இந்தியா

புதன்கிழமை சென்னை அருகே அதிமுக தலைமையிலான அதிமுக பாஜக கூட்டணியின் நாடாளுமன்ற தேர்தல் பிரச்சாரக் கூட்டத்தில் பிரதமர் நரேந்திர மோடி கலந்து கொண்டு உரையாற்றினார்.

இதன் போது அவர் தமிழகம் நலம்பெற மத்திய அரசின் முயற்சி தொடர்ந்து இருக்கும் என்றும் ஜெயலலிதா கனவு கண்ட முன்னேற்றப் பாதையில் நாம் சென்று கொண்டிருக்கின்றோம் என்றும் தெரிவித்தார்.

சென்னை செண்ட்ரல் ரயில்வே நிலையம் எம்ஜீஆர் பெயரால் இனி அழைக்கப் படும் என்று தெரிவித்த மோடி தமிழகத்துக்கு வந்து செல்லும் விமானங்களில் இனி தமிழிலும் அறிவிப்பு வெளியிடப்படும் என்றும் தெரிவித்தார். காஞ்சிபுர நெசவாளிகள் பயன்பெறும் விதத்தில் ஜவுளித் துறைக்கென 7000 கோடி ரூபாய் மானியம் வழங்கப் பட்டுள்ளது என்றும் மோடி தெரிவித்தார். இதுதவிர தமிழகத்தின் காஞ்சிபுரம் போன்ற பகுதிகளில் சுற்றுலாத் துறைய மேம்படுத்துவதற்கும் நடவடிக்கை எடுக்கப் படும் என்றும் மோடி கூறினார்.

விரைவில் நாட்டின் பாதுகாப்புக்கென் அமைக்கப் படவுள்ள இரு பூங்காக்களில் ஒன்று தமிழகத்தில் அமைக்கப் படும் என்றும் நாட்டின் பாதுகாப்பில் எதிர்க்கட்சிகள் அலட்சியம் காட்டுவதாகவும், வலிமையான இராணுவத்தை இவர்கள் விரும்பவில்லை என்றும் பேசிய மோடி, நாட்டு மக்களே உச்ச பட்ச கமாண்டர்கள் என்றும் தெரிவித்தமை குறிப்பிடத்தக்கது.

இதேவேளை தன் மீது வெறுப்பைப் பொழிவதற்கென்றே ஒரு பகுதி மக்கள் இருப்பதாகவும் அவர்கள் தம் குடும்பத்தைப் பற்றித் தன் ஏழ்மையைப் பற்றி மற்றும் பின் தங்கிய சாதிப் பின்புலம் பற்றியெல்லாம் தவறாகப் பேசுவதாகவும், சிலர் என்னைக் கொல்லக் கூட நினைக்கின்றார்கள் என்றும் வருத்தம் தெரிவித்த மோடி தமக்கு மீண்டும் ஒரு சந்தர்ப்பத்தை மக்கள் வழங்கினால் அவர்கள் ஆசிர்வாதத்தில் அவர்களின் பாதுகாப்பு உட்பட ஏனைய தேவைகளுக்காகவும் நிறைய செய்வோம் என்றும் கூறினார்.

தனது உரையை முடிக்கும் போது மோடி 'நாளை நமதே! நாற்பதும் நமதே!' என்று கூறி நிறைவு செய்தார்.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :