சமூக ஊடகம்

பொதுவாகக் குழந்தைகள் தங்களுக்கு ஏற்படும் உணர்ச்சிக் கொந்தளிப்புகளை பொதுவிடங்களில் வெளிக்காட்டினால் உடனே சூழ இருப்போர் அவர்களின் வளர்ப்பைப் பற்றி, பெற்றோரைப் பற்றி, குறிப்பாக அம்மாவைப் பற்றிய விமர்சனங்களுக்குள் தாவுவதையே பெரும்பாலும் பார்த்திருப்போம்.

அதிலும் அதிகாரத் தோரணையில் இருப்பவர்கள் பெற்றோரை வெறும் கம்பீரப் பார்வையாலேயே கூனிக் குறுக வைத்துவிடுவதில் வல்லவர்கள். மாறாக அமெரிக்காவின் இண்டியானா மாகாணத்தில் உள்ள பள்ளியொன்றில் நடைபெற்ற இந்த சம்பவம் ஒரு இன்ப அதிர்ச்சியென்றே சொல்லலாம். இச்செய்தியை படித்தபோது நெகிழ்ந்து போனேன்.

பணி நிமித்தம் பள்ளிக்குச் சென்ற கார்னர் ஜோன்ஸ்(Cornner-Jones) என்ற காவல்துறை அதிகாரி, அங்கிருந்த குழந்தைகளில் 4 வயதுள்ள ஒரு சிறுவன் சற்று இறுக்கமாக இருப்பதைப் பார்க்கிறார். அவனிடம் பேச்சுக் கொடுத்ததும், அச்சிறுவன் திடீரென தரையில் விழுந்து அழ ஆரம்பிக்கிறான். ஆனால் அவரோ அவனை ஆறுதல் படுத்த முடிவெடுத்து , தானும் அவனருகில் படுத்துக் கொண்டு அவன் கண்ணீரைத் துடைத்து, சமாதானப் படுத்தியிருக்கிறார். உடனே அச்சிறுவன் சமாதானமடைந்து எழுந்து விட்டான்.

செய்தி பரவலாகி, இது பற்றிக் கேட்டபோது அந்த அலுவலர் சொன்ன பதில் “குழந்தைகளுக்கும் நம்மைப் போலவே ஏமாற்றங்களும், கோபதாபங்களும் இருக்கவே செய்யும். அவர்கள் ஒன்றும் இயந்திர மனிதர்கள் அல்ல, நாம் நினைத்தபடியே நடந்து கொள்ள. நாம்தான் அவர்களைப் புரிந்து கொள்ள முயற்சிக்க வேண்டும்.” ஒரு அதிகாரியாக நின்று விடாது, தானும் 3 குழந்தைகளின் தாய் எனும் நிலையில் இருந்தும் யோசித்திருக்கிறார்.

அழகாய் உடையணிந்து, மலர் போலச் சிரிக்கும் குழந்தைகளைக் கொஞ்சத் தயாராக இருக்கும் நாம், கோபம் கொண்டோ சோர்ந்தோ அழுது புரளும் ஒரு குழந்தையை நெருங்க விரும்புவதில்லை. குழந்தைகள் 24 மணி நேரமும் நமக்குப் பிடித்த தேவதைக் கோலத்திலேயே வீற்றிருந்து அருள்பாலிக்க முடியாது. ஏனென்றால் ஜோன்ஸ் சொல்வது போல அவர்களும் மனிதர்கள்தான். விருப்பு வெறுப்புகள், உணர்ச்சிக் குழப்பங்கள் அவர்களுக்கும் உண்டு என்பதைப் புரிந்து கொள்வதும், அன்பையும் அரவணைப்பையும் நாம் தரத் தயார் என்பதை உணர்த்துவதும்தான் நமது மன முதிர்ச்சியைக் காட்டும்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

நன்றி: Lakshmi Balakrishnan

மூலம்: இணையம்

 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

அல்லு சிரிஷின் முதல் இந்திப் பாடல் 'விலாத்தி ஷராப்' (Vilayai Sharaabt) யூடியூபில் 100 மில்லியன் பார்வைகளைக் கடந்துள்ள நிலையில் அல்லு அர்ஜூன் தனது பாராட்டுகளைத் தெரிவித்துள்ளார்.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

இத்தாலியில் பயண அனுபவங்களில் நாம் காண முடியும் முக்கிய அம்சம் விதவிதமான விளம்பரத் தட்டிகள். ஏனைய ஐரோப்பிய நாடுகளை விடவும் மிக இத்தாலியில் அதிகமாக நிறுவப்பட்டடிருக்கும் பிரமாண்டமான நிரந்தர விளம்பரத் தட்டிகளை விடவும், பெரும் ஊர்த்திகளில் நிறுவப்பட்ட நகரக் கூடிய தட்டிகளையும் கூடக் காணலாம்.

கடந்த தொடரில் கருந்துளைகள் என்றால் என்ன? அவற்றின் வகைகள் மற்றும் தோற்றம் என்பவை குறித்தும் அவற்றின் முக்கியத்துவம் குறித்தும் விரிவாகப் பார்த்தோம்.

நடிகர் விஜய் ஆண்டனி நடிப்பில் உருவாகியிருக்கும் ‘கோடியில் ஒருவன்’ மற்றும் ‘காக்கி’ ஆகிய படங்கள் ரிலீஸுக்கு தயாராகவுள்ளன.

தமிழ் சினிமாவில் திருநங்கைகளை மையப்படுத்தி அவ்வபோது சில படங்கள் வெளிவருவதுண்டு. சில ஆண்டுகளுக்குமுன் விஜய்சேதுபதி ‘சூப்பர் டீலக்ஸ்’ படத்தில் திருநங்கையாக நடித்திருந்தார். இப்போது திருநங்கைகள் தினத்துக்காக ஒரு பாடல் உருவாகியுள்ளது.