Top Stories

Grid List

தந்தை பெரியாரும், அறிஞர் அண்ணாவும் தேர்ந்தெடுத்த ‘சமூக நீதி’க்கான இடர்நிறைந்த பாதையில் வெற்றிகரமாகப் பயணித்த கலைஞர் மு.கருணாநிதி, தான் மறைந்த பின்னும் போராட்டத்தின் வழியே தனக்கான உரிமையை மீட்டிருக்கின்றார். அதாவது, மெரீனா கடற்கரையில் அண்ணாவின் அரவணைப்பில் மீளாத்துயில் கொள்ள வேண்டும் என்கிற தன்னுடைய இறுதி ஆசைக்காக அவர் சட்டப் போராட்டம் நடத்தி வென்றிருக்கிறார். இப்போது, அவர் அண்ணாவின் அரவணைப்பில் அமைதியாக உறங்குவார். 

வடக்கு மாகாண மீன்பிடி, போக்குவரத்து மற்றும் கிராம அபிவிருத்தி அமைச்சராக பா.டெனீஸ்வரன் தொடர்ந்தும் பதவி வகிப்பதற்கான இடைக்கால உத்தரவை மேன்முறையீட்டு நீதிமன்றம் இன்று (வெள்ளிக்கிழமை) பிறப்பித்திருக்கின்றது. 

தூத்துக்குடியில் ஸ்டெர்லைட் ஆலைக்கு எதிராக போராடிய மக்கள் மீது காவல்துறை நடத்திய துப்பாக்கிச் சூட்டில் இதுவரை 13 பேர் உயிரிழந்திருக்கிறார்கள். நூற்றுக்கணக்கானோர் படுகாயமடைந்திருக்கின்றார்கள். 

பிரதமர் ரணில் விக்ரமசிங்கவுக்கு எதிராக கூட்டு எதிரணியால் (மஹிந்த அணி) முன்வைக்கப்பட்ட நம்பிக்கையில்லாப் பிரேரணை 46 மேலதிக வாக்குகளினால் தோற்கடிக்கப்பட்டிருக்கின்றது. 

Top Stories

Grid List

கூட்டு எதிரணிக்குள் தற்போது மஹிந்த அணி, கோட்டா அணி என பிளவு ஏற்பட்டுள்ளதாக மக்கள் விடுதலை முன்னணியின் (ஜே.வி.பி) தலைவரும் பாராளுமன்ற உறுப்பினருமான அநுர குமார திசாநாயக்க தெரிவித்துள்ளார். 

ராஜபக்ஷக்களிடம் ஆட்சியை மீண்டும் ஒப்படைப்பதால் நாட்டில் மீண்டும் அபிவிருத்தி ஏற்படும் என நம்புவது ஒரு மாயை என மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் சுனில் ஹந்துன்நெத்தி தெரிவித்துள்ளார். 

ஜனாதிபதி மைத்திரிபால சிறிசேனவை கொலை செய்ய திட்டம் தீட்டியதாக குற்றம் சுமத்தப்பட்டிருக்கும் பிரதி பொலிஸ் மா அதிபர் நாலக்க டி சில்வா மீது சுயாதீன விசாரணை முன்னெடுக்கப்படும் என்று அமைச்சரவைப் பேச்சாளரும் சுகாதார அமைச்சரமான ராஜித சேனாரத்ன தெரிவித்துள்ளார். 

‘தியாகி’ திலீபனின் நினைவு தின நிகழ்வு யாழ். மாநகர சபையினால் ஏற்பாடு செய்யப்படும் என்று யாழ். மாநகர மேயர் இம்மானுவேல் ஆனோல்ட் தெரிவித்துள்ளார். 

கட்டாய ஹெல்மெட் சட்டத்தை கண்டிப்புடன் அமுல்படுத்த வேண்டும் என தமிழக அரசுக்கு சென்னை உயர்நீதிமன்றம் உத்தரவிட்டுள்ளது. 

‘முத்தலாக்’ முறையை இரத்து செய்யும் அவசர சட்ட மசோதாவிற்கு குடியரசுத் தலைவர் ராம்நாத் கோவிந்த் ஒப்புதல் அளித்துள்ளார். 

யாழ்ப்பாண நூலகங்கள் மற்றும் வாசிக சாலைகளுக்கு 50,000 புத்தகங்களை தமிழ்நாடு அரசாங்கம் வழங்கிவைத்துள்ளது. 

இலங்கை- இந்தியத் தமிழ் மக்களின் உறவுப் பாலமாக தமிழக அரசு என்றைக்கும் இருக்கும் என்று தமிழ்நாடு கல்வித்துறை அமைச்சர் கே.ஏ.செங்கோட்டையன் தெரிவித்துள்ளார். 

1953 ஆண்டு முடிவடைந்த கொரிய உள்நாட்டுப் போரின் பின் பகை நாடுகளாக விளங்கி வந்த இரு கொரிய தேசங்களுக்கும் இடையே தற்போது நட்பு ஆழமாக வேர் விடத் தொடங்கியுள்ளது.

சீனாவின் இறக்குமதிப் பொருட்கள் மீது அமெரிக்கா வரி விதிப்பை அதிகரித்ததால் உலகளாவிய ரீதியில் வர்த்தகப் போர் மூண்டுள்ளது.

2015 ஆமாண்டு தொடக்கம் முதல் யேமெனில் ஹௌத்தி கிளர்ச்சியாளர்களுக்கு எதிராக சவுதி அரேபியா தலைமையிலான வளைகுடா கூட்டணி நாடுகள் போர் தொடுத்து வருகின்றன.

பிரிட்டனில் முன்னாள் ரஷ்ய உளவாளி செர்கெய் ஸ்கிரிபால் மற்றும் அவரது மகள் யூலியா மீது நரம்பு மண்டலத்தைப் பாதிக்கும் நச்சுப் பொருள்களைக் கொண்டு தாக்குதல் நடத்தியதாக குற்றம்சாட்டப்பட்ட ரஷ்ய நாட்டவர்கள் இருவர் தாங்கள் வெறும் சுற்றுலாப் பயணிகள் என்று ரஷ்ய அரசுத் தொலைக்காட்சிக்கு அளித்த பேட்டியில் தெரிவித்தனர்.

Top Stories

Grid List

இன்று ஞாயிற்றுக்கிழமை ரஷ்யாவின் தலைநகர் மாஸ்கோவில் இடம்பெற்ற ஃபிபா உலகக் கிண்ணக் காற்பந்துப் போட்டிகளில் 4 இற்கு 2 என்ற கோல் கணக்கில் குரோஷியா அணியை வீழ்த்தி பிரான்ஸ் 2 ஆவது முறையும் சேம்பியன் பட்டம் வென்றுள்ளது பிரான்ஸ்.

இம்முறை லீக் சுற்றுப் போட்டிகளில் அதிக கோல்கள் அடித்த அணியான பெல்ஜியம் சனிக்கிழமை மாலை 2 இற்கு 0 என்ற கணக்கில் இங்கிலாந்தை வீழ்த்தி 3 ஆவது இடத்தைப் பிடித்துள்ளது.

சற்று முன்பு நடந்து முடிந்த இங்கிலாந்து மற்றும் குரோஷிய அணிகளுக்கான கால் பந்தாட்டப் போட்டி மிகவும் விறுவிறுப்பாக 2 ஆவது எக்ஸ்ட்ரா டைம் வரை சென்றது.

சனிக்கிழமை ரஷ்யாவுக்கும் குரோஷியாவுக்கும் இடையே இடம்பெற்ற போட்டி மிகவும் விறுவிறுப்பாக மேலதிக நேரமும் தரப்பட்டு பெனால்டி வரை சென்றது.

