இந்தியா

சென்னையில் வீதியோர பேனர் விழுந்ததில் இளம்பெண் மரணமானதைத் தொடர்ந்து எழுந்த பொது மக்கள் விசனத்தை தவிர்க்கும் பொருட்டு அரசியற் தலைவர்கள் பலரும் , தங்கள் கட்சி சார்பாக கட் அவுட்கள் வைப்பதை தவிர்க்க வேண்டுமென அறிவித்துள்ளார்கள்.

தமிழக முதல்வர், துணைமுதல்வர், கையொப்பமிட்டு, அதிமுக உறுப்பினர்களுக்கு விடுத்துள்ள அறிக்கையில், எந்தச் சூழ்நிலையிலும், எந்தக் காரணத்திற்காகவும், பொதுமக்களுக்கு இடையூறு ஏற்படுத்தும் வகையில், கட் அவுட்டுகள் வைப்பதைத் தவிர்க்க வேண்டுமென கழக உடன்பிறப்பினர்களுக்கு வலியுறுத்தியுள்ளார்கள்.

திமுக தலைவர் ஸ்டாலினும், திமுக கட்சி சார்ந்து கட் அவுட்கள் வைப்பதை நிறுத்த வேண்டுமெனக் கோரியுள்ளார். அதுபோலவே பாட்டாளி மக்கள் கட்சி சார்பிலும் நிறுவனர் மருத்துவர் ராமதாஸ் தமது கட்சி உறுப்பினர்கள் கட் ஆவட் வைப்பதைத் தவிர்க்க வலியுறுத்தியுள்ளார்.

இது விடயத்தில் காவல்துறையும், மாவட்ட அலுவலகர்களும் மெத்தனமாக இருப்பதாகச் சென்னை உயர்நீதிமன்றம் கடும் கண்டனம் தெரிவித்துள்ளமை குறிப்பிடத்தக்கது. இதேவேளை இவ்விகாரம் தொடர்பில் நீதிமன்றில் பொது நலவழக்குத் தொடர்ந்து போராடி வரும் டிராபிக் ராமசாமிக்கு சமூக வலைத்தளங்களில் ஆதரவு தெரிவிக்கபட்டும் வருகிறது.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.