இந்தியா

மகாத்மா காந்தியை கொன்ற கோட்சேயை தேசபக்தர் என கூறிய பா.ஜ. லோக்சபா உறுப்பினர் பிரக்யா தாக்கூர், ஒரு பயங்கரவாதி என்று ராகுல் காந்தி தெரிவித்துள்ளார். 

எஸ்.பி.ஜி. எனப்படும் சிறப்பு பாதுகாப்புப் படை திருத்த மசோதா குறித்து லோக்சபாவில் நேற்று (நவ.,27) விவாதம் நடந்தது. அப்போது தி.மு.க.வை சேர்ந்த ராஜா, மகாத்மா காந்தியை கொன்றது ஏன் என நாதுராம் கோட்சே கூறியதை சுட்டிக்காட்டி பேசினார். அப்போது குறுக்கிட்ட பாஜ., எம்பி., பிரக்யா தாக்கூர், 'நாதுராம் கோட்சே, ஒரு தேசபக்தர். அவரை உதாரணமாக கூறக் கூடாது' என பேசினார். பிரக்யாவின் பேச்சு நாடாளுமன்றத்தில் சர்ச்சையை ஏற்படுத்தியுள்ளது. இதனால், பாதுகாப்பு தொடர்பான நாடாளுமன்ற ஆலோசனை குழுவில் இருந்து நீக்கப்பட்டார்.

பிரக்யாவின் பேச்சு குறித்து பேசிய காங்., முன்னாள் தலைவர் ராகுல், தனது டுவிட்டர் பக்கத்தில், பயங்கரவாதி பிரக்யா, பயங்கரவாதி கோட்சேவை ஒரு தேசபக்தர் என்று அழைக்கிறார். அது இந்திய நாடாளுமன்ற வரலாற்றில் ஒரு சோகமான நாள், இவ்வாறு அவர் பதிவிட்டுள்ளார்.

பாதுகாப்பு அமைச்சர் ராஜ்நாத்சிங் இது குறித்து கூறுகையில்; கோட்சே குறித்து பிரக்யா அவ்வாறு பேசியதாக இருந்தால் அதை பாஜ., நிச்சயம் கண்டிக்கும். காந்தி எங்களுக்கு வழிகாட்டும் விளக்காக இருந்தார், இனியும் இருப்பார், எனக்கூறினார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

கிழக்கு மாகாணத்தில் காணப்படும் தொல்பொருள் சின்னங்களை பாதுகாக்கும் நோக்கில் அமைக்கப்பட்டுள்ள ஜனாதிபதி செயலணியில் தமிழ் மற்றும் முஸ்லிம் மக்களின் பிரதிநிதிகளை இணைத்துக் கொள்வதற்கான பிரதிநிதிகளின் சிபார்சுகளை வழங்குமாறு அமைச்சர் டக்ளஸ் தேவானந்தாவிடம் ஜனாதிபதி கோட்டாபய ராஜபக்ஷ கோரியுள்ளார். 

பொதுத் தேர்தலுக்கான பிரசார நடவடிக்கைகள் ஓகஸ்ட் மாதம் 02ஆம் திகதி நள்ளிரவு 12.00 மணியுடன் நிறைவு செய்யப்பட வேண்டுமென அறிவிக்கப்பட்டுள்ளது. 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

சுவிற்சர்லாந்தின் மாநிலங்கள் சில இன்று வியாழக்கிழமை முதல் கொரோனா வைரஸ் கட்டுப்பாடுகளை மீண்டும் அறிமுகப்படுத்துகின்றன.

அமெரிக்க அரசின் புதிய விசா முடக்கம் தொடர்பான உத்தரவால் அங்கு கல்வி பயிலும் வெளிநாட்டு மாணவர்கள் பெரும் பாதிப்படைந்துள்ளதுடன் இப்புதிய உத்தரவுக்கு எதிர்ப்புக்களும் எழுந்துள்ளன.