கட்டுரைகள்

எமது சூரியன் ஆனது ஒரு செக்கனுக்கு 4.3 மில்லியன் மெட்ரிக் டன் அளவு சக்தியை ஒளியாக வெளியிட்டு வருகின்றது.

இது சுமார் 6 டிரில்லியன் ஹிரோஷிமா அணுகுண்டுகளுக்குச் சமனாகும். அப்படியெனில் எமது சூரியன் ஒரு குறிப்பிட்ட காலத்தில் மிகப்பெரும் திணிவை சக்தியாக மாற்றம் செய்து விடும் போது அதன் ஈர்ப்புச் சக்தியில் குறைவு ஏற்பட்டு கோள்களின் இயக்கம் பாதிக்குமா? இதற்கு எவ்வளவு காலம் எடுக்கும் போன்ற கேள்விகள் எழுவது சாத்தியமே!

இதற்கான வானியலாளர்களின் விளக்கத்தைப் பார்ப்போம். இந்த ஒரு செக்கனில் சூரியன் வெளியிடும் ஒளிச்சக்தி அதன் மொத்தத் திணிவுடன் ஒப்பிடும் போது ஒன்றுமே இல்லை எனப்படுகின்றது. அதாவது சூரியனின் நிறை 2 ஆக்டில்லியன் மெட்ரிக் டன் (2 இற்குப் பின் 27 பூச்சியங்கள்) ஆகும். இதே ஒரு செக்கன் மாறுபடா வீதத்தில் சூரியன் ஒளியையும், வெப்பத்தையும் வெளியிட்டு வந்தால் கூட அது தனது 1% வீத திணிவை இழக்க இன்றைய பிரபஞ்ச வயதின் 10 மடங்கு காலம் எடுக்குமாம். எனவே சூரியனின் ஈர்ப்பு எமது பூமிக்கும், கோள்களுக்கும் இன்னும் பல பில்லியன் வருடங்களுக்கு மாறுபடாது தான் இருக்கும்.

Solar Wind எனப்படும் சூரியனின் மேற்பரப்பில் ஏற்படும் சூரிய சூறாவளி கூட ஒரு செக்கனுக்கு 1.5 மில்லியன் மெட்ரிக் டன் சக்தியை கதிர்வீச்சாக இழந்து வருகின்றதாம். ஆனால் சூரியனின் ஆயுள் காலத்துடன் ஒப்பிடுகையில் இந்தத் திணிவு இழப்புக் கூட மொத்தத் திணிவின் 0.1% வீதத் திணிவை விடக் குறைவாகும்.

ஆனால் சூரியனின் கடைசி ஆயுள் சுழற்சியில் இந்தத் திணிவு இழப்பு வீதம் அதிகரிக்கச் (ஆர்முடுகல்-Acceleration) செய்யுமாம். சூரியன் அதிகளவு ஹைட்ரஜன்களைக் கருத்தாக்கம் செய்யும் போது அது இப்போது இருக்கும் அளவை விடப் பெரிதாகி மேலும் அதிகளவு வெப்பத்தையும், ஒளியையும் வெளியிடச் செய்யுமாம். இந்தக் கருவினை முடிந்து சூரியன் மெது மெதுவாக ஒரு வெள்ளைக் குள்ளனாக (White Dwarf) ஆக மாற முன் அது தன் வெளிப்புறத்தின் பல முக்கிய அடுக்குகளை இழந்து விடும் என்பதுடன் அதற்கு முன்பே சூரியனுக்கு அருகேயுள்ள புதன், வெள்ளி, பூமி மற்றும் செவ்வாய் போன்ற கோள்கள் சூரியனின் மேற்பரப்புக்குள் ஈர்க்கப் பட்டு அழிந்து விடுமாம்.

ஆனால் இவ்வாறான ஒரு சூழல் ஏற்படவும் இன்றிலிருந்து இன்னும் பல பில்லியன் வருடங்கள் இருப்பதாகவும் வானியலாளர்கள் தெரிவிக்கின்றனர்.

- 4தமிழ்மீடியாவுக்காக நவன்

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

அரசியல் சார்ந்த கதைகளுக்கு தமிழ் சினிமாவில் எப்போதுமே ஒரு மவுசு உண்டு. அதற்கு உதாரணமாக 'அமைதிப்படை' தொடங்கி பல படங்களைக் கூறலாம். . அந்த வரிசையில் மக்கள் மனதில் இடம்பெற தயாராகி வரும் படம் 'துக்ளக் தர்பார்'.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

சில படங்கள் எல்லா காலத்துக்கும் பொருந்தக் கூடிய உண்மையை வெட்டவெளிச்சமாக்கிக் காட்டுபவை. வெற்றிமாறன் இயக்கத்தில் 2015-ல் வெளியான ‘விசாரணை’ திரைப்படத்தை, சாத்தான்குளம் அப்பா - மகன் படுகொலைகள் தூக்கமின்றி தவித்த நள்ளிரவில் நினைவூட்டின.

சென்னையின் மயிலாப்பூருக்கு பல சிறப்புகள் உண்டு. முதலில் அதுவொரு ஆன்மிகத் தலம்.

நிச்சயம் உள்ளது. ஆனால் இதனை இவ்வாறு ஒழுங்கு படுத்தலாம். எமது சூரியன் எமது பால்வெளி அண்டத்தின் மையத்தை அல்ல ஆனால் அதன் மொத்த நிறையின் ஈர்ப்பு மையத்தை (barycenter) சுற்றி வருகின்றது.

தமிழ் சினிமாவில் கொண்டாட்டமான திரைப்படங்களைக் கொடுக்க வேண்டும் என்பதில் குறியாக இருப்பவர் வெங்கட் பிரபு. அவரது இயக்கத்தில் அஜித் ஆண்டி ஹிரோவாக நடித்து வெளியாகி வெற்றிபெற்ற திரைப்படம் மங்காத்தா.

எழுத்தாளர் ஜான் கிரீன் எழுதிய “தி ஃபால்ட் இன் எவர் ஸ்டார்ஸ்” நாவலை அடிப்படையாகக் கொண்டு, தில் பச்சாரா திரைப்படம் உருவாகியுள்ளது.