கல்யாண ராசி தாறுமாறாக வொர்க்கவுட் ஆகிவிட்டது சமந்தாவுக்கு.

தன்னை ஒரு அஜீத்தாகவே நினைத்துக் கொண்டிருக்கிறார் சிவகார்த்திகேயன்.

விவேகம் படத்தின் நஷ்டத்தை கொடுத்தாலொழிய விஸ்வாசம் படத்தை நிம்மதியாக வர விட மாட்டோம் என்று கோஷ்டியாக கிளம்பிய அத்தனை பேரையும் வேஷ்டி போட்டு அமுக்கிவிட்டார்கள்.

கயல் ஆனந்தி நடித்த படங்களில் அவரைப் பொறுத்தவரை ‘கயல்’ கூட பெஸ்ட் இல்லை.

Him.Her.The Other (அவன், அவள், மற்றும் மற்றையவர்கள்), தமிழில் «மூவர்» எனும் பெயரிலும், சிங்கள மொழியில் «துந்தனெக்» எனும் பெயரிலும், இலங்கையின் மூன்று மிக முக்கிய / கொண்டாடப்படும் திரை இயக்குனர்களான பிரசன்ன விதானகே, விமுக்தி ஜயசுந்தர மற்றும் அசோக ஹந்தகம ஆகியோரின் இயக்கத்தில் வெளியான திரைப்படம் இது.

லொகார்னோ சர்வதேச திரைப்பட விழாவின் தங்கச் சிறுத்தை விருதை (Golden Leopard), முதன் முறையாக சிங்கப்பூர் சினிமா திரைப்படம் ஒன்று தட்டிச் சென்றுள்ளது.  A LAND IMAGINED (கற்பனை நிலம்) எனும் திரைப்படத்திற்காக அதன் இயக்குனர் Yeo Siew இவ்விருதை வெற்றி கொண்டுள்ளார்.

இம்முறை லொகார்னோ திரைப்பட விழாவில், Cineasti del Presente எனப்படும் போட்டிப் பிரிவில் பார்த்த சில திரைப்படங்கள் அத்திரைப்பட இயக்குனர்களின் எதிர்காலம் குறித்து பெரும் நம்பிக்கையை ஏற்படுத்திச் சென்றிருக்கின்றன. 

லொகார்னோ சர்வதேச திரைப்பட விழாவின் Open Door பிரிவில் தொடர்ந்து மூன்று வருடமாக மையப்படுத்தப்பட்டு வந்த இந்தியா அல்லாத தெற்காசிய நாடுகளின் நலிந்த சினிமா பார்வை இவ்வருடத்துடன் முடிவுக்கு வந்துள்ளது.

‘சட்டம் ஒழுங்கோ, சாலை விதியோ... எதுவும் எங்க வீட்டுச் சேர் இல்ல. இழுத்துப் போட்டு உட்கார!’ ஆயிரம் புத்தகங்கள் சொல்லாத விஷயத்தை சினிமாவில் வரும் சின்ன காட்சி ஒன்று புத்தியில் அடித்த மாதிரி சொல்லிவிடும்!

சிவகார்த்திகேயனின் சிரசுக்கு ஏற்ற மாதிரியே கிரீடம் செய்து வந்த பொன்ராம், இந்த முறை திணறியிருக்கிறார். சிரசு பெருசாகிவிட்டதா? இல்ல... கிரீடம் சிறிசாகிவிட்டதா? பூதக்கண்ணாடி போட்டாவது கவனிக்க வேண்டிய கட்டாயத்திலிருக்கிறார் ஜுனியர் வசூல் மன்னன்!

ரத்தம் குடிக்கும் காட்டேரிகள் முன், சத்தம் போடாமல் சரிந்து விழும் காதலர்களை பற்றிய கதைதான் ‘தொட்ரா’! தலைப்பில் இருக்கிற கரண்ட், திரையிலும் இருப்பதால் தென்மாவட்டங்களில் தீப்பிடிக்கலாம்.

