இந்தியா

தமிழீழ தேசத்துக்காகப் போராடி மரணித்த போராளிகளின் நினைவேந்தல் நிகழ்வுகள் இன்று நடைபெற்று வருகையில், இந்தியத் தொலைக்காட்சி ஊடகமொன்று வெளியிட்டுள்ள செவ்வியில், தாயக விடுதலைக்காக தன் குடும்பத்தையே பலிகொடுத்தார் பிரபாகரன் என, முன்னாள் போராளி ஒருவர் தெரிவித்துள்ளார்.

இன்னமும் தாயத்திலே தான் வாழ்வதால் தன்னை உருமறைப்பும், குரல் மாற்றமும் செய்து இப் பேட்டியை வெளியிடக் கோரிய அவரிடம், செவ்வி காண்பவர் பிரபாகரன் உயிரோடிருப்பது குறித்துக் கேட்ட போது, அதற்கு வாய்ப்பில்லை எனப் பதில் தருகின்றார். அவர் மட்டுமல்ல அவரோடிருந்த அனைவரும் இறுதிக் கணங்களில் கொல்லப்பட்டார்கள் என்கிறார். மேலும் பிரபாகரன் இறுதிக் கணத்தில் தன்னைத்தானே சுட்டுக் கொன்றிருக்கலாம் எனவும், இறந்ததாகக் காட்டப்பட்ட படத்தில் அவரது கீழ்தாடையில் அதற்கான அடையாளம் இருந்ததாகவும் சொல்கிறார். அது விடுதலைப் புலிகளின் நடைமுறைகளில் ஒன்றுதான் எனவும் குறிப்பிடுகின்றார்.

மேலும் பிரபாகரனது குடும்பத்தவர் அனைவரும் இப்போரில் உயிர் ஈகை செய்துள்ளார்கள் எனக் கூறும் அவர், பொட்டு அம்மானும் உயிரோடிருப்பதற்கு வாய்ப்பில்லை என்கிறார். அவர் உயிரோடிருந்தால் கடந்த பத்தாண்டுகளில் சர்வதேச புலனாய்வுத் துறை அவரைக் கண்டு பிடித்திருக்கும் எனவும் சொல்கிறார்.

நேற்றைய தினம் பிரபாகரனின் 65வது பிறந்ததினம், தமிழகத்தில் ஆங்காங் கொண்டாடப்பட்டிருந்தது. ஆயினும் அன்மையில் விடுதலைப்புலிகள் மீதான தடையினை மேலும் ஐந்து ஆண்டுகளுக்கு இந்திய அரசு நீடித்ததை உறுதிசெய்திருப்பதும், பாராளுமன்ற உரையின் போது, திமுக உறுப்பினர் ஒருவர் சோனியாகாந்திக்கு விடுதலைப்புலிகளின் அச்சுறுத்தல் இருக்கிறது எனக் கூறியமையும் குறிப்பிடத்தக்கது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

கிழக்கு மாகாணத்தில் காணப்படும் தொல்பொருள் சின்னங்களை பாதுகாக்கும் நோக்கில் அமைக்கப்பட்டுள்ள ஜனாதிபதி செயலணியில் தமிழ் மற்றும் முஸ்லிம் மக்களின் பிரதிநிதிகளை இணைத்துக் கொள்வதற்கான பிரதிநிதிகளின் சிபார்சுகளை வழங்குமாறு அமைச்சர் டக்ளஸ் தேவானந்தாவிடம் ஜனாதிபதி கோட்டாபய ராஜபக்ஷ கோரியுள்ளார். 

பொதுத் தேர்தலுக்கான பிரசார நடவடிக்கைகள் ஓகஸ்ட் மாதம் 02ஆம் திகதி நள்ளிரவு 12.00 மணியுடன் நிறைவு செய்யப்பட வேண்டுமென அறிவிக்கப்பட்டுள்ளது. 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

சுவிற்சர்லாந்தில் கொரோனா வைரஸ் தொற்று எண்ணிக்கையை மட்டுப்படுத்தும் நோக்கில், சுவிஸின் வடக்கு மாநில அரசுகள் சில, மீளவும் வைரஸ் தொற்றுக் கட்டுப்பாடுகளை நடைமுறைப்படுத்த முடிவு செய்துள்ளன.

அமெரிக்க அரசின் புதிய விசா முடக்கம் தொடர்பான உத்தரவால் அங்கு கல்வி பயிலும் வெளிநாட்டு மாணவர்கள் பெரும் பாதிப்படைந்துள்ளதுடன் இப்புதிய உத்தரவுக்கு எதிர்ப்புக்களும் எழுந்துள்ளன.