இந்தியா

அண்மையில் இந்தியா காஷ்மீருக்கான சிறப்பு அதிகாரத்தை ரத்து செய்து ஜம்மு காஷ்மீரை 2 ஆகப் பிரித்து அதிரடி நடவடிக்கை எடுத்திருந்தது. இதற்குப் பாகிஸ்தான் தற்போது பதிலடி கொடுக்கும் விதத்தில் தீவிர எதிர்வினை ஆற்றியுள்ளது.

அதாவது இந்தியாவுடனான, தூதரக உறவு, வர்த்தக உறவு உட்பட அனைத்து வித உறவுகளையும் முறித்துக் கொள்வதாகப் பாகிஸ்தான் அறிவித்துள்ளது.

மேலும் இந்தியத் தூதர்களையும் நாட்டை விட்டு அனுப்ப முடிவு செய்துள்ளது. இரு நாட்டுக்கும் இடையேயான ஏற்றுமதி மற்றும் இறக்குமதியும் ரத்து செய்யப் பட்டு வாகா எல்லை மூடப்படுவதாகவும் இனி பேருந்து போக்குவரத்தும் கூட இருக்காது என்றும் பாகிஸ்தான் அறிவித்துள்ளது. இதனால் உலக அரங்கில் கடும் அதிர்வலைகள் ஏற்பட்டுள்ளன.

இது தவிர இந்தியாவுடன் பாகிஸ்தான் இதற்கு முன்பு செய்து கொண்ட ஒப்பந்தங்கள் மற்றும் புரிந்துணர்வுகளும் பரீசீலிக்கப் பட்டு பின் உரிய முடிவு எடுக்கப் படும் என்றும் பாகிஸ்தான் அறிவித்துள்ளது. ஜம்மு காஷ்மீர் விவகாரத்தில் நடந்த இந்த அதிரடி மாற்றங்கள் குறித்து ஐ.நா பொதுச் சபை மற்றும் பாதுகாப்புச் சபையில் முறையிட பாகிஸ்தான் முடிவெடுத்திருப்பதும் குறிப்பிடத்தக்கது.

மேலும் இந்திய சுதந்திர தினத்தை கருப்பு தினமாக அறிவித்துள்ள பாகிஸ்தான் அதற்கு முதல் நாள் கொண்டாடப் படும் பாகிஸ்தானின் சுதந்திர தினத்தை காஷ்மீர் போராளிகளுக்கு மரியாதை செலுத்த மாத்திரம் பயன்படுத்தப் போவதாகவும் தெரிவித்துள்ளது.

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

கொரோனா நோய்த் தொற்று உலகிலிருந்து ஒழிக்கப்படும் வரை அவ்வப்போது நாட்டில் எழக்கூடிய நோய்த் தொற்று பரவும் அபாயத்தை கட்டுப்படுத்தி மக்களை பாதுகாக்கும் சவாலை வெற்றிகொள்வதாக ஜனாதிபதி கோட்டாபய ராஜபக்ஷ தெரிவித்துள்ளார். 

யாழ்ப்பாணம், நல்லூர் கந்தசுவாமி கோயில் வருடாந்தத் திருவிழாவில் 300 பக்தர்களையேனும் ஆலய வளாகத்துக்குள் அனுமதிக்க வேண்டும் என ஜனாதிபதி மைத்திரிபால சிறிசேனவிடம் கோரிக்கை விடுக்கப்பட்டுள்ளது. 

இந்தியாவின் பிரசித்திபெற்ற திருப்பதி ஏழுமலையான் கோவிலின் 15 அர்ச்சகர்களுக்கு கொரோனா நோய்த்தொற்று ஏற்பட்டிருப்பதாக தெரிவிக்கப்படுகிறது.

இந்தியா அசாமில் பருவமழை பெய்ததையடுத்து பெருவெள்ளம் ஏற்பட்டத்தில் 59பேர் வரை பலியாகி இருப்பதாக தெரிவிக்கப்படுகிறது.

அமெரிக்காவின் முக்கிய புள்ளிகளின் ட்விட்டர் கணக்குகள் ஹேக் செய்யப்பட்டுள்ளதாக தெரிவிக்கப்படுகிறது.

இந்த ஆண்டின் முதல் ஆறு மாதங்களில், கொரோனா வைரஸ் தொற்றுத் தாக்கம் இருந்தபோதும், சுவிஸின் பீரங்கித் தயாரிப்பு மற்றும் ஆயுத ஏற்றுமதியில் எதிர்மறையான தாக்கம் இல்லையென புள்ளி விபரங்கள் தெரிவிப்பதாக செய்திகள் வெளியாகியுள்ளன.