத்தையும், துப்பாக்கிகளையும் விட்டுவிட்டு, காவல்துறையினரிடமிருந்து தப்பிப்பதற்காக தலைமறைவாகின்றனர். பெற்றோரின் வன்முறை மனப்போக்கின் பாதிப்பில் வளரும் பிள்ளைகள், எப்படி அவர்களது உலகை தொட முயல்கின்றனர் என்பதே கதை.

காமர்ஷியல் விளம்பரம் போல் காட்சி அமைப்பு. வன்முறை அனைத்தும், ஒலி ஒளி வடிவங்களில் காட்சி Frame க்குள் வரமாலல் வெளியில் நின்றபடி கேட்டே மிரட்டுகின்றன. பொலிஸாரின் துப்பாக்கிச் சூட்டின் போது, பிள்ளைகளிடம் தொலைபேசியில் கதறும் தாய், அதை சட்டை செய்யாது, பதிலும் சொல்லாது, தொலைக்காட்சி பார்க்கும் பிள்ளைகள், நாய்க்குட்டியின் முகத்தில் சிகரெட் புகையடித்து, அதை சித்திரவதை செய்யும் அயல் இளைஞர்கள், பணக் கொள்ளையடிப்பை வீட்டிலிருந்தே விளையாடிப் பார்க்கும் பிள்ளைகள் என அனைத்தும், வன்முறை உலகின் விளிம்பில் நின்று முகத்தில் அறைவது போல் பேசுகிறது திரைப்படம். ஆனந்த் சுப்ரமணியத்தின் பார்வையில் ஒவ்வொரு செக்கன் காட்சியும் திகிலடையச் செய்கிறது.

படத்தை பார்ப்பதற்கான இணைப்பு :

https://www.locarnofestival.ch/en/LFF/locarno-2020/film/Liar-Land?fid=1170178&l=en

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

- 4தமிழ்மீடியாவிற்காக : ஸாரா

இவற்றையும் பார்வையிடுங்கள்

உலக நாயகன் கமல் தொகுத்து வழங்கிவரும் பிக்பாஸ் தமிழ் சீசன் 4 நிகழ்ச்சி ஸ்டார் விஜய் தொலைக்காட்சியில் விறுவிறுப்பாகப் போய்க் கொண்டிருந்தது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

கடந்த 2013-ல் வெளியான ‘ஆமென்’ என்ற படத்திலிருந்து தனித்துவமான திரைமொழியை கையாண்டு வெற்றி கண்டவர் லிஜோ ஜோஸ் பெல்லிச்சேரி.

யார்க்ஷயரில் உள்ள ஒரு மலைப்பாதையில் கால்டர்டேல் மலைப்பாதையில் மாபெரும் புற்தரை ஓவியம் ஒன்று வரையப்பட்டுள்ளது.

முந்தைய பாகத்துக்கான இணைப்பு -

நாம் தனிமையில் இல்லை..! - பாகம் - 2 (We are Not Alone..Part-2)

கடந்த தொடரில் நாசாவின் SETI என்ற திட்டம் குறித்துத் தெரிவித்திருந்தோம். அது தொடர்பான விபரங்களை சுருக்கமாக முதலில் பார்ப்போம். SETI என்பது ஆங்கிலத்தில் Search for extraterrestrial intelligence அதாவது விண்வெளியில் அறிவுத்திறன் மிக்க உயிரினங்களுக்கான தேடல் என்று விரிவு பெறும்.

சூரரைப் போற்று இயக்குநர் சுதாகொங்குரா, கௌதம்மேனன்,வெற்றிமாறன் இணைந்து இயக்கியுள்ள தமிழ் ஆந்தாலஜி படம் “பாவகதைகள்”.

ஒவ்வொரு புதிய படமும் ஒரு புதிய அனுபவம். சமூகத்தின் பாதிக்கப்படக்கூடிய ஒரு பிரிவுக்கு எதிரான பொலிஸ் வன்முறையைப் பற்றி விரியும் இந்த திரைப்படம் வெளியானது முதல் நல் வரவேற்பை பெற்றுவருகிறது.