சமூக ஊடகம்

கிராமத்து மரத்தடியில், தேநீர்கடையில், கோவில் படிக்கட்டில், நாலுபேர் இருந்து பேசிக் கொள்ளும் காலம் ஒன்று இருந்தது. அவர்கள் பேச்சினை வெட்டிப் பேச்சு என்றும் சொல்வார்கள். ஆனால் அது ஒரு மறு கருத்துருவாக்கத்தின் துவக்கப்புள்ளி. இயக்குனர் கரு.பழனியப்பனும் தன்னுரையொன்றில் இப் பொருள்படப் பேசியிருப்பார். சமூகத்திற்கான கருத்துருவாக்கத்தில் பெரும் பொறுப்புடையவர்கள் ஊடகத்துறை சார்ந்தோர்.

அதற்கான பொறுப்புணர்வோடு பணியாற்றும் ஊடகத்துறை சார்ந்த பலருள் அந்தணன் எமக்கு நன்கு அறிமுகமானவரும் இனிய நண்பரும் கூட. சினிமாச் செய்திகளையும், விமர்சனங்களையும், சிலாகித்து ரசிக்கும் அவரது எழுத்துரு மிகவும் பிடிக்கும். அந்த விருப்பதிலேயே 4தமிழ்மீடியாவின், சினிமாப் பகுதிக்கான செய்தியாசிரியராக அவரை இணைத்துக் கொண்டோம். அவ்வாறு இணைந்து கொண்டதன் பின்னரான சந்திப்புகளின் போதும், உரையாடல்களின் போதும் அவரது உயரிய பண்புகளை அருகிருந்து அவதானித்திருக்கின்றேன். சினிமாப் பிரபலங்களாயினும், அவர்களது தனிப்பட்ட வாழ்க்கை பாதிக்காதவாறு செய்திகள் பகிர வேண்டும் என்பதில் மிகுந்த அவதானம் காட்டுபவர் என்பதை அறிந்து கொள்ளும் வாய்ப்புக்கள் பணியின் போது வாய்த்திருக்கிறது. ஒரு தடவை நேரில் சந்தித்தபோது, புதிய முயற்சிகள் தொடர்பாக விசாரிக்கையில் " வலைப்பேச்சு " உரையாடல் குறித்துச் சொல்லியிருந்தார். பணிச்சுமை காரணமாக அது குறித்து நாம் அதிகம் கவனம் கொள்ளவில்லை.

இலங்கை சென்றிருந்தபோது 4தமிழ்மீடியாவின் செய்தியாளர்களோடு பேசிக் கொண்டிருக்கையில், புருஜோத்தமன் தங்கமயில், " வலைப்பேச்சு " உரையாடல் குறித்துச் சொன்னார். அதன் பின்னதாகவே அதில் கவனம் கொள்ளத் தொடங்கினேன். இப்போது தினமும் பார்க்க முடியாவிட்டாலும், சேர்த்து வைத்துப் பயணங்களின் போது பார்த்துவிடுகின்றேன்.

கிராமத்தின் கருத்துருவாளர்கள் போல், மூன்று பேர் அமர்ந்திருந்து எளிமையாக, உரையாடுகின்றார்கள். பரபரப்புச் செய்திகளுக்காக மீடியாக்கள் அலைந்து திரிகின்ற சமகாலத்தில், சினிமாச் செய்திகள்தானே எனக் கிசுகிசுக்களையோ, தரங்குறைந்த தகவல்களையோ சொல்லித் தொலைக்காமல், ஆறஅமர உட்காந்திருந்து, உண்மையான சமூகப் பொறுப்புணர்வோடு உரையாடுகின்றார்கள். அதற்காகவே அவர்களைப் பாராட்டத் தோன்றியது.

