திரைவிமர்சனம்

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

உடனடியாக நெட்ஃபிளிக்ஸ் இணையதளத்தில் அதைப் பார்க்க உட்கார்ந்துவிட்டேன்.

ஆந்திர மாநிலம், குண்டூரில் சின்னச் சின்ன வேலைகள் செய்து பிழைத்துவரும் தமிழ் இளைஞர்களான பாண்டியும் (தினேஷ்) அவனது மூன்று நண்பர்களும், கிடைக்கும் சொற்ப வருமானம் வயிற்றுப் பாட்டுக்கே போதாத நிலையில், வாடகை வீடு எடுத்துத் தங்கமுடியாமல் ஊரின் பொதுப் பூங்காவில் தங்கியிருக்கிறார்கள். அவர்களைக் கைதுசெய்து லாக்அப்பில் அடைக்கும் உள்ளூர் போலீஸ், அவர்கள் செய்யாத குற்றத்தைச் சுமத்தி அதை ஏற்றுக்கொள்ள, விசாரணை என்ற பெயரில் கொடும் சித்திரவதைகளை செய்து மூலம் நிர்ப்பந்திக்கிறது. மலத்துவாரச் சித்திரவதை செய்யப்பட்டதாகக் கூறப்படும் சாத்தான்குளம் பென்னிக்ஸுக்கு நேரும் அதே நிலையை பாண்டியும் எதிர்கொள்கிறான்.

மீண்டும் ஹீரோவாக நடிக்கிறார் 88 வயது சாருஹாசன்!

இறுதியாக நீதிமன்றத்தின் முன் நிறுத்தப்படும் அவர்களுக்குத் தப்பிக்க ஒரு வாய்ப்பு கிடைக்கிறது. அதே நீதிமன்றத்தில் சரணடைய வரும் பிரபல அரசியல் தரகரான கேகேவை (கிஷோர்) கைது செய்ய தமிழ்நாட்டிலிருந்து வரும் தமிழகக் காவல் அதிகாரியான முத்துவேல் (சமுத்திரக்கனி) உதவியுடன் இந்த இளைஞர்கள் விடுதலையாகிறார்கள். தங்கள் நன்றியைக் காட்ட அவருக்கு உதவப்போய் வாழ்வா, சாவா என்ற பொறியில் மீண்டும் மாட்டிக்கொள்கிறார்கள். ஆந்திர போலீஸோ, தமிழக போலீஸோ அல்லது இந்தியாவின் எந்த மூளையில் உள்ள போலீஸாக இருந்தாலும் சக மனிதர்களை அவர்கள் விசாரணை என்ற பெயரால் உயிர்போகும் அளவுக்கு சித்திரவதை செய்வார்கள் என்பதைத்தான் பதைபதைக்க வைக்கும் உண்மையுடன் பதிவு செய்திருக்கிறது விசாரணை

விசாரணை படத்தில் போலீஸின் கொடூர வீசாரணைக் காட்சிகள் உண்மை நிகழ்விலிருந்து அப்படியே தனி மனித அனுபவம் வழியாக காட்டிப்படுத்தப்பட்டுள்ளன. பாண்டியும் அவனது நண்பர்களும் வாங்கும் ஒவ்வொரு அடிக்கும் நமது சதை பிளந்து இரத்தம் தெறிப்பதைப் போல நடுநடுங்க வைக்கிறது. இத்தனை குரூரமான காவலர்களுக்கு இடையேயும் நேர்மையும் மனசாட்சியும் கொண்ட இன்ஸ்பெக்டர் முத்துவேலாக சமுத்திக்கனியின் நடிப்பு அத்தனை இயல்பு. அப்பாவிக் கதாபாத்திரங்களாக நடித்திருக்கும் நால்வரும் தமது மிகையற்ற நடிப்பால் நமது அனுதாபத்தைப் படம் முழுவதும் பெற்றுக்கொள்கிறார்கள்.

சமூக ஊடகத்தில் விஜய் - அஜித்தின் பலம் என்ன?

அப்பாவி இளைஞர்கள் தப்பித்துச் செல்வதற்கு வாய்ப்புகள் இருந்தும் தம்மை ஆந்திர போலீஸிடம் இருந்து காப்பாற்றிய நன்றி உணர்வின் காரணமாகப் பொறியில் மாட்டிக்கொண்ட எலிகளைப் போல வீழ்ச்சியுறும்போது அவர்களின் அறியாமையின் மீது கோபம் ஏற்படுகிறது. இருப்பினும் உண்மைக் கதையின் போக்கிற்கு அந்த அறியாமையே மூலம் என்னும்போது, அவர்களின் மீது இரக்கம் பிறக்கிறது.


