திரைவிமர்சனம்

இயக்குநர் ஸ்டீவன் சோடர்பெர்க் என்ற மிக முக்கியமான இயக்குநரின் இயக்கத்தில் உருவானது இந்தப் படம். இவர், ‘சே’ என்ற தலைப்பிலேயே சேகுவாரா வாழ்க்கையை படமாக்கியவர்.

ஹாலிவுட்டை கிடுகிடுக்கச் செய்த ‘ எரின் புரோக்கோவிச். ட்ராஃபிக், ஓசன் லெவன் உள்ளிட்ட மிக முக்கியமான படங்களை இயக்கி ஹாலிவுட்டின் பாக்ஸ் ஆபீஸ், விமர்சகர் வட்டம் இரண்டிலுமே வரவேற்பைப் பெற்றவர். இவர்தான் கொரானா போன்ற வைரஸை அடிப்படையாக வைத்து 2011-ல் கண்டாஜியன் (Contagion) படத்தை இயக்கினார்.

Contagion என்ற தலைப்புக்கு தொற்று என்று பொருள். படத்தில் நாயகனின் மனைவியும் மகனும் மர்மமான முறையில் இறந்துவிடுவார்கள். அவர்கள் இறந்ததற்கான காரணத்தைத் தேடும் போது தான் ஒரு மோசமான வைரஸ் பரவி வருவது தெரியவரும், அந்த வைரஸ் உள்ள ஒருவர் தொடும் பொருட்களை மற்றவர் தொட்டாலோ அல்லது எச்சில், இருமல், வியர்வை போன்ற விஷயங்களில் மூலம் இந்த வைரஸ் பரவுகிறது. இது உலகம் முழுவதும் பரவி பலரின் உயிரை பறிக்கிறது. தற்போது நடப்பதை 2011லேயே படம் பிடித்தது போல இருக்கிறது இத்திரைப்படம்.

சீனாவில் மக்காவ் என்ற இடத்தில் இருக்கும் சமையல்காரர் ஒருவர், கிருமித் தொற்றால் பாதிக்கப்பட்டிருக்கும் பன்றி மாமிசத்தைக் கையில் எடுத்துவிட்டு, தனது கையைக் கழுவாமல் க்வைனத் பால்ட்ரோ கதாபாத்திரத்துக்குக் கை கொடுப்பார். பால்ட்ரோ, அமெரிக்காவுக்குத் திரும்புகையில் அவருக்குக் கிருமித் தொற்று பாதிக்கப்பட்டிருக்கும்.

அடுத்த சில நாட்களில் அவர் இறக்க, அவரது தொற்று மற்றவர்களுக்கும் பெரிய அளவில் பரவ ஆரம்பித்து நாடே ஸ்தம்பிக்கும். இந்தக் கிருமித் தொற்று பன்றி, வவ்வாலிலிருந்துதான் ஆரம்பித்துள்ளது என்பார் படத்திலிருக்கும் விஞ்ஞானி ஒருவர். ஆனால் தொற்று சீனாவில் இருந்து பரவியது என்பதை கற்பனையாக அப்போது இந்தப் படம் சித்தரித்திருந்தாலும் தற்போது அப்படியே பொருந்திப்போவதுதான் சினிமா ரசிகர்கள் சற்றும் எதிர்பாக்காத நிதர்சனத் திருப்பம்.

'சோசியல் டிஸ்டென்ஸ்', '144 தடை உத்தரவு', 'லாக் டவுண்', 'டிபார்ட்மெண்டல் ஸ்டோரை காலி செய்யும் மக்கள்','ஆலய வழிபாடு நிறுத்தம்','ஹீலர் பாஸ்கர் கைது' காலி வீதிகள், காலி விமான நிலையங்கள், நகரங்கள், தனிமைப்படுத்தப்பட்டு சிகிச்சை எடுக்கும் மக்கள் என தற்போதைய சர்வதேச நிலவரத்தை தீர்க்கதரிசனம்போல் பிரதிபலித்த காரணத்தால்தான் "கன்டேஜியன்" திரைப்படம் தற்போது அமேசான் தளத்தில் வைரலாகியுள்ளது

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

இருவர் படம் தோற்றதற்கான காரணம் குறித்து மணி ரத்னம் சொன்னதாக ஒரு விளக்கத்தை வலையொளி ஒன்றுக்கு அளித்த பேட்டியில் கூறியுள்ளார் இயக்குநர் வசந்த பாலன்.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

தமிழகத்தைச் சேர்ந்த பெருமைமிகு இளம் திறமைசாலிகள் பலரும் சர்வதேச அளவிலான கலை மற்றும் இசைத் தளங்களில் தடம் பதித்து மிகச் சிறப்பானதொரு இடத்தைப் பெற்றிருக்கின்றனர்.

வொயேஜர் 1 (Voyager 1) என்பது ஐக்கிய அமெரிக்காவின் நாசா விண்வெளி ஆய்வு மையத்தினால் 1977 செப்டம்பர் 5 இல் சூரியக் குடும்பத்தின் வெளிப்புறத்தை ஆராய்வதற்காக ஏவப்பட்ட ஓர் ஆளில்லா விண்ணுளவி ஆகும்.

’விரும்புகிறேன்’ படத்தின் மூலம் தமிழ் சினிமாவில் அறிமுகமான நடிகை சினேகா. பழம்பெரும் நட்சத்திரம் கே.ஆர்.விஜயாவுக்கு அடுத்து ‘புன்னகை இளவரசி’ என்ற பட்டத்தைப் பெற்றார் சினேகா.

சந்தானம்  நடிக்கும் பிஸ்கோத் படத்தின் ட்ரைலர் வெளியானது