கட்டுரைகள்

நமது பூமியின் வளிமண்டலத்தில் தினசரி கண்ணுக்குத் தென்படாத சிறிய விண்கற்கள் வந்து மோதிய வண்ணமே இருக்கின்றன. இவற்றில் பெரும்பான்மையானவை அளவில் சிறியன என்பதுடன் பூமியின் தரையில் மோதுவதற்கு முன்னமே வளிமண்டலத்தில் சிதைந்து விடுவதால் ஆபத்து ஏற்படுவதில்லை. மேலும் நமது வெற்றுக் கண்களுக்கும் மிக அரிதாகவே இவை தெரிகின்றன.

இதையும் மீறி அளவில் சற்று பெரிய விண்கற்கள் பூமிக்குள் நுழைந்தாலும் அவற்றில் பாதி வளிமண்டலத்திலேயே உராய்ந்து எரிந்து விடுவதால் அவை நிலத்தில் மோதினாலும் ஓரளவு வலிமையான அதிர்வலைகளை (Shock waves) மாத்திரமே எழுப்பும் என்பதுடன் அணுகுண்டுக்கு இணையான சேதத்தை ஏற்படுத்துவதில்லை. சில வருடங்களுக்கு முன்பு ரஷ்யாவில் வீழ்ந்த விண்கல்லை இதற்கு உதாரணமாகக் கூறலாம்.  ஆனால் பூமியிலுள்ள மிகச் சக்தி வாய்ந்த அணுகுண்டு ஏற்படுத்தக் கூடிய சேதத்தை விட பன்மடங்கு அதிக சேதத்தை ஏற்படுத்தக் கூடியதும் உயிரினங்களை வேரோடு அழிக்கக் கூடியதுமான சக்தி வாய்ந்த அளவில் பெரிய விண்கற்களும் நமது பால்வெளி அண்டத்தில் (Milkyway galaxy) உள்ளன.

இது போன்ற ஒரு பாரிய விண்கல் பல மில்லியன் வருடங்களுக்கு முன்பு பூமியுடன் மோதியதால் தான் டைனோசர்களின் இனம் அழிந்தது என்ற ஓர் கருதுகோளும் விஞ்ஞானிகள் மத்தியில் நிலவுகின்றது. இந்நிலையில் இது போன்ற இன்னொரு பாரிய விண்கல் எப்போது மோதும் என்று இன்னமும் கணிக்க  முடியாத நிலையில் அப்படிப்பட்ட ஒரு விண்கல் பூமிக்கு அண்மையில் நெருங்குகையிலேயே அதனைக் குண்டுகள் மூலம் தாக்கித் தூள் தூளாக்கும் தொழிநுட்பத்துக்கு இன்னமும் நாம் தயாராகவில்லை என அமெரிக்காவின் வெள்ளை மாளிகை ஓர் அறிக்கை வெளியிட்டுள்ளது.

இந்தத் தொழிநுட்பம் சில ஹாலிவுட் திரைப்படங்களில் சாத்தியம் போன்று காட்டப் பட்டிருந்தாலும் யதார்த்தத்தில் அத்தகைய நிலையைத் தாம் இன்னமும் அடையவில்லை என்றே அமெரிக்க வானியலாளர்கள் கூறுகின்றனர். மேலும் உலகில் யுத்தம், தொற்று நோய், அணுவாயுதப் போர், உயிரியல் போர் போன்று விண்கல் தாக்குவதால் ஏற்படும் அழிவுக்கும் டூம்ஸ்டே கடிகாரத்தை (Doomsday clock) திருகும் அடிப்படையில் குறித்த விண்கற்களை அழிக்கும் வல்லமை கொண்ட வெடிகுண்டுகளையும், அவற்றைத் தாங்கிச் செல்லக் கூடிய ரோபோட் விண்கலங்களையும் பூமியைப் பாதுகாப்பதற்காக விரைந்து உருவாக்க வேண்டும் என வெள்ளை மாளிகை அறிக்கையில் கூறப்பட்டுள்ளது.

ஒரு வால்வெள்ளியோ (asteroid) அல்லது ஒரு விண்கல்லோ (meteor) நமது பூமியை முன்னெச்சரிக்கை இன்றியோ அல்லது மிகச் சிறிய முன்னெச்சரிக்கையுடனோ நமது பூமியுடன் மோதி பாரிய அனர்த்தங்களை ஏற்படுத்தக் கூடியது என்ற நிலமை இருக்க குறித்த விண்கற்களை விண்ணில் வைத்தே அழிக்கவோ அல்லது திசை திருப்பி விடவோ தேவையான தொழிநுட்பத்தை அடைய 7 பிரதான இலக்குகளை அடிப்படையாகக் கொண்டு அமெரிக்கா திட்டம் தீட்டி வருவதாக வெள்ளை மாளிகை அறிக்கையில் கூறப்பட்டுள்ளமை குறிப்பிடத்தக்கது.

தகவல் : Mail Online

- 4 தமிழ்மீடியாவுக்காக நவன்

இவற்றையும் பார்வையிடுங்கள்

'சில்லுக்கருப்பட்டி’ திரைப்படத்தின் மூலம் பலரது கவனத்தையும் பெற்ற இயக்குனர் ஹலிதா ஷமீம் அவர்கள் அடுத்து இயக்கியிருக்கும் திரைப்படம் " ஏலே" பெரும் எதிர்பார்ப்பினை ஏற்படுத்தியிருக்கிறது.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

பழனி அருகேயுள்ள கணக்கன்பட்டி என்கிற கிராமத்தில் வசிக்கிறார் ஊர்ப் பெரியவரான பாரதிராஜா. மகன்கள், மகள், பேரன் பேத்திகளுடன் கோரோனா காலத்தில் சந்தோஷமாக இருக்கிறது அவரது குடும்பம். ஆனால், ‘உங்கள் குடும்பத்தில் பவுர்ணமிக்குள் ஒரு உயிர் போகப் போகிறது’ என்று ஜோசியக்காரர் சொல்கிறார். இதனால் குடும்பம், கோரோனாவால் யாரும் இறந்துவிடுவார்களோ எனப் பதறுகிறது.

வரையற்ற ஆன்லைன் திரைப்படங்களை காணும் அனுபவங்களை தரும் இணையத்தளங்கள் பன்னாட்டு சேவைகளாக இயங்கிவருவது அறிந்ததே.

கடந்த தொடரில், வெளிப்புறக் கிரகங்களை (Exoplanets) கண்டறிவதற்கான பாரம்பரிய முறைகள் மற்றும் நாசாவின் The New Worlds Mission இன் இலக்குகள் குறித்துப் பார்த்தோம்.

நடிகர் பிருத்திவிராஜை தமிழ் சினிமா ரசிகர்கள் நன்கு அறிவார்கள். காரணம் நேரடித் தமிழ்ப் படமான, கே.வி.ஆனந்த் இயக்கிய ‘கனா கண்டேன்’ படத்தின் மூலம் தமிழ் திரையில் அறிமுகமானார்.

தமிழில் குழந்தைகளுக்கான கலை இலக்கிய முயற்சிகள் குறைவாகவே உள்ளன. அத்திபூத்தாற் போல் வரும் படைப்புக்களும், புலம்பெயர் தேசக் குழந்தைகளின் வாழ்நிலைச் சூழ்நிலைகளில் அந்நியமானவையாக இருந்து விடுவதினால், அவர்களால் அதனோடு இணைந்து கொள்ள முடிவதில்லை.