வெற்றிமாறனின் திரைப்படங்களில் திரைக்கதையின் திருப்பங்கலை இயல்பான போக்கில் செலுத்தும் அவர், கதாபாத்திரங்களை எவ்வித பிம்பத்துக்குள்ளும் திணித்துவிடாமல் எழுதுவது முக்கியமான செயல்முறை. அதை இதிலும் ஒரு எதார்த்தப் படத்துக்குரிய தீவிரத்துடன் அவர் செய்திருக்கிறார். அப்படி எழுதிய கதாபாத்திரங்களுக்கு பொருத்தமான நடிகர்களின் தேர்வுவில் அவர் வியப்பூட்டுபவர். அவரின் பொல்லாதவன் தொடங்கி அசுரன் வரை இந்தத் தேர்வு தான் அவரின் படங்களின் வெற்றிக்கு முக்கியக் காரணமாக அமைந்திருக்கிறது.

படத்தில் மிகவும் குறிப்பிடத்தக்க தொழில்நுட்ப அம்சம் கிஷோரின் படத்தொகுப்பு. வெற்றிமாறன் தாம் படமாக்கிய நூற்றுக்கணக்கான படத் துண்டுகளிலிருந்து தனது படத்தை கண்டெடுக்க கிஷோரின் வெட்டுக்களே ‘விசாரணை’ படத்திலும் காரணமாக இருக்கின்றன என எண்ணத்தோன்றும் அளவுக்கு படத் துண்டுகளின் (ஷாட்ஸ்) நீளங்களை அவை தெரிவிக்கும் செய்தியை ஒட்டி அத்தனை கச்சிதமாக அவர் வெட்டியும் இணைந்தும் உள்ளார்.

அதேபோல, பெரும்பாலான காட்சிகள் குறுகலான அறைகளுக்கு குறைந்த வெளிச்சத்தில் படமாக்கி ஒளிப்பதிவை களத்தின் எதார்த்த கதாபாத்திரமாக மாற்றியிருக்கிறார் எஸ்.ராமலிங்கம். வெற்றிமாறனின் நண்பரான ஜி.வி.பிரகாஷ், தேவையான இடங்களில் மட்டுமே பின்னணி இசையை அமைத்திருக்கிறார். கதையில் விசாரணைக் கைதிகளான நான்கு அப்பாவி இளைஞர்களில் வழியில் இறங்கிக் கொண்ட ஒரே காரணத்திற்காக உயிர்பிழைத்து, தனக்கு நேர்ந்த அனுபவங்களை ‘லால்-அப்’ என்ற நாவலாகப் பதிவுசெய்த சந்திரகுமாருக்கு படத்தின் டைட்டிலில் உரிய மரியாதை கொடுத்திருக்கிறார் இயக்குநர் வெற்றிமாறன். ஒரு நேர்மையான படைப்பாளிக்கு அழகும் அதுதானே!

- 4தமிழ்மீடியாவுக்காக மாதுமை

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

 

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

இவற்றையும் பார்வையிடுங்கள்

கொரோனா அலை முடிந்தபிறகுதான் அஜித் வலிமை படப்பிடிப்பில் கலந்துகொள்வார் என்று அஜித் தரப்பில் முதல் கூறப்பட்டது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

ஒரே படத்தின் மூலம் இரண்டு முக்கியப் பிரச்சினைகளை உயிரோட்டம் குறையாமல் கையாள முடியுமா ? இரண்டையும் சரியான புள்ளியில் இணைந்து விறுவிறுப்பு குன்றாமல் ஊக்கமுடன் கதைக் களத்துக்குள் நம்மை அழைத்துச் செல்ல முடியுமா? முடியும் என்று காட்டியிருக்கிறார் அறிமுக இயக்குநர் விருமாண்டி.

இந்திய சினிமாவுக்கு உலக அரங்கில் பெரிய மரியாதையைப் பெற்றுகொடுத்தவர் வங்கமொழித் திரைப்பட இயக்குநரும் ஓவிய மேதையுமான சத்யஜித் ராய்.

குதிரைக்கும் தமிழருக்குமான காலத் தொன்மை தொடர்பு 5 00 000 – 2 00 000 ஆண்டு என்பதற்கு சான்று பகர்வது தொல்லியல் ஆய்வு ஆகும் .

சூப்பர் ஸ்டார் ரஜினிகாந்த் நேரடி கட்சி அரசியலில் ஈடுபட போவதாக கடந்த 2017-ஆம் ஆண்டு டிசம்பர் 31-ஆம் தேதி அறிவித்தார்.

மூக்குத்தி அம்மன் திரைப்படத்தின் டிரைலர்