வாரப்படாத தலைக்குள் ‘வகிடு’ போல மறைந்து கிடக்கிறார்கள் அநேக இயக்குனர்கள்! அப்படியொரு அற்புத இயக்குனர் லெனின் பாரதி! தேடிக் கண்டுபிடித்த விஜய் சேதுபதிக்கு முதல் பாராட்டு. அதற்கப்புறம் வந்து விழுகிற அத்தனை பாராட்டும் இப்படத்திற்காக உழைத்த எல்லாருக்கும்!

குறு நிலங்களாகப் பிளவுபட்டிருந்த அம் மலைப்பிரதேசம், பல்வேறு ஆட்சியாளர்களால் பலகாலம் அடிமைப்பட்டுக் கிடந்தது. ஆஸ்திரிய மன்னனால், அடிமைப்பட்டுக்கிடந்த காலமதில், அரச அதிகாரியாகச் செயலாற்றிய ஜெஸ்லர், மலைவாழ் மக்களை மிகவும் கொடுமைப்படுத்தினான்.

“நேற்று என் கனவில்
புத்தர் பெருமான் சுடப்பட்டிறந்தார்.
சிவில் உடை அணிந்த
அரச காவலர் அவரைக் கொன்றனர்.
யாழ் நூலகத்தின் படிக்கட்டருகே
அவரது சடலம் குருதியில் கிடந்தது!” 

தலைவர் ரஜினிக்கு…!

நலமாக இருக்கிறீர்களா?, ‘காலா’ படத்தின் ரிலீஸ் வேலைகள் எப்படிப் போகிறது? காலாவுக்கு கர்நாடகத்தில் தடை எனும் செய்தி கேட்டு கலங்கிப்போனேன்.

இப்படித்தான் ஜாலியன் வாலாபாக்கில் நடந்தது என்கிறார்கள்.
இப்படித்தான்
இந்தி எதிர்ப்பு போரில் நடந்தது என்கிறார்கள்.
இதுதான் குஜராத் மாடல் என்கிறார்கள்.
முள்ளிவாய்க்காலில்
மக்கள் இவ்வாறுதான் கிடந்தார்கள் என்கிறார்கள். 

சமீபத்தில் விஞ்ஞானிகள் குழுவொன்று அமெரிக்காவுக்கு அருகே வட அத்திலாந்திக் கடலில் இருக்கும் பேர்முடா முக்கோணத்தின் மர்மம் கடல் பூதங்களோ அல்லது UFO போன்ற பறக்கும் விசித்திரப் பொருட்களோ அல்ல என அறிவித்துள்ளது.

இவ்வருடம் ஆகஸ்ட் 6 ஆம் திகதி சூரியனை நெருங்கி மிகவும் நெருங்கி ஆய்வு செய்யும் செய்மதியான பார்க்கர் சோலார் சேட்டலைட் அமெரிக்காவின் ஃபுளோரிடா மாநிலத்தின் கேப் கெனவரல் ஏவுதளத்தில் இருந்து ஏவப்படுகின்றது.

ஆடி பிறந்துவிட்டது நமக்கு நினைவில் வருவது உழுததம்மாக்கூழ். இதனை பனங்கட்டி சேர்த்துக்காச்சியும் கொழுக்கட்டை அரிசிமாவினாலும் பயறுப்பருப்பும் பனங்கட்டியும் சேர்த்தும் அவிப்பர்.

ஹபிள் தொலைக் காட்டி

சற்று நீண்ட இடைவெளிக்குப் பின் தொடரும் இன்றைய நட்சத்திரப் பயணங்கள் தொடரில் எமது வானில் தெரியும் கூறுகளின் இயக்கம் குறித்து இன்னும் சற்றுத் தெளிவாக விளங்கிக் கொள்ள முயற்சிப்போம்.

