கட்டுரைகள்

இதுவரை காலமும் புழுத்துளை எனத் தமிழில் பொருள் கொள்ளப் படும் வோர்ம் ஹோல் (Wormhole) வழியாகக் கால வெளியில் (Space Time) இரு பிரதேசங்களை (அண்டம் அல்லது சமாந்தரமான இன்னொரு பிரபஞ்சம்) இணைக்கும் குறுகலான பாதை வழியாக ஒளிவேகத்தை விடக் குறைவான வேகத்தில் கூட மிகக் குறுகிய காலத்துக்குள் பயணம் செய்ய முடியும் என்றே கருதப் பட்டு வந்தது.

தற்போது இது தொடர்பான புரிதலில் ஒரு பகுதி தவறு என்கின்றனர் ஹார்வார்டு விஞ்ஞானிகள். அதாவது வோர்ம் ஹோல் வழியாக இன்னொரு அண்டத்துக்குப் குறுக்குப் பாதையில் பயணம் செய்ய முடியும் என்பது உண்மை தான். ஆனால் அதற்காக உடனே புறப்பட்டு விடலாம் என முடிவெடுத்து விடாதீர்கள். ஏனெனில் வானியல் பௌதிகவியலின் சமீபத்திய விளக்கப் படி இந்தப் பயணம் ஒளியின் வேகத்தை விட மிக மிக மெதுவாக இருக்கத் தான் வாய்ப்புள்ளது என்கின்றனர் இவர்கள். அதாவது அண்டங்களுக்கு இடையேயான இந்த குறுக்குப் பாதைகளான வோர்ம் ஹோல் மூலம் விண்வெளிப் பயணங்களை இலகுவாக மேற்கொள்வது என்பது இயலாத ஒன்றாகும் என்கின்றனர் ஹார்வார்டு விஞ்ஞானிகள்.

வானவியல் கல்வியில் திருப்பத்தை ஏற்படுத்தக் கூடிய இந்த சமீபத்திய கண்டுபிடிப்பு தொடர்பில் டென்வரில் நடைபெறவுள்ள 2019 ஆமாண்டுக்கான அமெரிக்கன் பௌதிக சமூகத்தின் ஏப்பிரல் ஒன்றுகூடலில் ஹார்வார்டு விஞ்ஞானி டேனியல் ஜஃபெரீஸ் தனது கருத்துக்களை முன்வைக்கவுள்ளார். இதுதவிர வோர்ம் ஹோல் இனை செயற்கையாக உருவாக்கி அதனூடாக ஒளியைப் பயணிக்க வைக்க முடிந்தால், நவீன பௌதிகத்தின் அனைத்து 4 அடிப்படை விசைகளையும் இணைக்கும் புதிய ஒருங்கிணைப்புக் கொள்கை அல்லது மாடலை அமைக்க அவசியப் படும் Quantum Gravity அதாவது குவாண்டம் ஈர்ப்பு கொள்கையை விருத்தி செய்யவும் முடியும் என டேனியல் ஜஃபெரீஸ் தெரிவித்துள்ளார்.

ஆனால் முன்பு காலப் பயணம் மேற்கொள்ள உதவும் என்று கொள்கை அளவில் கருதப் பட்ட Traversable Wormholes இனை செயற்கையாக உருவாக்க Exotic matter எனப்படும் மறை சக்தி (Negative energy) கொண்ட பதார்த்தம் தேவைப் படுகின்றது. ஆனால் குவாண்டம் ஈர்ப்பின் விளைவால் இந்த மறை சக்தியானது சீரற்றுக் காணப் படுவதால் இதில் பெரும் தடை காணப் படுவதாகவும் விளக்கம் அளிக்கப் பட்டுள்ளது.

- 4தமிழ்மீடியாவுக்காக நவன்

இவற்றையும் பார்வையிடுங்கள்

'சில்லுக்கருப்பட்டி’ திரைப்படத்தின் மூலம் பலரது கவனத்தையும் பெற்ற இயக்குனர் ஹலிதா ஷமீம் அவர்கள் அடுத்து இயக்கியிருக்கும் திரைப்படம் " ஏலே" பெரும் எதிர்பார்ப்பினை ஏற்படுத்தியிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

பழனி அருகேயுள்ள கணக்கன்பட்டி என்கிற கிராமத்தில் வசிக்கிறார் ஊர்ப் பெரியவரான பாரதிராஜா. மகன்கள், மகள், பேரன் பேத்திகளுடன் கோரோனா காலத்தில் சந்தோஷமாக இருக்கிறது அவரது குடும்பம். ஆனால், ‘உங்கள் குடும்பத்தில் பவுர்ணமிக்குள் ஒரு உயிர் போகப் போகிறது’ என்று ஜோசியக்காரர் சொல்கிறார். இதனால் குடும்பம், கோரோனாவால் யாரும் இறந்துவிடுவார்களோ எனப் பதறுகிறது.

வரையற்ற ஆன்லைன் திரைப்படங்களை காணும் அனுபவங்களை தரும் இணையத்தளங்கள் பன்னாட்டு சேவைகளாக இயங்கிவருவது அறிந்ததே.

கடந்த தொடரில், வெளிப்புறக் கிரகங்களை (Exoplanets) கண்டறிவதற்கான பாரம்பரிய முறைகள் மற்றும் நாசாவின் The New Worlds Mission இன் இலக்குகள் குறித்துப் பார்த்தோம்.

ஜூனியர் என்டிஆர், சிரஞ்சிவி மகன் ராம் சரண், அஜய் தேவ்கன், ஆலியா பட், சமுத்திரக்கனி, அல்லிசன் டூடி மற்றும் பல புகழ்பெற்ற நடிகர்கள்

தமிழில் குழந்தைகளுக்கான கலை இலக்கிய முயற்சிகள் குறைவாகவே உள்ளன. அத்திபூத்தாற் போல் வரும் படைப்புக்களும், புலம்பெயர் தேசக் குழந்தைகளின் வாழ்நிலைச் சூழ்நிலைகளில் அந்நியமானவையாக இருந்து விடுவதினால், அவர்களால் அதனோடு இணைந்து கொள்ள முடிவதில்லை.