இந்தியா

செவ்வாய்க்கிழமை இந்தியப் பிரதமர் நரேந்திர மோடி மக்களவையில் ஜனாதிபதியின் உரைக்கு அடுத்து அவருக்கு நன்று தெரிவித்து தனது உரையை ஆரம்பித்தார்.

எதிர்க்கட்சியினரைக் கடுமையாகச் சாடியிருந்த அவரது உரை காரசாரமாக அமைந்திருந்தது. அதன் விபரம் வருமாறு,

'எதிர்க்கட்சியின் செயற்பாடு பாராட்டுக்குரியத் என்ற போதும் வளர்ச்சிக்கான எந்தவொரு வாய்ப்பையும் நாடு தவறவிடக் கூடாது. வலிமை, பாதுகாப்பு ஒருங்கிணைந்த இந்தியாவை உருவாக்கி எமது தேசத்தின் வளர்ச்சியை புதிய உச்சத்துக்குக் கொண்டு செல்ல வேண்டும். 2004 முதல் 2014 இற்கு இடைப்பட்ட காங்கிரஸ் ஆட்சியில் இருந்த அரசுக்கு நான் நேரடி சவால் விடுகின்றேன். இவர்கள் ஒருபோதும் அடல் பிஹாரி வாஜ்பாய் அரசாங்கத்தின் பணியையோ அல்லது நரசிம்மராவ் இன் திட்டங்களைப் பற்றியோ பேசியதில்லை. அவ்வளவு ஏன் தமது கட்சியைச் சேர்ந்த மன்மோகன் சிங் பற்றிக் கூட இவர்கள் பேசியது கிடையாது.

நாம் வித்தியாசமாக சிந்திக்கின்றோம். தேசிய வளர்ச்சிக்கு ஒரு சில தலைவர்கள் மாத்திரம் தான் பங்களித்ததாக இவர்கள் எண்ணுவது தவறு. பாஜக அரசு தான் பிரணாப் முகர்ஜிக்கு பாரத ரத்தினா வழங்கியது. இன்று ஜூன் 25 அவசர சட்டத்தை விதித்தவர் யார்? இந்த இருண்ட நாட்களை நாம் மறக்க முடியாது. இன்றைய நாளையும் மறக்க முடியாது. ஏனெனில் பத்திரிகை மற்றும் பேச்சு சுதந்திரத்தையும் ஊடகத் துறையையும் முடக்கிய நாள் இன்று.

இதேவேளை எரிவாயு, மின்சாரம் மற்றும் கழிப்பறை வசதிகள் போன்றவற்றைக் கொண்டு வந்து நாம் தான் மக்களைச் சிந்திக்க வைத்தோம். 70 ஆண்டுகளாக எம் தேசம் சென்று கொண்டிருந்த பாதையை 5 ஆண்டுகளில் மாற்றுவது என்பது முடியாது. நமது சுதந்திர போராளிகள் கனவு கண்ட இந்தியாவை நாம் கட்டியெழுப்ப வேண்டும். காந்தியின் 150 ஆவது பிறந்த நாள் மற்றும் இந்தியாவின் 75 ஆவது ஆண்டு சுதந்திரத்தை மிகுந்த விருப்பத்துடன் அனைவரும் கடைப்பிடிக்குமாறு கேட்டுக் கொள்கின்றேன்.'

இவ்வாறு பிரதமர் மோடியின் உரை அமைந்திருந்தது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

பொதுத் தேர்தலுக்குப் பின்பு அமையவுள்ள புதிய அரசாங்கத்தில் அமைச்சுப் பதவிகள் எதனையும் பெறும் எண்ணம் தமிழ்த் தேசியக் கூட்டமைப்புக்கு இல்லை என்று கூட்டமைப்பின் தலைவர் இரா.சம்பந்தன் தெரிவித்துள்ளார். 

“தமிழ்த் தேசியக் கூட்டமைப்பு என்பது தமிழரின் அரசியல் ஒற்றுமையை பிரதிபலிக்கும் ஓர் அமைப்பு என்பதில் மாற்றுக் கருத்துக்கு இடமில்லை என்றே நான் கருதுகிறேன். அந்த ஒற்றுமை என்பது தமிழ்த் தேசியக் கூட்டமைப்புக்குள்ளும் இருக்கவேண்டுமென்று வாஞ்சிக்கிறேன்.” என்று தமிழ்த் தேசியக் கூட்டமைப்பின் யாழ். தேர்தல் மாவட்டத்தில் போட்டியிடும் வேட்பாளரான சசிகலா ரவிராஜ் தெரிவித்துள்ளார். 

தமிழ்நாட்டில் கொரோனா பரவலைக்கட்டுப்படுத்த பொது போக்குவரத்துக்களுக்கு வருகிற 31ஆம் திகதி வரை தடை விதிக்கப்பட்டுள்ளது.

இந்தியாவின் சி.பி.எஸ்.இ 12ம் வகுப்பு தேர்வு முடிவுகள் இன்று வெளியானது இதில் 88.78 சதவீதத்தினர் தேர்ச்சி அடைந்திருப்பதாக தெரிவிக்கப்படுகிறது.

இத்தாலியின் லோம்பார்டியாவில் கொரோனா வைரஸ் தொற்றுத் தவிர்ப்புக்கான நடவடிக்கையில் இதுவரை கட்டாயமாக இருந்த முககவசப் பாவனை விலக்கப்படவுள்ளது.

கொரோனா நோய்த்தொற்றுக்கு எதிரான தடுப்பூசி ரஷ்யா அடுத்த மாதம் முதல் விரைவில் நோயாளிகளுக்கு வழங்கப்படவுள்ளதாக அறிவித்திருப்பதாக தெரிகிறது.