வினோதம்

சமீபத்தில் நாசாவின் ஸ்பிட்சர் விண் தொலைக்காட்டி (Spitzer space telescope) மற்றும் சிலியில் உள்ள தொலைநோக்கி ஆகியவற்றின் மூலம் பூமியில் இருந்து 39 ஒளியாண்டுகள் தொலைவில் உள்ள டிராப்பிஸ்ட் 1 (Trappist 1) என்ற நட்சத்திரமும் அதனைச் சுற்றி வரும் பூமியை ஒத்த 7 கிரகங்களும் அவதானிக்கப் பட்டுள்ளன.

இந்த அவதானிப்பின் மூலம் Exoplanet hunt எனப்படும் உயிர் வாழ்க்கைக்குத் தகுந்த பூமியைப் போன்ற கிரகங்களின் தேடுதல் முன்பு எதிர்பார்த்திருந்ததை விட விரைவில் சாத்தியமாகும் வாய்ப்பு ஏற்பட்டுள்ளது. குறித்த 7 கிரகங்களிலும் 3 கிரகங்கள் நிச்சயம் பூமியைப் போன்ற மலைகளையும் தண்ணீரையும் கொண்டிருக்கும் சாத்தியம் உள்ளது என நாசா விஞ்ஞானிகள் நம்பிக்கை தெரிவித்துள்ளனர். நாசாவாலும் பெல்ஜியத்தைச் சேர்ந்த ஆராய்ச்சிக் குழு ஒன்றினாலும் புதன்கிழமை இக்கண்டுபிடிப்பு வெளியிடப்பட்டது. இதில் பூமியில் இருந்து 235 டிரில்லியன் மைல் தொலைவில் Aquarius (கும்பம்) நட்சத்திர தொகுதியில் உள்ள மந்தமான நட்சத்திரமே Trappist 1 ஆகும்.

அதிசயம் என்னவென்றால் இந்த டிராப்பிஸ்ட் 1 நட்சத்திரத்தை சூரியனுடன் ஒப்பிட்டால் குறித்த பூமியை ஒத்த 7 கிரகங்களும் புதனின் ஒழுக்குக்கு உள்ளே வந்து விடும். (சூரியனுக்கு மிக அண்மையில் உள்ள கிரகம் புதன்) அவ்வளவு நெருக்கமாக இந்த அத்தனை கிரகங்களும் டிராப்பிஸ்ட் 1 இனை சுற்றி வருகின்றன.

டிராப்பிஸ்ட் 1 இன் 6 கிரகங்களின் வெப்பநிலை 0 பாகையில் இருந்து 100 பாகை செல்சியஸுக்குள் உள்ளது. புதனை விட மிக அண்மையில் இக்கோள்கள் சுற்றி வரும் போதும் டிராப்பிஸ்ட் 1 சூரியனை விட 200 மடங்கு மந்தமான வெப்பம் குறைந்த நட்சத்திரமாக இருப்பதால் அக்கிரகங்கள் உயிர் வாழ்க்கையைத் தக்க வைக்கும் வாய்ப்பு உள்ளதாகக் கூறப்படுகின்றது. மேலும் இக்கிரகங்கள் யாவும் பூமி அல்லது வெள்ளிக் கிரகங்களின் அளவை ஒத்த பாறைகளால் ஆன தரை மேற்பரப்பைக் கொண்டவை ஆகும். இக்கிரகங்களைக் கண்டு பிடித்த நாசாவின் ஸ்பிட்செர் விண் தொலைக்காட்டி 2018 ஆம் ஆண்டு வரையே செயற்படும் என்பது குறிப்பிடத்தக்கது.

மனித இனம் இதுவரை கண்டு பிடித்த நட்சத்திர தொகுதிகளில் இந்தளவுக்கு அதிக exoplanet கள் அதுவும் ஒரே நட்சத்திரத்தை சுற்றி வருகின்றமை என்பது இதுவே முதற் தடவை ஆகும். அதனால் இன்று வியாழன் கூகுள் தேடுபொறி தனது முகப்பில் கூகுள் டூடுளாக இந்த Exoplanet discovery இனை சிறப்பித்துள்ளது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

சிறந்த ஆங்கிலத் திரைப்படங்கள், சிறந்த வெளிநாட்டுமொழிப்படம், சிறந்த ஆவணப்படம், சிறந்த அனிமேஷன் படம் உள்ளிட்ட 24 பிரிவுகளின் கீழ் ஆஸ்கர் விருதுகளை வழங்கி வருகிறது ஆஸ்கர் அகாடெமி.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

இயற்கை தன் கரங்களை அகல விரித்து ஆட்சி செய்யும் அற்புதமான கொடைக்கானல் எனும் இடத்தை களங்கப்படுத்தும் கதைக் களம். கதாநாயகி ரிதம் (கீர்த்தி சுரேஷ் ) 7 மாதம் கர்ப்பமாக இருக்கிறார். 6 ஆண்டுகளுக்கு முன் காணாமல் போன தனது மகன் அஜயை நினைத்து கவலைப்படுகிறார்.

"உங்கள் கனவை எங்கள் ஜம்போவின் காதில் கிசுகிசுக்கவும், யாருக்கு தெரியும், அது நனவாகும்! " எனக் கட்டியம் கூறியவாறு, மாணவர்கள் மத்தியில் சிறுகதை எழுதும் ஆர்வத்தினை ஏற்படுத்த முனைகிறது ஆம்பல், சிறுகதைப்போட்டி.

உலகிலேயே மிக சிக்கலான மற்றும் மிகப் பெரும் எந்திரம் அல்லது கருவி ஜெனீவாவில் அமைந்துள்ள LHC எனப்படும் 27 கிலோமீட்டர் சுற்றளவு கொண்ட நிலக்கீழ் துகள் முடுக்கி கருவி (Particle accelerator) ஆகும்.

சென்னை அசோக்நகரில் கணவர் தேவகுமாரன், இரு மகள்களுடன் வாழ்த்து வந்த தேவயானி தற்போது தனது கணவரின் சொந்த கிராமத்துக்குப் போய்விட்டார்.

கடந்த 2014ஆம் ஆண்டு ஏ.ஆர் ரஹ்மான் தலைமை தாங்கிய பாஸ்டனில் உள்ள சிம்பொனி அரங்கில் பெர்க்லீ இசைக் கல்லூரியால் இந்த மாபெரும் இசைநிகழ்ச்சி நடத்தப்பட்டது.