கட்டுரைகள்

இன்னும்  20 வருடங்களில் புற்றுநோய் (Cancer) மற்றும் மரபியல் நோய்களுக்கு நிரந்தர தீர்வைப் பெற முடியும் என பிரிட்டனைச் சேர்ந்த உயிரியல் விஞ்ஞானியான டாக்டர் எட்ஷே வெஸ்ட்ரா என்பவர் தெரிவித்துள்ளார்.  இவரது கூற்றின் படி மனித இனம் தற்போது சுகாதாரத்துக்கான பொற் காலத்தை நோக்கி சென்று கொண்டிருப்பதாகத் தெரிவிக்கப் பட்டுள்ளது.

கடந்த 5 வருடங்களில் விருத்தியான மருத்துவத் தொழிநுட்பங்கள் பல நோய்களுக்குத் தீர்வைக் கண்டு பிடித்திருப்பதாகவும் இந்த மரபியல் தொழிநுட்பங்கள் மேலும் விருத்தியாகும் போதே குறித்த பொற்காலம் ஏற்படவுள்ளது என்றும் டாக்டர் எட்ஷே வெஸ்ட்ரா தெரிவித்துள்ளார். இதில் வெட்டுதல் மற்றும் ஒட்டுதல் (cut and paste) தொழிநுட்பத்தின் அடிப்படையிலான CRISPR என்ற மரபணு மாற்ற (Gene editing) தொழிநுட்பம் மிகுந்த நம்பிக்கை தருவதாக உள்ளது என்றும் டாக்டர் வெஸ்ட்ரா தெரிவித்துள்ளார்.

குறிப்பாக புற்று நோயை எடுத்துக் கொண்டால் குறித்த தொழிநுட்பம் மூலம் புற்று நோயால் பாதிக்கப் பட்ட கலங்களுக்குள் mutation எனப்படும் பாதிப்பைக் குணப்படுத்த ஒரு கத்தரி போன்று தொழிற்படும் என்ஷைம் (enzyme) இனைப் பயன்படுத்தி குறிப்பிட்ட இடத்தில் உள்ள டி என் ஏ (DNA) இனை வெட்டி அகற்றுவதன் மூலம் சிகிச்சை அளிக்க  முடியும் எனப்படுகின்றது. இந்த மரபியல் சிகிச்சை மூலம் புற்றுநோய் மட்டுமல்லாது பார்வை இழந்தவர்களுக்குப் பார்வையை அளித்தல் மற்றும் ஏனைய மரபியல் வியாதிகளைக் குணப்படுத்தவும் பயன்படுத்த முடியும் எனப்படுகின்றது.

CRISPR-Cas9 என்ற இந்த முறையானது DNA களில் திருத்தம் செய்யக் கூடிய ஒரு முறை என்பதுடன் பக்டீரியாக்களில் இது கண்டு பிடிக்கப் பட்டுள்ளது. இந்த மரபியல் மாற்ற சிகிச்சை சரியான திசைகளில் செலுத்தப் பட்டு ஒரு மனிதனின் விந்து அல்லது முட்டையில் மாற்றத்தை  ஏற்படுத்துவதன் மூலம் அதிக சிந்தனைத் திறன் மற்றும் விளையாட்டுத் திறன் உடைய குழந்தைகளை உருவாக்க முடியும் என்ற போதும் தவறாகப் பிரயோகிக்கப் படின் ஒரு இனத்துக்கு அழிவையே விளைவிக்க முடியும் என்பதால் இது அணுசக்தி போன்று கவனத்துடன் கையாளப் பட வேண்டிய ஒன்று என்றும் கருத்து நிலவுகின்றது.

நன்றி : தகவல் Mail Online

வீடியோ இணைப்பைக் காண : http://www.dailymail.co.uk/sciencetech/article-4231342/Cancer-inherited-disease-vanish-20-years.html

- 4தமிழ்மீடியாவுக்காக நவன்

மலையாளத் திரையுலகில் ஆர்பாட்டம் இல்லாமல் வெளியாகி, வசூல் ரீதியாகவும் விமர்சன ரீதியாகவும் வரவேற்பைப் பெறும் படங்கள் தமிழ் உள்ளிட்ட இந்திய மொழிகளில் ரீமேக் செய்யப்படுவது வழக்கம். இந்த ஆண்டின் தொடக்கத்தில் அப்படியொரு வரவேற்பைப் பெற்ற மலையாளப் படம் ‘அய்யப்பனும் கோஷியும்’.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

தமிழில் வணிக சினிமாக்கள் இரண்டு வகையாக இயங்குகின்றன. ஒன்று முற்று முழுதாக ரசிகர்கள் ஊகித்துவிடும் கதைப்போக்குடன் அமைக்கப்படும் மசாலா சட்டகத்தைக் கொண்டவை. மற்றொன்று அந்த சட்டக்கத்தைக் கொஞ்சம் மீறி, விறுவிறுப்பான திரைக்கதையைக் கொண்டிருந்தாலும் வணிக அம்சங்களையும் சித்தரிப்புகளையும் கைவிடாத வகையாக வெளியாவது.

நெல்லை மாவட்டம் சிங்கம்பட்டி ஜமீன்தார் டிஎன்எஸ் முருகதாஸ் தீரத்தபதி உடல் நலகுறைவால் காலமானார். ஜமீன்தாரி முறை ஒழிப்புக்கு பின்னர் இந்தியாவில் முடிசூட்டி பட்டம் கட்டிய மன்னர்களில் கடைசி மன்னர் இவர்தான்.

எமது சூரிய குடும்பம் அமைந்துள்ள பால்வெளி அண்டம் (Milkyway Galaxy) மாத்திரம் பிரபஞ்சம் அல்ல என்றும் அதைப் போன்ற கோடானு கோடி அண்டங்கள் பிரபஞ்சத்தில் உள்ளன என்பதும் எப்போது ஊர்ஜிதமானது?

கொரோனா வைரஸ் குணப்படுத்தக் கூடிய ஒன்று தான். அதற்காக ஊரடங்கு உத்தரவு பிறப்பிக்கப்பட்டு மக்களின் வாழ்வாதாரத்தை அழித்தது தேவையில்லாது, என்று நடிகரும் தயாரிப்பாளருமான மன்சூரலிகான் தெரிவித்துள்ளார்.

தமிழர் கலைகளில் 'வில்லுப்பாட்டு' ஒரு முதுகலையாகும். போர்களங்களில் போராடிய வீரர்கள் மத்தியிலிருந்து, கதையும் பாடலுமாகப் பிறந்த கலைவடிவம் எனவும் சொல்கின்றார்கள். இதனைத் தமிழகத்தில் பன்னெடுங்காலமாகச் சொல்லி வந்த ஒரு பெண்ணின் வரலாற்றினை, வாழ்வினை, தமிழுக்குப் புதிய இசைவடிவமான ராப் பாடல் மூலம் சொல்கின்றாள் ஒரு பெண்.