இந்தியா

காஷ்மீரின் புல்மாவா பகுதில் இந்திய இராணுவ வாகனப் பேரணி மீது பாகிஸ்தான் தீவிரவாதிகள் நடத்திய வெறித்தனமான தற்கொலைக் குண்டுத் தாக்குதலில் 49 சீஆர்பிஎஃப் இராணுவ வீரர்கள் பலியாகி இருந்தனர்.

இந்தியா பாகிஸ்தான் நல்லுறவில் அதிர்ச்சிகரமான தாக்கத்தை ஏற்படுத்தியுள்ள இந்த நிகழ்வு காரணமாக பாகிஸ்தானில் உள்ள இந்தியத் தூதர் அஜய் பிசாரியா டெல்லிக்கு வருமாறு மத்திய அரசு உடனடி அழைப்பு விடுத்துள்ளது. மேலும் இந்த புல்மாவா தாக்குதல் தொடர்பில் பிரதமர் மோடி தலைமையில் பாதுகாப்பு குறித்த மத்திய அமைச்சரவைக் கூட்டம் நடைபெற்றுள்ளதுடன் இந்தியாவில் உள்ள பாகிஸ்தான் தூதரை நேரில் அழைத்து மத்திய அரசு கண்டனத்தையும் தெரிவித்துள்ளது.

மோடி தலைமையிலான கூட்டத்தின் பின் செய்தியாளர்களிடம் பேசிய மத்திய நிதியமைச்சர் ராஜ்நாத்சிங், இவ்வாறு தெரிவித்தார்.

'சர்வதேசத்தின் வேண்டுகோள்களை மதியாது தொடர்ந்து தீவிரவாதிகளுக்கு அடைக்கலம் கொடுத்து வரும் பாகிஸ்தானை உலக அரங்கில் தனிமைப் படுத்த என்ன செய்ய வேண்டுமோ அதனை உடனே இந்தியா நிறைவேற்றும். மேலும் மிக மோசமான புல்மாவா தாக்குதலில் ஈடுபட்ட தீவிரவாதிகள் உரிய பதிலடியை நிச்சயம் எதிர்நோக்குவர். பாகிஸ்தானுக்கு இந்தியாவுடனான வர்த்தகத்தில் இனிமேல் எந்தவொரு சலுகையும் வழங்கப் படாது. பாகிஸ்தானுக்கு அளிக்கப் பட்ட வர்த்தக அந்தஸ்து மீளப் பெறப்படுகின்றது.' என்றார்.

இந்த தற்கொலைக் குண்டுத் தாக்குதலில் தமிழகத்தின் தூத்துக்குடியைச் சேர்ந்த சுப்பிரமணியன் உட்பட இரு தமிழக வீரர்களும் உயிரிழந்துள்ளனர் என்பது குறிப்பிடத்தக்கது.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :