கட்டுரைகள்

ஐரோப்பிய பெற்றோருக்கு தத்துக் கொடுக்கும் நோக்கில், 1980 களில் இலங்கையிலிருந்து பல்லாயிரக்கணக்கான பச்சிளம் குழந்தைகள் அவர்களது தாய்மாரிடமிருந்து திருடப்பட்டோ, அல்லது கொள்வனவு செய்யப்பட்டோ இருந்தனர். 

இதில் பெரும்பாலானவர்கள், தென்னிலங்கையின் ஏழ்மையான சிங்கள கிராமத்து பெற்றோரிடமிருந்து திருடப்பட்ட குழந்தைகள்.  பெற்றோரின் ஏழ்மையை நிலையை காரணம் காட்டி, குழந்தைகள் சிறுவிலைக்கு வாங்கப்பட்டதாக இருக்கலாம். குழந்தைகள் இறந்துவிட்டனர் எனப் பெற்றோரை ஏமாற்றி தத்து கொடுக்கப்பட்டிருக்கலாம். அல்லது, குழந்தைகளுக்கு எதிர்கால நல்ல வாழ்வு கிடைக்கும். அவர்களை விரைவில் சந்திப்பீர்கள் என மாயை காண்பிக்கப்பட்டிருக்கலாம். அனைத்தும், வெறும் 2000 சுவிஸ் பிராங்குகள் பேரத்திற்காக, சில இலங்கையர்கள் இவ்வர்த்தக மாற்றினைச் செய்திருக்கிறார்கள்.

1984ம் ஆண்டு இலங்கையில் போலி வர்த்தகர்கள் மூலம், சட்டவிரோதமான ஆவணங்கள் கையாளப்பட்டு இக்குழந்தைகள் சுவிற்சர்லாந்துக்கு விற்கப்படுவதாக சுவிஸ் அரசுக்கு பல சமூக ஆர்வளர்கள் தெரியப்படுத்தியிருந்த போதும், சுவிஸ் அரசு பாராமுகமாக இருந்துள்ளது.

இவர்களில் சுமார் 750 பச்சிளம் குழந்தைகள் சுவிற்சர்லாந்துப் பெற்றோரால் தத்தெடுக்கப்பட்டிருந்தனர். பெரும்பாலானவருக்கு போலியான பிறப்புச் சான்றிதழ்கள், போலியான தத்துக் கொடுப்புச் சான்றிதழ்களை பயன்படுத்தி இக்குழந்தைகள் கைமாறப்பட்டிருந்தது, அந்நாட்களில் பெரும் ஊடக சர்ச்சையை ஏற்படுத்தியிருந்தது.

இக்குழந்தைகள் இன்று பெரியவர்களாகி, அவர்களது பூர்வீகம், மற்றும் நிஜத் தாய்மார்களை இலங்கையில் தேடித் தேடிக் களைத்து விடுகின்றனர்.

ஆனால் இச்சர்ச்சை தொடர்பில் இன்று வரை சுவிற்சர்லாந்து அரசு சட்டரீதியான எந்நடவடிக்கையும் எடுக்கவில்லை. இது தொடர்பில் நேற்று சுவிற்சர்லாந்தின் தேசிய தொலைக்காட்சி சேவையான RTS இல்  வெளியான ஆவணக் காணொளி இது. பிரெஞ்சு மொழி தெரிந்தவர்கள் நிச்சயம் முழுமையாக இக்காணொளியின் உணர்வுகளை புரிந்து கொள்ள முடியும்.

காணொளியை பார்ப்பதற்கான இணைப்பு!

- ஸாரா

இவற்றையும் பார்வையிடுங்கள்

உலக நாயகன் கமல் தொகுத்து வழங்கிவரும் பிக்பாஸ் தமிழ் சீசன் 4 நிகழ்ச்சி ஸ்டார் விஜய் தொலைக்காட்சியில் விறுவிறுப்பாகப் போய்க் கொண்டிருந்தது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

கடந்த 2013-ல் வெளியான ‘ஆமென்’ என்ற படத்திலிருந்து தனித்துவமான திரைமொழியை கையாண்டு வெற்றி கண்டவர் லிஜோ ஜோஸ் பெல்லிச்சேரி.

யார்க்ஷயரில் உள்ள ஒரு மலைப்பாதையில் கால்டர்டேல் மலைப்பாதையில் மாபெரும் புற்தரை ஓவியம் ஒன்று வரையப்பட்டுள்ளது.

முந்தைய பாகத்துக்கான இணைப்பு -

நாம் தனிமையில் இல்லை..! - பாகம் - 2 (We are Not Alone..Part-2)

கடந்த தொடரில் நாசாவின் SETI என்ற திட்டம் குறித்துத் தெரிவித்திருந்தோம். அது தொடர்பான விபரங்களை சுருக்கமாக முதலில் பார்ப்போம். SETI என்பது ஆங்கிலத்தில் Search for extraterrestrial intelligence அதாவது விண்வெளியில் அறிவுத்திறன் மிக்க உயிரினங்களுக்கான தேடல் என்று விரிவு பெறும்.

சூரரைப் போற்று இயக்குநர் சுதாகொங்குரா, கௌதம்மேனன்,வெற்றிமாறன் இணைந்து இயக்கியுள்ள தமிழ் ஆந்தாலஜி படம் “பாவகதைகள்”.

ஒவ்வொரு புதிய படமும் ஒரு புதிய அனுபவம். சமூகத்தின் பாதிக்கப்படக்கூடிய ஒரு பிரிவுக்கு எதிரான பொலிஸ் வன்முறையைப் பற்றி விரியும் இந்த திரைப்படம் வெளியானது முதல் நல் வரவேற்பை பெற்றுவருகிறது.