இந்தியா

நாட்டின் பல இடங்களில் நடைபெறும் வன்முறை நிறுத்தப்பட வேண்டும் என்று உச்சநீதிமன்ற தலைமை நீதிபதி பாப்டே கருத்து தெரிவித்துள்ளார். 

டெல்லியில் போலீசே தீ வைப்பு, சூறையாடல் போன்றவற்றில் ஈடுபட்டது பற்றி வழக்கறிஞர்கள் உச்சநீதிமன்றத்தில் முறையிட்டனர். அப்போது கருத்து தெரிவித்த தலைமை நீதிபதி எஸ்.ஏ.பாப்டே, மாணவர்கள் சட்டத்தை கையில் எடுத்துக்கொண்டு வன்முறையில் ஈடுபடக்கூடாது என்று தெரிவித்தார். பொதுச்சொத்துகளுக்கு சேதம் விளைவிப்பதை அனுமதிக்க முடியாது என்று தலைமை நீதிபதி கண்டனம் தெரிவித்தார்.

சட்டம் ஒழுங்கை பாதுகாக்கவே காவல்துறை உள்ளது என்றும் முதலில் அங்கு அமைதி நிலவட்டும் என்று உச்சநீதிமன்றம் தெரிவித்துள்ளது. யார் கலவரம் செய்தனர், யார் அமைதியாக போராடினர் என்பதை நாங்கள் இப்போது சொல்ல முடியாது என்றும் வன்முயைான போராட்டங்களை அரசியல் சாசனம் அனுமதிக்கவில்லை என்றும் தலைமை நீதிபதி எஸ்.ஏ.பாப்டே தெரிவித்துள்ளார். போராட்டங்களில் காயமடைந்த மாணவர்களுக்கு உரிய சிகிச்சை அளிக்க வேண்டும் என்றும் தலைமை நீதிபதி உத்தரவிட்டுள்ளார்.

குடியுரிமை திருத்த சட்டத்துக்கு எதிரான போராட்டங்கள் குறித்த வழக்குகள் நாளை விசாரிக்கப்படும் என்று தலைமை நீதிபதி அறிவித்துள்ளார். குடியுரிமை சட்டத்துக்கு எதிராக நாடு முழுவதும் பல்வேறு பகுதிகளில் போராட்டங்கள் நடந்துவருகின்றன. இந்த நிலையில், டெல்லி ஜாமியா மிலியா இஸ்லாமியா பல்கலைக்கழக மாணவர்கள், இந்த விவகாரம் தொடர்பாக நேற்று மாலை போராட்டத்தில் ஈடுபட்டனர். அந்தப் போராட்டத்தில் வன்முறை வெடித்த நிலையில், அதைக் கட்டுப்படுத்த போலீசார் கண்ணீர்ப்புகை குண்டு வீசினர். டெல்லி போரட்டத்தின்போது, பேருந்துகள் சிலவும் தீவைத்து எரிக்கப்பட்டன.

இதையடுத்து, பல்கலைக்கழக வளாகத்துக்குள் அத்துமீறி நுழைந்த போலீசார், மாணவர்கள்மீது தாக்குதல் நடத்தினர். பல்கலைக்கழக நிர்வாகிகளின் அனுமதியின்றி வளாகத்துக்குள் நுழைந்த போலீசார், நூலகம், விடுதிகள் மற்றும் பல்கலைக்கழக வளாகத்தில் இருந்த மசூதி ஆகியவற்றில் இருந்த மாணவர்கள்மீது தாக்குதல் நடத்தினர். டெல்லியில் போலீசே தீ வைப்பு, சூறையாடல் போன்றவற்றில் ஈடுபட்டது பற்றி வழக்கறிஞர்கள் உச்சநீதிமன்றத்தில் முறையிட்டனர். போராட்டங்களை நிறுத்தி அமைதி காத்தால் மனுக்களை விசாரிக்கிறோம் என்று உச்சநீதிமன்ற தலைமை நீதிபதி எஸ்.ஏ.பாப்டே தெரிவித்துள்ளார்.

தியாகி திலீபனின் நினைவேந்தல் நிகழ்வுகளுக்கு தடைவிதிக்கப்பட்ட நிலையில், செல்வச் சந்நிதி முருகன் ஆலய முன்றலில் நாளை சனிக்கிழமை முன்னெடுக்கப்படவிருந்த உண்ணாவிரதப் போராட்டத்துக்கு பருத்தித்துறை நீதவான் நீதிமன்றம் தடை விதித்துள்ளது. 

“நினைவேந்தல் உரிமையை வலியுறுத்தியும் ராஜபக்ஷ அரசாங்கத்தின் சர்வாதிகார நடவடிக்கைக்கு எதிராகவும் நாளை சனிக்கிழமையும், எதிர்வரும் திங்கட்கிழமையும் நடைபெறவுள்ள அறவழிப் போராட்டங்களில் தமிழ்பேசும் சமூகத்தினர் அனைவரும் கட்சி பேதமின்றி ஓரணியில் திரண்டு முழுமையான பங்களிப்பை வழங்கவேண்டும்” என்று தமிழ்த் தேசியக் கூட்டமைப்பின் தலைவர் இரா.சம்பந்தன் வேண்டுகோள் விடுத்துள்ளார். 

இந்தியத் திரைவானில் சுமார் 40 ஆயிரம் பாடல்களைப் பாடிய சாதனைச் சொந்தக்காரர் பின்னணிப் பாடகர் எஸ்.பி.பாலசுப்ரமணியம் அமைதியுற்றார்.

7 மாநில முதல் மந்திரிகளுடனான கொரோனா ஆலோசனை கூட்டத்தில் பிரதமர் நரேந்திர மோடி நேற்று கலந்துரையாடினார்.

நாளை வெள்ளிக்கிழமை முதலான வார இறுதி நாட்களில், சுவிற்சர்லாந்தின் பல பகுதிகளில் பனிப்பொழிவு இடம்பெறலாம் என சுவிஸ் வானிலை மையம் அறிவித்துள்ளது.

சுவிற்சர்லாந்தின் புகழ்பெற்ற லொசேன் ஈ.எச்.எல் ஹாஸ்பிடாலிட்டி மேனேஜ்மென்ட் கல்விக் கூடத்தில் சுமார் 2,500 மாணவர்கள், கொரோனா வைரஸ் தொற்றுக் காரணமாகத் தனிமைப்படுத்தப்பட்டுள்ளனர் என பிராந்திய அதிகாரிகள் நேற்று புதன்கிழமை அறிவித்துள்ளனர்.