சமூக ஊடகம்

ஜெயலலிதா இருக்கும்போதே தனது சினிமா தொழிலுக்கு கமல் பல பாதிப்புகளை சந்தித்தார். அவர் இறந்த பிறகோ இன்னும் நெருக்கடிகளைச் சந்தித்தார். இதனால் தன்னையும் மக்கள் நலனையும் உத்தேசித்து மக்கள் நீதி மையம் என்ற அரசியல் கட்சி தொடங்கி அரசியலுக்கு வந்தார்.

அப்படி வந்தாலும் கமல் பேசும் மொழி புரியாமல் எங்கள் மண்டையைக் காய வைக்கிறது, கண்களைக் கட்டுகிறது என்று மக்கள் விமர்சனம் செய்தனர். அதை ஏற்ற கமல், முதல் கட்டமாக தனது ட்விட்டரில் புரியா மொழியிக் செய்து வந்த குறும்பதிவுகளை எளிமையான மொழிக்கு மாற்றினார்.

அப்படியும் தமிழக மீன்வளத்துறை அமைச்சர் ஜெயகுமார் “கமல் ஒரு மரபணு மாற்றப்பட்ட விதை என்றும், இந்தியாவில் அதை விதைப்பதில்லை” என்று தரக்குறைவாக விமர்சனம் செய்தார். அதற்கு கமலும் தனது ட்விட்டர் மூலம் மிக எளிய மொழியில் பதில் தந்து அசத்தினார்.

அன்று முதல் மக்களுக்குப் புரியும் எளிய மொழியில்தான் தனது அரசியல் அறிக்கைகளை அனுப்பிக்கொண்டிருந்தார். நன்றாகத்தான் போய்க்கொண்டிருந்தது. ஆனால் இன்று மண்டை குழம்பியவர் போல் மீண்டும் குழப்பாமன மொழியில் ட்வீட் செய்திருப்பது மக்களை மட்டுமல்ல; அவரது ரசிகர்கள், தொண்டர்களையும் மண்டை காய வைத்துள்ளது.

இன்று அவர் செய்திருக்கும் ட்விட்டர் பதிவில்;

“மக்களைக் காக்க மக்களே மருந்து உயிர் பயம் ஊரை அடக்கலாம் ; பாழும் கிருமி உமக்கும் வணங்காது, எவருக்கும் அடங்காது. எரிமலைக் குழம்பை தண்ணீர் தணிக்குமா ? இவ்வுலகை இன்று சூழ்ந்துள்ள தீப் பிழம்பு நம்மை விழுங்கும் முன் , மக்கள் அனைவரும் எண்ணம் கோர்த்து செயல்பட வேண்டும். யார் ஓதுவது எந்த வேதம் என கிருமிக்கும் தெரியாது. நமக்கும் தெரிய வேண்டாம் . நம்மைக் காக்க நாமே வேலி...மதமற்ற மார்க்கம் சாரா வேலி. கை கோர்ப்போம்!எண்ணம் கோர்ப்போம்! கட்டளையிட்டல்ல ... இதை வேண்டுகோளாய் ஏற்று அன்பு வளர்க்க.....” - என்று தெரிவித்துள்ளார்.

"ஸ்ஸ்ஷுஷூ கண்ணை கட்டுதே...  கமல் சார் நீங்களே கோணார் நோட்ஸ் போட்டுருங்க’ என்று அவரை நெட்டிசன்கள் கலாய்த்து வருகிறார்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

இயக்குனர் சங்கர் இயக்கத்தில் கமல் நடித்து வந்த ‘இந்தியன் 2’ படப்பிடிப்பில் எதிர்பாராமல் நிகழ்ந்த கோர விபத்தால் உதவி இயக்குநர் உட்பட பலர் உயிரிழந்தனர். இதனால், படப்பிடிப்பு நிறுத்தப்பட்டது.

சுவிற்சர்லாந்தின் நியோன் நகரில் நடைபெறும் Vision du Reel சர்வதேச ஆவணத்திரைப்பட விழாவில், இம்முறை சிறந்த முழு நீள ஆவணத் திரைப்படத்திற்கான விருதை பெற்றுக்கொண்டது இத்தாலிய திரைப்படமான Punta Sacra.

தமிழில் வணிக சினிமாக்கள் இரண்டு வகையாக இயங்குகின்றன. ஒன்று முற்று முழுதாக ரசிகர்கள் ஊகித்துவிடும் கதைப்போக்குடன் அமைக்கப்படும் மசாலா சட்டகத்தைக் கொண்டவை. மற்றொன்று அந்த சட்டக்கத்தைக் கொஞ்சம் மீறி, விறுவிறுப்பான திரைக்கதையைக் கொண்டிருந்தாலும் வணிக அம்சங்களையும் சித்தரிப்புகளையும் கைவிடாத வகையாக வெளியாவது.

ஹாரிபாட்டர் புகழ் ஜே.கே.ரவுலிங், தனது இக்காபாக் (The Ickabog) எனும் ஒரு அரக்கனைப் பற்றிய விசித்திரக் கதையின் முதல் பாகத்தை ஆன்லைனில் இலவசமாக வெளியிட்டுள்ளார்.

21 ஆம் நூற்றாண்டின் தொடக்கத்தில் 2003 ஆமாண்டு விண்ணுக்கு பூமியின் தாழ்வு ஒழுக்கில் வலம் வந்து கொண்டிருக்கும் ISS என்ற சர்வதேச விண்வெளி ஆய்வு மையத்துக்கு சென்று திரும்புகையில் எந்திரக் கோளாறால் கொலம்பியா என்ற விண் ஓடம் விபத்தில் சிக்கியது.

கொரோனா வைரஸ் குணப்படுத்தக் கூடிய ஒன்று தான். அதற்காக ஊரடங்கு உத்தரவு பிறப்பிக்கப்பட்டு மக்களின் வாழ்வாதாரத்தை அழித்தது தேவையில்லாது, என்று நடிகரும் தயாரிப்பாளருமான மன்சூரலிகான் தெரிவித்துள்ளார்.

தமிழர் கலைகளில் 'வில்லுப்பாட்டு' ஒரு முதுகலையாகும். போர்களங்களில் போராடிய வீரர்கள் மத்தியிலிருந்து, கதையும் பாடலுமாகப் பிறந்த கலைவடிவம் எனவும் சொல்கின்றார்கள். இதனைத் தமிழகத்தில் பன்னெடுங்காலமாகச் சொல்லி வந்த ஒரு பெண்ணின் வரலாற்றினை, வாழ்வினை, தமிழுக்குப் புதிய இசைவடிவமான ராப் பாடல் மூலம் சொல்கின்றாள் ஒரு பெண்.