திரைப்படவிழாக்கள்

சுவிற்சர்லாந்தில் நடைபெறும் மிக முக்கிய  சர்வதேச திரைப்பட விழா லோகார்ணோ சர்வதேச திரைப்பட விழாவாகும். அமெரிக்காவின் ஆஸ்கார், பிரான்சின் கேன்ஸ், இத்தாலியின் வெனிஸ், ஜேர்மனியின் பேர்ளின், திரைப்படவிழாக்களுக்கு இணையாக நடாத்தப்படும் இத் திரைப்படவிழா, ஏனைய சர்வதேச திரைப்பட விழாக்களிலிருந்து மாறுபட்டுத் தனித்துவமாக விளங்குவதுவதற்குப் பல காரணங்கள் உள்ளன.

சினிமாவில் மாற்றுச் சிந்தனைகளுக்கான தளம், புதியவர்களுக்கான களம், என்பவற்றோடு, பியாற்சா கிரான்டே எனும் பெருமுற்றப் பிரமாண்டத் திறந்தவெளித் திரை என்பதுவும் இச் சர்வதேசத் திரைப்படவிழாவின் தனிச் சிறப்பு.

இவ்வாறான பெருமைகள் கொண்ட இத் திரைப்படவிழாவின் 67வது தொடர் ஆகஸ்ட் 06 (இன்று) ஆரம்பமாகிறது. இன்றைய ஆரம்ப நிகழ்வுகள் இரவு 09 மணிக்கு பியாற்சா கிராண்டே பெருமுற்றத்தில் நடைபெறவுள்ளன. ஆயினும் காலை முதலே பத்திரிகையாளர்கள் காட்சி, சந்திப்பு என்பவை ஆரம்பமாகிவிடுகின்றன.

பத்துக்கும் மேற்பட்ட திரையரங்குகளில் இச் சர்வதேச விழாப் படக்காட்சிகள், திரைப்படங்கள் தொடர்பான உரையாடல்கள், பத்திரிகையாளர் சந்திப்புக்கள் என பத்துத் தினங்கள், புதிய சினிமாவின் தரிசனங்கள் நிறைந்திருக்கும். இவ்வாண்டு மக்கள் கலைஞனான சார்லிசப்ளின் நூற்றாண்டாகும். அதனைச் சிறப்பிக்கும் வகையில், 1936ல் வெளிவந்த சார்லிசப்ளினின்  Modern Times  திரைப்படம், மாலை 4.00 மணிக்கு, Auditorium FEVI அரங்கத்தில் காட்சிப்படுத்தப்படவிருக்கிறது. மேலும் இக்காட்சியின் போது, Orchestra della Svizzera italiana இசைக்குழுவினர் நேரடி இசைக்கோப்புச் செய்து சிறப்பிக்கவுள்ளனர்.

இரவு 9.00 மணிக்கு ஆரம்பமாகும் பெருமுற்ற ஆரம்ப நிகழ்வுகளின் போது, சிறப்பு விருந்தினர்கள், மற்றும் நடுவர்கள், மதிப்பளிக்கப்படுவார்கள். தொடர்ந்து பெருமுற்றத்தின் பிரமாண்டத் திரையில், பிரெஞ்சு இயக்குனர் Luc Besson னின் இவ்வாண்டுப் படைப்பான Lucy முதல் திரையிடலாக காட்சிக்கு வருகிறது. பியாற்சா கிரான்டே பெருந்திரையின் முதற்காட்சி எப்பொழுதும் அமர்க்களமாக இருக்கும். அது இம்முறையும் பொய்த்துப் போகாது என்பதாக உணர்த்துகிறது Lucy திரைப்படத்தின் முன்னோட்டம்.

இச் சர்வதேச திரைப்படவிழாவில் கடந்த நான்கு வருடங்களாக அதிகாரபூர்வ ஊடக அனுமதியோடு உங்கள் 4தமிழ்மீடியா செய்தியாளர்கள் கலந்துகொண்டு, விழாவின் செய்திகளையும், படங்கள் குறித்த பார்வைகளையும், காட்சிகளையும், தொகுத்துத் தந்திருக்கின்றார்கள். இந்த ஆண்டில் மேலும் சிறப்பாகத் தரவேண்டும் என்ற விருப்பத்தோடு லோகார்ணோ பயணமாகியுள்ள நமது சிறப்புச் செய்தியாளர்களின் தொகுப்புக்களைத் தொடரந்து இந்தப் பகுதியில் நீங்கள் வாசித்து மகிழலாம். இம்முறை முடிந்தவரை சிறப்புக் காணொளித் தொகுப்புக்களை 'தமிழி' தொலைக்காட்சியினூடும் நீங்கள் கண்டு மகிழலாம் என்பதையும் மகிழ்ச்சியேடு அறியத் தருகின்றோம்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

தமிழ் சினிமாவில் உயரமான நடிகர்கள் பலர். அவர்களில் சத்தியராஜ், விஷால் ஆகிய இருவரையும்விட உயரமானவர் நெப்போலியன்.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

"உங்கள் கனவை எங்கள் ஜம்போவின் காதில் கிசுகிசுக்கவும், யாருக்கு தெரியும், அது நனவாகும்! " எனக் கட்டியம் கூறியவாறு, மாணவர்கள் மத்தியில் சிறுகதை எழுதும் ஆர்வத்தினை ஏற்படுத்த முனைகிறது ஆம்பல், சிறுகதைப்போட்டி.

உலகிலேயே மிக சிக்கலான மற்றும் மிகப் பெரும் எந்திரம் அல்லது கருவி ஜெனீவாவில் அமைந்துள்ள LHC எனப்படும் 27 கிலோமீட்டர் சுற்றளவு கொண்ட நிலக்கீழ் துகள் முடுக்கி கருவி (Particle accelerator) ஆகும்.

சாருஹாசன் நடித்து கடந்த வருடம் வெளியாகி ஓரளவுக்கு வசூலும் செய்த படம் தாதா 87. இப்படத்திற்கு விஜய் ஸ்ரீ கதை, திரைக்கதை,வசனம் எழுதி இயக்கியிருந்தார்.

ஊரடங்கு நீடித்திருக்கும் நிலையில் யோசுவா ஆரோன் எனும் யூடியூப் இசைப் பிரபலம் சூப்பர் சிங்கர் பாடகர்களை ஒருகிணைத்து