இந்தியா

கேரளாவில் இவ்வருடமும் பெய்த கனமழை மற்றும் நிலச்சரிவுகளில் சிக்கி பலியானவர்கள் எண்ணிக்கை 86 ஆகியுள்ளது. 1.65 இலட்சம் மக்கள் இடம்பெயர்ந்துள்ளனர்.

மாநிலம் முழுவதும் 988 நிவாரண முகாம்கள் அமைக்கப் பட்டு இவர்கள் அனைவரும் தங்க வைக்க ஏற்பாடு செய்யப் பட்டுள்ள போதும் பொது மக்கள் கடும் அவதியைச் சந்தித்துள்ளனர்.

கேரளாவில் கனமழை இன்னும் தொடரும் என 9 மாவட்டங்களுக்கு அதிக பட்ச சிவப்பு எச்சரிக்கை விடுவிக்கப் பட்டுள்ளது. வெள்ள மற்றும் நிலச்சரிவு அனர்த்தம் காரணமாக மூடப் பட்ட கொச்சி விமான நிலையம் நாளை திங்கட்கிழமை திறக்கப் படும் என அறிவிக்கப் பட்டுள்ளது. மீட்புப் பணியில் தேசியப் பேரிடர் மீட்புப் படையினரும் இராணுவமும் ஈடுபடுத்தப் பட்டுள்ளது.

இம்முறை தென்மேற்குப் பருவக் காற்று வலுவாக இருப்பதால் தமிழகத்தில் நீலகிரி, கோயம்புத்தூர், தேனி ஆகிய மாவட்டங்களைச் சேர்ந்த மலைப் பகுதிகளில் மிகவும் பலத்த மழை பெய்யும் என சென்னை வானிலை மையம் எச்சரித்துள்ளது. இது குறித்து சென்னை வானிலை மைய இயக்குனர் புவியரசன் சனிக்கிழமை தகவல் அளித்தார்.

இதில், மேற்குத் தொடர்ச்சி மலையை ஒட்டிய மாவட்டங்களான நீலகிரி, கோயம்புத்தூர், தேனி, திருநெவ்வேலி, கன்னியாகுமரி ஆகிய மாவட்டங்களின் ஒரு சில இடங்களில் பலத்த மழை பெய்யும் என்றும் உள் மாவட்டங்களின் ஓரிரு இடங்களில் இலேசான மழை பெய்யும் என்றும் கூறப்பட்டுள்ளது. மேலும் சென்னையைப் பொறுத்தவரை வானம் மேக மூட்டத்துடன் காணப் பட்டாலும் ஓரிரு இடங்களில் மாத்திரம் இலேசான மழை பெய்யும் என்றும் தெரிவிக்கப் பட்டுள்ளது.

இதேவேளை தமிழகம், புதுச்சேரியில் தென் தமிழக கடலோரப் பகுதிகளில் தென்மேற்குத் திசையில் இருந்து பலத்த காற்று வீசுவதால் கடல் கொந்தளிப்பாக காணப்படும் என்றும் இதனால் இன்னும் 2 நாட்களுக்கு மீனவர்கள் கடலுக்குச் செல்ல வேண்டாம் எனவும் அறிவுறுத்தப் பட்டுள்ளது.

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

கொரோனா நோய்த் தொற்று உலகிலிருந்து ஒழிக்கப்படும் வரை அவ்வப்போது நாட்டில் எழக்கூடிய நோய்த் தொற்று பரவும் அபாயத்தை கட்டுப்படுத்தி மக்களை பாதுகாக்கும் சவாலை வெற்றிகொள்வதாக ஜனாதிபதி கோட்டாபய ராஜபக்ஷ தெரிவித்துள்ளார். 

யாழ்ப்பாணம், நல்லூர் கந்தசுவாமி கோயில் வருடாந்தத் திருவிழாவில் 300 பக்தர்களையேனும் ஆலய வளாகத்துக்குள் அனுமதிக்க வேண்டும் என ஜனாதிபதி மைத்திரிபால சிறிசேனவிடம் கோரிக்கை விடுக்கப்பட்டுள்ளது. 

இந்தியாவின் பிரசித்திபெற்ற திருப்பதி ஏழுமலையான் கோவிலின் 15 அர்ச்சகர்களுக்கு கொரோனா நோய்த்தொற்று ஏற்பட்டிருப்பதாக தெரிவிக்கப்படுகிறது.

இந்தியா அசாமில் பருவமழை பெய்ததையடுத்து பெருவெள்ளம் ஏற்பட்டத்தில் 59பேர் வரை பலியாகி இருப்பதாக தெரிவிக்கப்படுகிறது.

அமெரிக்காவின் முக்கிய புள்ளிகளின் ட்விட்டர் கணக்குகள் ஹேக் செய்யப்பட்டுள்ளதாக தெரிவிக்கப்படுகிறது.

இந்த ஆண்டின் முதல் ஆறு மாதங்களில், கொரோனா வைரஸ் தொற்றுத் தாக்கம் இருந்தபோதும், சுவிஸின் பீரங்கித் தயாரிப்பு மற்றும் ஆயுத ஏற்றுமதியில் எதிர்மறையான தாக்கம் இல்லையென புள்ளி விபரங்கள் தெரிவிப்பதாக செய்திகள் வெளியாகியுள்ளன.