இந்தியா

முரசொலி அலுவலக நிலம் பஞ்சமி நிலமை அல்ல என திமுக தலைவர் ஸ்டாலின் மீண்டும் உறுதிபடக் கூறியுள்ளார்.

பாமக தலைவர் மருத்துவர் ராமதாஸ், முரசொலி அலுவலக நிலம் பஞ்சமி நிலம் எனக் குற்றஞ்சாட்டியதைத் தொடர்ந்து எழுந்த சர்ச்சை டெல்லி வரை சென்றுள்ள நிலையில், இது தொடர்பான அறிக்கை ஒன்றினை திமுக தலைவர் ஸ்டாலின் வெளியிட்டுள்ளார்.

அவர் வெளியிட்டுள்ள அறிக்கையில், “முரசொலி" என்பது வெறும் நாளேடு மட்டுமல்ல; அது தலைவர் கலைஞரின் மூத்த பிள்ளை. ஒவ்வொரு கழகத் தொண்டனின் உயிர் மூச்சு. தற்காலிக அரசியல் லாபத்திற்காக, அதன் மீது, பழி சுமத்துவதை நான் மட்டுமல்ல; கழகத்தின் எந்தத் தொண்டரும் ஏற்க மாட்டார்கள்.

முரசொலி நிலம் குறித்த அபாண்டப் பழியை, உரிய அதிகாரம் படைத்திட்ட ஆணையத்திடம், தேவையான நேரத்தில் ஆதாரங்களுடன் வழங்கி, அதன் உண்மைத் தன்மையை நிரூபிப்பேன்! என, கலைஞரின் உயிரினும் மேலான அன்பு உடன் பிறப்புகளுக்கு உறுதியளிக்கிறேன். இந்த உறுதியே, வீண் பழி சுமத்துவோர் அனைவருக்கும் இறுதியான பதிலாய் அமையுமெனக் கருதுகிறேன் எனக் குறிப்பிட்டுள்ளார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

இலங்கையில் நேற்று வெள்ளிக்கிழமை மாத்திரம் 297 பேர் கொரோனா வைரஸ் தொற்றோடு அடையாளம் காணப்பட்டுள்ளனர். 

“சிறு பிள்ளைகளின் கழுத்தில் தொங்கவிடப்பட்டிருந்த சைனைட் குப்பிகளை அகற்ற முடிந்தமையை பெரும் பாக்கியமாக கருதுகிறேன்.” என்று பிரதமர் மஹிந்த ராஜபக்ஷ தெரிவித்துள்ளார். 

இந்தியாவின் பொருளாத பாதிப்பு கொரோனா நோய்த்தொற்று நேருக்கடியால் இதுவரை இல்லாத அளவு அதிகரித்துள்ளதாக ரிசர்வு வங்கி ஆளுநர் தெரிவித்துள்ளார்.

இந்தியாவில் கொரோனா நோய்த்தொற்று அதிகரிப்பால் மராட்டிய மாநிலத்தை அடுத்து தமிழ்நாட்டில் அதிக பாதிப்பை கொண்டுள்ளது. இந்நிலையில் தமிழக கூட்டுறவுத்துறை அமைச்சர் செல்லூர் ராஜூவுக்கு கொரோனா உறுதி ஆனது.

சுமார் $23.11 பில்லியன் டாலர் பெறுமதியான Stealth aircraft எனப்படும் நவீன 105 F-35 ரக போர் விமானங்களை ஜப்பானுக்கு விற்க உடன்பட்டிருப்பதாக அமெரிக்கா வியாழக்கிழமை அறிவித்துள்ளது.

நேபாளத்தின் சமீப நாட்களாகக் கனமழை பெய்து வருகின்றது. இக்கனமழை மற்றும் அதனால் ஏற்பட்டுள்ள நிலச்சரிவில் சிக்கி 3 குழந்தைகள் அடங்கலாக 12 பேர் பலியாகி இருப்பதாகவும், மேலும் 19 பேர் காணாமல் போயிருப்பதாகவும் தகவல் வெளியாகி உள்ளது.