சமூக ஊடகம்
Typography

திரையரங்குகளுக்கு மாற்றாக இன்று இணைய சினிமாவும் இணையத் தொடர்களும் மிகப்பெரிய சந்தையை உருவாக்கி விட்டன. தற்போது முழு நீளத் திரைப்படங்கள் இணைய சினிமாவாக எடுக்கப்பட்டு நேரடியாக இணையத்தில் வெளியாகத் தொடங்கி இரண்டு ஆண்டுகள் நிறையப்போகிறது.

இதுவொருபுறம் இருக்க, இணைய சினிமாவுக்கு எந்தவித தணிக்கைக் கட்டுபாடும் இல்லாத சுதந்திர வெளியாக இருப்பதால், தமிழில் வெளியான இனையத் தொடர்கள், சினிமாக்களில் அநியாயத்துக்கும் வன்முரை மற்றும் பாலியல் காட்சிகளை மலிந்து கிடக்கின்றன.

ஆட்டோ சங்கர் தொடங்கி லஸ்ட் ஸ்டோரீஸ் வரை இதற்கு நூற்றுக்கணக்கில் உதாரணம் சொல்லலாம். இதுதவிர, பிரபலங்களைப் பற்றி எவ்வித ஆய்வும் இல்லாமல் தாருமாறாக தொடர்கள் வரத் தொடங்கிவிட்டன. ஜெயலலிதா தொடரை இதற்கு உதாரணமாகச் சொல்லலாம். தலைவர்களின் கதை போலிப்பெயரில் எடுக்க மோடி அரசு ஒரு கடிவாளத்தை ரெடி செய்து கொண்டிருப்பது தனி சேதி.

இதனிடையே இன்ஸ்டாகிராம் உலகமெங்கும் கோடிக்கணக்கான பயனாளர்களை சம்பாதித்து வைத்திருக்கிறது. அப்பேர்பட்ட இன்ஸ்டாகிராமில் ஒரு நிமிட எபிசோடுகளைக் கொண்ட புதிய இனையத் தொடர்களை அறிமுகப்படுத்தும் அதிரடித் திட்டத்தை சோதனை முறையில் கொண்டு வருகிறார்களாம்.

கிட்டத்தட்ட சின்னத்திரை விளம்பரத்துக்குண்டான ஒருநிமிட அவகாசத்தில் ஒரு நாவலை, சிறுகதையை , கவிதையை சொல்லும் வகையில் இன்ஸ்டாக்ராமில் அறிமுகமாக போகும் முதல் தொடர் இதுதான் என்பது குறிப்பிடத்தக்கது.

FIRSTS என்று பெயரிடப்பட்டுள்ள இந்த தொடரில் ரோஹன் ஷா அபூர்வா அரோரா ஆகியோர் நடித்திருக்கிறார்கள். சகலருக்கும் சிலிர்பூட்டும் பள்ளிப்பருவத்துக் காதல் குறித்தும், அதன் அருமை பெருமையான முதல் தருணங்கள் குறித்தும்தான் இந்தத் தொடர் பேச இருக்கிறது.

ஜனவரி 25-ஆம் தேதி முதல் இந்த தொடர் ஒளிபரப்பாக உள்ளது. புதியவர்களுக்கு புதிய தளம்.. அள்ளலாம் பணம்.

BLOG COMMENTS POWERED BY DISQUS

பகிர்வதற்கு

 

 

மின்னஞ்சலில் பதிவுகள்

மின்னஞ்சலில் பதிவுகள்