இந்தியா

எதிர்வரும் டில்லி சட்டசபை தேர்தலில் ஆம் ஆத்மி கட்சி யாருடனும் கூட்டணி அமைக்காது என்று அந்தக் கட்சியின் தலைவரும் டில்லியின் முதல்வருமான அரவிந்த் கெஜ்ரிவால் தெரிவித்துள்ளார். 

டில்லி சட்டசபைக்கு பிப்.8ஆம் தேதி தேர்தல் நடக்கிறது. ஓட்டு எண்ணிக்கை பிப்.11இல் நடைபெறும் என தலைமை தேர்தல் ஆணையம் தெரிவித்தது. இதையடுத்து தேசிய கட்சிகள் சுறுசுறு காட்டி வருகின்றன.

தேர்தலில் ஆம் ஆத்மி கட்சி கூட்டணி வைத்துபோட்டியிட போவதாக செய்திகள் வந்தன. இது குறித்து முதல்வர் அரவிந்த் கெஜ்ரிவால் அளித்த பேட்டி, “வரப்போகும் தேர்தலில் எந்த கட்சியுடனும் கூட்டணி கிடையாது. கூட்டணிக்காக எந்த கட்சியுடனும் பேச்சுவார்த்தை நடத்தவில்லை. தனித்து போட்டியிட்டு மீண்டும் வெற்றி பெறுவோம் என்ற நம்பிக்கை உள்ளது. கூட்டணி வைத்து தேர்தலை சந்திக்க போவதாக வந்த செய்தியில் உண்மையில்லை.“ என்றார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த நல்லாட்சிக் காலத்தில் நியமிக்கப்பட்ட சுயாதீன ஆணைக்குழுக்கள் உண்மையாகவே சுயாதீனமானவையா? இல்லையா? என்பது தொடர்பில் சிக்கல் ஒன்று உள்ளமையினால், அவை பற்றி ஆராய உயர் மட்டத்தில் சுயாதீன ஆணைக்குழு அமைக்க நடவடிக்கை மேற்கொள்ளப்படும்.” என்று பிரதமர் மஹிந்த ராஜபக்ஷ தெரிவித்துள்ளார். 

‘இலங்கை அரசியலமைப்பின் ஒற்றையாட்சியைப் பேணி பாதுகாப்போம் என வேட்புமனுவில் உறுதியுரை எடுத்துவிட்டு, ‘ஒரு நாடு இரு தேசம்’ என தமிழ்த் தேசிய மக்கள் முன்னணியினர் போலித்தேசியம் பேசி வருகின்றனர்’ என்று ஈழமக்கள் ஜனநாயகக் கட்சியின் முக்கியஸ்தரும், முன்னாள் வடக்கு மாகாண எதிர்க்கட்சித் தலைவருமான சி.தவராசா தெரிவித்துள்ளார். 

9 முதல் 12 வகுப்புகளுக்கான பாடத்திட்டங்களை 30 சதவீதம் குறைக்க மத்திய இடைநிலைக் கல்வி வாரியம் (சிபிஎஸ்இ) மனித வள மேம்பாட்டு அமைச்சகத்திடம் கேட்டுள்ளது.

இந்திய சீன எல்லைப்பகுதியான லடாக்கில் இருந்து சீன வீரர்கள் 2 கிலோமீட்டர் தூரம் பின்வாங்கிச் சென்றுள்ளதாகவும் தற்காலிக கூடாரங்கள் உற்பட கட்டுமானங்கள் அகற்றப்பட்டதாகவும் தெரிவிக்கப்படுகிறது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.