சமூக ஊடகம்

2016ம் ஆண்டுக்கான மனிதராக அமெரிக்காவின் புதிய ஜனாதிபதியாக வெற்றி பெற்ற டொனால்ட் டிரம்ப்பினை தெரிவு செய்துள்ளது பிரபல டைம்ஸ் சஞ்சிகை. 

எனினும் இத்தெரிவு பெரிதும் விமர்சனத்துக்கு உள்ளாகியுள்ளது. ஒரு புறம்,  இது எனக்கு வழங்கப்பட்ட மிகப்பெரிய கௌரவம் என டொனால்ட் டிரம்ப் தெரிவித்துள்ளார். ஆனால் டைம்ஸ் சஞ்சிகையோ, 

 «இந்த வருடத்திற்கான மனிதர் எனும் அடையாளப்படுத்தலை மாத்திரமே நாம் வழங்கியுள்ளோம். அதன் அர்த்தம் இந்த வருடத்திற்கான சிறந்த மனிதர் என்பதல்ல. ஒருவர் எந்தளவு மக்களிடையே செல்வாக்கு செலுத்தியுள்ளார் என்பதனை மாத்திரம் வைத்தே இத்தெரிவு இடம்பெற்றுள்ளது. அது எதிர்மறையான செல்வாக்காக கூட இருக்கலாம்» என இத்தெரிவை நியாயப்படுத்தியுள்ளது. 

இதேவேளை டொனால்ட் டிரம்ப் குறித்த டைம்ஸ் சஞ்சிகையின் டிசம்பர் மாத சஞ்சிகை அட்டைப்படத்தில் காட்சியளிக்கும் விதமும் பெரும் நகைப்புக்கு உள்ளாக்கப்பட்டுள்ளது.  

டொனால்ட் டிரம்ப் காட்சியளிக்கும் விதம், இதே டைம்ஸ் சஞ்சிகை ஹிட்லரை 1938ம் ஆண்டு தனது அட்டைப் படத்தில் கொண்டுவந்த போது காட்சியளிக்கும் விதத்திற்கு ஒப்பானது.  

அதோடு டொனால்ட் டிரம்பின் தலைக்கு மேல் Time எனும் சொல்லின் «M» எழுத்து பொருந்துவது, டொனால்ட் டிரம்புக்கு இரு கொம்பு முளைத்தது போன்று மாயத்தோற்றம் அளிப்பதால், அதுவும் நகைப்புக்கு உள்ளாக்கப்பட்டுள்ளது. 

அதோடு டொனால்ட் டிரம்ப்பின் குறித்த காட்சிப்படுத்தலை போட்டோஷாப் மூலம் நகைப்புக்கு உள்ளாக்கும் புகைப்படங்களும் வெளிவந்தவாறு உள்ளன. 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

சிவகார்த்திகேயன் - இயக்குநர் நெல்சன் - இசையமைப்பாளர் அனிருத் கூட்டணியில் உருவான ‘கோலமாவு கோகிலா’, ‘டாக்டர்’ ஆகிய படங்களில் சிவகார்த்திகேயன் எழுதிய பாடல்கள் ரசிகர்களால் பெரிதும் கொண்டாடப்பட்டன.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

ராசம் மெல்ல அனுங்கிக் கொண்டிருந்தாள்.
தலைவாசல் அறைக்குள்ளிருந்து கேட்ட அவள் அனுங்கலில் “வேம்பி..!”

கொரோனா பேரிடரின் இரண்டாம் அலையை, இஸ்ரலேல் உள்ளிட்ட உலகின் பல நாடுகள் திறம்பட சமாளித்து வரும் வேளையில் இந்தியா அதில் கோட்டை விட்டுவிட்டதாக இந்திய ஊடகங்கள் கடும் கண்டனங்களை தெரிவித்து வருகின்றன.

பிரபல சமூக வலைதளமான ட்விட்டரில் மோடி பிரதமர் பதவியிலிருந்து ராஜினாமா செய்ய வேண்டும் என்று #reginmodi என்கிற ஹேஷ் டேக் இந்திய அளவில் பிரபலமாகி வருகிறது.

நாம் வாழும் பூமியின் சுற்றுச்சூழலின் முக்கியத்துவத்தை வலியுறுத்தவும் மாசாடையாமால் பாதுகாக்கவும் ஒவ்வொரு ஏப்ரல் 22 ஆம் திகதி புவி தினம் உலகம் முழுவதும் அனுசரிக்கப்பட்டு கொண்டாடப்படுகிறது.