மேலும் மனமே வசப்படு : https://www.facebook.com/ManameVasappadu/

மேலும் மனமே வசப்படு :   https://www.facebook.com/ManameVasappadu

மனமே வசப்படு பேஸ்புக் பக்கத்தையும் லைக் செய்யுங்கள் : https://www.facebook.com/ManameVasappadu

இந்தியா

பெரும்பான்மை இல்லாத எடப்பாடி பழனிசாமி தலைமையிலான அரசு நீடிப்பதற்கு அனைத்து உதவிகளையும் மத்தியில் உள்ள பா.ஜ.க அரசு செய்து கொண்டிருப்பது ஜனநாயகத்தின் குரல்வளையை நெரிக்கும் செயல் என்று தி.மு.க செயல் தலைவர் மு.க.ஸ்டாலின் குற்றஞ்சாட்டியுள்ளார். 

இது குறித்து மு.க.ஸ்டாலின் வெளியிட்ட அறிக்கையில், “முதல்வர் எடப்பாடி பழனிசாமி தலைமையிலான ‘குதிரை பேர’ அரசுக்கு அளித்த வந்த ஆதரவை, ஆளுங்கட்சியைச் சேர்ந்த 19 எம்எல்ஏக்கள் வாபஸ் பெற்றதைத் தொடர்ந்து, ஆகஸ்ட் 22ஆம் தேதியிலிருந்து இந்த அமைச்சரவை பெரும்பான்மையை இழந்து விட்டது என்பது ‘உள்ளங்கை நெல்லிக்கனி’ போல் உலகத்திற்குத் தெரிய வந்துவிட்டது. ஆனால், ‘அது உள்கட்சி பிரச்னை’, என்று கூறி, இந்த அரசை நீடிக்க வைப்பதற்கு அரசியல் உள்நோக்கத்துடன் மத்தியில் உள்ள பாஜக அரசு ஆளுநர் நீண்ட அமைதி காப்பது அரசியல் சட்ட விரோதம் மட்டுமல்ல, சட்டமன்ற ஜனநாயகத்திற்கே உலைவைக்கும் கேலிக்கூத்தாகும்.

திமுக சார்பிலும், சட்டமன்றத்தில் உள்ள மற்ற கட்சிகளின் சார்பிலும், ஏற்கனவே ஆளுநருக்கு கோரிக்கைகள் வைக்கப்பட்டும், இன்றுவரை எடப்பாடி பழனிசாமியை சட்டமன்றத்தில் பெரும்பான்மையை நிரூபிக்க வேண்டும் என ஆளுநர் உத்தரவிடாமல் இருப்பது, ஒரு சட்டவிரோத அரசு தமிழகத்தில் நடப்பதற்கு முழு ஆதரவு அளிக்கும் விதத்தில் அமைந்து விட்டது. திமுக சார்பிலும், சட்டமன்றத்தில் உள்ள அனைத்து கட்சிகளின் சார்பிலும், குடியரசுத் தலைவரிடம் மனு அளித்து, “பெரும்பான்மையை நிரூபிக்க இந்த அரசுக்கு உத்தரவிட வேண்டும்”, என்று கோரிக்கை வைத்த பிறகும், பெரும்பான்மை இல்லாத இந்த அரசு நீடிப்பதற்கு அனைத்து உதவிகளையும் மத்தியில் உள்ள பாஜக அரசும், உள்துறை அமைச்சகமும் செய்து கொண்டிருப்பது ஜனநாயகத்தின் குரல்வளையை நெரிக்கும் செயல்.

