கட்டுரைகள்

இங்கிலாந்தில் தண்டு உயிரணுக்கள் அல்லது குருத்தணு எனப்படும் ஸ்டெம் செல் (Stem cell) மாற்று சிகிச்சை மூலம் எச் ஐ வி (எயிட்ஸ்) நோயாளி ஒருவரைக் குணப்படுத்தி இந்திய விஞ்ஞானி ஒருவர் பெருமை சேர்த்துள்ளார்.

உலகளாவிய ரீதியில் தற்போது பல்வேறு நோய்களுக்கு ஸ்டெம் செல் சிகிச்சை மூலம் நவீன மருத்துவத்தில் தீர்வு காணும் நம்பிக்கை வளர்ந்து வருகின்றது.

இதுவரை குணப்படுத்தும் மருந்து கண்டு பிடிக்கப் படாத ஆட்கொல்லி நோயான எயிட்ஸினால் உலகில் அதிகளவு மக்கள் பலியாகி வருகின்றனர். இவர்களுக்கு இந்த எச் ஐ வி தொற்று ஏற்பட்டு விட்டால் உயிரோடு வாழும் வரை சிகிச்சை எடுத்துக் கொள்ள வேண்டும் என்ற நிலை தான் இதுவரை இருந்து வருகின்றது. இந்நிலையில் ஸ்டெம் செல் மாற்று அறுவைச் சிகிச்சை மூலம் 2 ஆவது முறையாக ஒரு எயிட்ஸ் நோயாளிக்கு பூரண நிவாரணத்தைத் தேடித் தந்திருப்பதாக வெளியான தகவல்கள் உலகை உற்று நோக்க வைத்துள்ளளன.

முதலில் ஸ்டெம் செல் என்றால் என்ன என்று பார்ப்போம். இவ்வுலகில் ஒரு குழந்தை பிறக்கின்ற போது அறுக்கப் படும் அதன் தொப்புள் கொடி மற்றும் அதில் இருந்து வருகின்ற இரத்தமானது தனிச் சிறப்பு வாய்ந்த செல்களால் ஆனதாகும். அனைத்து செல்களுக்கும் மூல செல்களான இவை தான் ஸ்டெம் செல்கள் என்று அழைக்கப் படுகின்றன. குருத்தணுக்கள் எனத் தமிழில் அழைக்கப் படும் இவற்றை வைத்து மேற்கொள்ளப் படும் சிகிச்சை முறைகள் மற்றும் ஆராய்ச்சிகள் தான் நவீன மருத்துவத்தின் ஹாட் டாபிக்.

இந்நிலையில் இந்திய வம்சாவளி விஞ்ஞானி ரவீந்திர குப்தா தலைமையிலான குழு ஒன்று இந்த ஸ்டெல் செல்களை வைத்து எச் ஐ வி நோயாளிக்கு மாற்று சிகிச்சை செய்ய முடிவெடுத்து அதில் வெற்றியும் கண்டுள்ளது. அதாவது சிகிச்சை முடிந்த பின் குறித்த எச் ஐ வி நோயாளி 18 மாதங்களாக எந்த மருந்துகளையும் எடுத்துக் கொள்ளாது ஆரோக்கியமாக உள்ளார்.

முதன் முறையாக 10 வருடங்களுக்கு முன் ஜேர்மனியின் பேர்லின் நகரில் எச் ஐ வி நோயாளிக்கு ஸ்டெம் செல் சிகிச்சை மூலம் பூரண நிவாரணம் அளிக்கப் பட்டது. எமது உதிரத்தில் நோய்த் தடுப்புச் சக்தியாக செயற்படும் வெள்ளை அணுக்களுக்குள் ஒன்றிணைந்து விடும் எச் ஐ வி கிருமிகளை அழிப்பது சுலபம் அல்ல என்றும் இதற்கான ஒரே நம்பிக்கை ஸ்டெம் செல் மாற்றுச் சிகிச்சை மூலம் புதிய வியூகங்களைக் கண்டு பிடிப்பது தான் என டாக்டர்கள் சொல்கின்றனர்.

உலகில் வருடத்துக்கு 10 இலட்சம் எச் ஐ வி நோயாளிகள் உயிரிழக்கின்றார்கள். இதற்கு நிரந்தர தீர்வு ஏற்பட வேண்டுமென்றால் ஸ்டெம் செல் சிகிச்சை ஆய்வும் தொடர வேண்டிய கட்டாயத்துடன் ஸ்டெம் செல்களைச் சேகரிக்கும் கட்டாயமும் உள்ளது என்பது குறிப்பிடத்தக்கது. எனவே இது தொடர்பான விழிப்புணர்வை விரைவில் பொது மக்களிடம் சேர்ப்பதற்கான முயற்சியும் உலகளாவிய ரீதியில் ஏற்பட வேண்டும் என்பதும் குறிப்பிடத்தக்கது.

நடிகையர் திலகம் சாவித்திரி வாழ்க்கை வரலாற்றுப் படமான ‘மகாநடிகை’யை இயக்கியதன் மூலம் இந்திய அளவில் பிரபலமானர் 35 வயது இயக்குநர் நாக் அஷ்வின்.

"பியாற்சா கிரான்டே" எனும் பெருமுற்ற திறந்தவெளித் திரையரங்குச் சிறப்பு மிக்க லோகார்னோ சர்வதேச திரைப்படவிழாவின் 73 வது பதிப்பு, கொரேனா வைரஸ் பெருந்தொற்று பாதுகாப்புக்களுக்கு அமைவாக, இணையவெளியில் ஆரம்பமாகியது.

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

தமிழகத்தைச் சேர்ந்த பெருமைமிகு இளம் திறமைசாலிகள் பலரும் சர்வதேச அளவிலான கலை மற்றும் இசைத் தளங்களில் தடம் பதித்து மிகச் சிறப்பானதொரு இடத்தைப் பெற்றிருக்கின்றனர்.

வொயேஜர் 1 (Voyager 1) என்பது ஐக்கிய அமெரிக்காவின் நாசா விண்வெளி ஆய்வு மையத்தினால் 1977 செப்டம்பர் 5 இல் சூரியக் குடும்பத்தின் வெளிப்புறத்தை ஆராய்வதற்காக ஏவப்பட்ட ஓர் ஆளில்லா விண்ணுளவி ஆகும்.

ஒரு காலத்தில் அருண் பாண்டியன் கோலிவுட்டின் ஆர்நால்ட் எனப் போற்றப்பட்டவர். அந்த அளவுக்கு 12 பேக் உடம்பை உருவாக்கி பல அதிரடி ஆக்‌ஷன் படங்களில் நடித்தவர்.

சந்தானம்  நடிக்கும் பிஸ்கோத் படத்தின் ட்ரைலர் வெளியானது