கட்டுரைகள்
Typography

நிலவில் பூமியின் கண்ணுக்குத் தெரியாத அதன் இருண்ட பக்கத்தில் தனது சாங் இ-4 என்ற விண்கலத்தை வெற்றிகரமாக இறக்கிச் சாதனை படைத்துள்ளது சீனா.

இதன் மூலம் நிலவின் இருண்ட அல்லது அதன் முதுகுப் பக்கத்தில் தரை இறங்கிய முதல் விண்கலம் என்ற வரலாற்றுச் சாதனையையும் சீனா பெற்றுள்ளது.

பொதுவாக பூமியும், நிலவும் ஒரே போன்று தன்னைத் தானே சுற்றுவதால் நிலவின் மறுபக்கத்தில் சூரிய வெளிச்சம் பட்டால் கூட பூமியில் இருந்து பார்க்கும் போது அதன் ஒரு பக்கம் மட்டுமே தெரியும். இதனால் நிலவின் பின்பகுதியை இருண்ட பகுதி என்பதை விட முதுகுப் பகுதி என்பது தான் சாலப் பொருந்தும். இதற்கு முன் இந்த முதுகுப் பகுதியை நாசாவின் செயற்கைக் கோள் படம் மாத்திரம் பிடித்துள்ளது. 2018 டிசம்பர் 8 ஆம் திகதி மார்ச் பி ரக ராக்கெட்டு மூலம் நிலவின் பின் பகுதிக்கு இந்த சாங் இ-4 விண்கலம் ஏவப் பட்டது. டிசம்பர் 12 ஆம் திகதி நிலவின் சுற்றுவட்டப் பாதைக்குள் நுழைந்த சாங் இ-4 விண்கலம் இன்று வெள்ளிக்கிழமை நிலவில் தரை இறங்கியுள்ளது.

நிலவின் தென் துருவப் பகுதியிலுள்ள ஜட்கென் படுக்கையில் கிறீன்விச் நேரம் மதியம் 2.26 மணிக்கு சாங் இ-4 தரையிறங்கியது. தரை இறங்கிய சாங் இ-4 ரோவர் வண்டி உடனே எடுத்த புகைப் படங்கள் நிலவைச் சுற்றி வரும் அதன் செய்மதியால் பெறப்பட்டு பூமியை வந்தடைந்துள்ளது. சாங் இ-4 விண்கலம் நிலவில் உயிரியல் ஆராய்ச்சியை மேற்கொள்ளும் விதத்தில் சுமார் 28 சீனப் பல்கலைக் கழகங்கள் இணைந்து வடிவமைத்த லூனார் மினி பயோஸ்பியர் என்ற உபகரணம் இதில் பொருத்தப் பட்டுள்ளது.

BLOG COMMENTS POWERED BY DISQUS

மின்னஞ்சலில் பதிவுகள்

மின்னஞ்சலில் பதிவுகள்