இதற்கிடையில், முதலமைச்சர் எடப்பாடி பழனிசாமியே அதிமுக சட்டமன்ற உறுப்பினர்கள் கூட்டத்தை நேற்றைய தினம் கூட்டியிருக்கிறார். அதில் 109 சட்டமன்ற உறுப்பினர்கள் மட்டுமே பங்கேற்றார்கள் என்ற செய்தி அனைத்துப் பத்திரிகைகளிலும், தொலைக்காட்சிகளிலும் வெளிவந்துள்ளது. இதன்மூலம், பெரும்பான்மைக்குத் தேவையான 118 சட்டமன்ற உறுப்பினர்கள் ஆதரவு இல்லாமல் இந்த அரசு நீடித்துக் கொண்டிருக்கிறது என்பது வெளிப்படையாகவே தெரிய வந்திருக்கிறது. இந்நிலையில் பெரும்பான்மையை நிரூபிக்க உத்தரவிடக் கோரி சென்னை உயர்நீதிமன்றத்தில் வழக்கறிஞர் புகழேந்தி தொடுத்த வழக்கில், நேற்றைய தினம் வாதாடிய அரசு தலைமை வழக்கறிஞர், “அதிமுகவில் உள்ள அனைத்து சட்டமன்ற உறுப்பினர்களும் முதலமைச்சரை ஆதரிக்க வேண்டியதில்லை. சிலர் ஆதரவு தெரிவிக்காமல் இருக்கலாம்”, என்ற கருத்தை கூறியிருக்கிறார்.

எடப்பாடி பழனிசாமி தலைமையிலான அரசுக்கு ஏற்கனவே ஆதரவளித்த அனைத்து சட்டமன்ற உறுப்பினர்களின் ஆதரவும் இப்போது இல்லை என்பதும், இதன்மூலம் சட்டமன்றத்தில் இந்த அரசுக்குப் பெரும்பான்மை இல்லை என்பதும் சென்னை உயர் நீதிமன்றத்தின் முன்பே ஒப்புக்கொள்ளப்பட்டுள்ளது.

மிக முக்கியமான அரசியல் சட்ட வழக்கில் அரசின் தலைமை வழக்கறிஞரே உயர் நீதிமன்றத்தின் முன்பு கூறிய இந்தக் கருத்தை சாதாரணமாக எடுத்துக் கொள்ள முடியாது. ஆகவே, எடப்பாடி பழனிசாமி தலைமையிலான அரசுக்கு மெஜாரிட்டி இல்லை என்பது உயர் நீதிமன்றத்தின் முன்பே தெளிவாக்கப்பட்டு விட்டது.

இந்தச் சூழ்நிலையில், முதலமைச்சர் எடப்பாடி பழனிச்சாமியை தன் பெரும்பான்மையை சட்டமன்றத்தில் நிரூபிக்க ஆளுநர் உடனடியாக உத்தரவிட வேண்டும். இந்த அரசு பெரும்பான்மையை நிரூபிக்கும் வரையில், அமைச்சர்களோ அல்லது முதலமைச்சரோ கொள்கை முடிவுகள் எதையும் எடுக்கக் கூடாது என்றும், அவ்வாறு எடுக்கப்படும் கொள்கை முடிவுகளுக்கோ அல்லது கொள்கை முடிவுகள் எடுப்பதற்கு உதவி செய்வதற்கோ, தமிழக அரசின் தலைமைச் செயலாளர் ஒத்துழைப்பு வழங்குவது அரசியல் சட்டத்திற்கு விரோதமான செயல் என்பதையும் தெரிவித்துக் கொள்ள விரும்புகிறேன்.

ஆகவே, பெரும்பான்மையை இழந்த இந்த அரசின் சட்டவிரோதமான முடிவுகளுக்கு தமிழக அரசின் தலைமைச் செயலாளர் எக்காரணத்தைக் கொண்டும் துணை போகக்கூடாது என்றும், மைனாரிட்டி நிலைக்குச் சுருங்கிவிட்ட ‘குதிரை பேர’ அதிமுக ஆட்சியாளர்களின் ஊழல் - கொள்ளை நடவடிக்கைகளுக்கு ஊக்கமளித்திடக் கூடாதென்றும் வலியுறுத்திக் கேட்டுக் கொள்கிறேன்.” என்றுள்ளது.

BLOG COMMENTS POWERED BY DISQUS