மூவரில் அந்தணன் மட்டுமே எமக்கு நேரடி அறிமுகமானவராயினும், பிஸ்மி அவர்களின் எழுத்துக்களை வாசித்திருக்கின்றோம். பத்திரிகை நாகரீகமும், பண்பும் தெரிந்தவர் என்பது அவரது எழுத்துக்களில் வெளிப்படுவது போல், பேச்சிலும் தெரிகிறது. இவர்களோடு இணைந்திருக்கும் சக்திவேல் இளையவர். இரு மூத்தவர்களுக்கும் இடையில் சிக்கிச் சிதறமால், சுழித்து வெளிவருகிறார். மூவருக்குமிடையாலான உரையாடல் தொகுப்பு, அவர்கள் எழுத்துப் போலவே சுவாரசியரத் தொடராக அமைவது சிறப்பு.

ஆர்ப்பாட்ட அலப்பறைகள் ஏதுமில்லாது, அழகான உரையாடலாக, நளினமான கதைசொல்லிகளாக, சமூகத்தின் தேவையுணர்ந்து உரையாடுகின்றார்கள். "வலைப்பேச்சு" ஒரு வருடத்தை நிறைவு செய்து, இராண்வது ஆண்டில் காலடி எடுத்து வைத்துள்ள தருணமிது. இணையப் பெருவெளியில், ஊடக தார்மீகம் உடைந்து போகும் அவலச்சூழலில், " வலைப்பேச்சு " அவசியமான ஒரு உரையாடல். எல்லாமே எக்ஸ்குளுசீவ் என்று சொல்லியவாறு இரண்டாம் ஆண்டில் காலடி எடுத்து வைத்திருக்கும் " வலைப்பேச்சு" குழுமத்தினருக்கு, மனம் நிறைந்த நல் வாழ்த்துக்கள் !

வலைப்பேச்சுக் காண : https://www.youtube.com/channel/UCRTmSft-1I9f0yzTnz32oMg

- 4தமிழ்மீடியாவிற்காக : மலைநாடான்.

 

கதாநாயகி, நடன இயக்குநர், சமூக ஆர்வலர், வளர்ந்து வரும் அரசியல்வாதி என பல முகங்கள் கொண்டவர் நடிகை காயத்ரி ரகுராம்.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

முகநூல், ட்விட்டர், இண்டாகிராம், டிண்டர், செயலிகள் உள்ளிட்ட சமூக வலைதளங்கள் இல்லாமல் போனால் தற்கால மனிதன் கற்கால மனிதனைப்போல பின்னோக்கிப் போய்விடுவான் என்ற நிலைதான் தற்போது நிகழ்கிறது.

அது 1998-ஆம் வருடம். அப்போது சன் டிவியில் ‘சப்த ஸ்வரங்கள்’ என்ற இசை நிகழ்ச்சி மிகவும் பிரபலம். அந்த நிகழ்ச்சியின் 100-வது வாரத்துக்கு எஸ்.பி.பி. சிறப்பு விருந்தினராக அழைக்கப்பட்டிருந்தார்.

TESS தொலைக் காட்டி

நாம் தனிமையில் இல்லை..! -பாகம் -1 (We are Not Alone..Part-1)

முன்னைய பாகத்தில் நாம் 2009 ஆமாண்டு விண்ணில் ஏவப்பட்ட கெப்ளர் தொலைக் காட்டியினால் அவதானிக்கப் பட்ட வெளிப்புறக் கிரகங்கள் தொடர்பான அறிமுகத்தைப் பார்த்தோம். அதன் தொடர்ச்சி இனி..

சிலுக்கு சுமிதா எண்பதுகளின் கலைஞர். இவரின் ஆடலும் பாடலும் இல்லாத படங்களை வாங்க விநியோகஸ்தர்கள் மறுத்தனர்.

ஐபிஎல் கிரிக்கெட் போட்டிகள் ஆரம்பமாகி சூடு பிடித்திருக்கும் இவ்வேளையில் ஐபிஎல் கிரிக்கெட்டின் சென்னை சூப்பர் கிங்ஸ் வீரர்கள் "சலாம் சென்னையே" எனும் இந்த விழிப்புணர்வு வீடியோ பாடலில் தோன்றி கொரோனா நோய்ப்பரவலை தடுக்கும் சுகாதார வழிமுறைகள் குறித்து அறிவுறுத்திகிறார்கள். நீங்களும் சற்று 'கேட்டுத்தான்' பாருங்கள் : 

 

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்