இந்தியா

செவ்வாய்க்கிழமை போகிப் பண்டிகையை முன்னிட்டு பழைய பொருட்களை வீதியில் குவித்து வைத்து பொருட்கள் எதிர்த்ததால் சென்னையில், டெல்லிக்கு இணையாக காற்று மாசு மிகவும் அதிகரித்துள்ளது.

இதனால் வாகன ஓட்டிகளும், பொது மக்களும் பெரும் சிரமத்துக்கு உள்ளாகியுள்ளார்கள். சென்னையில் பழைய பாய்கள், துணிகள் மாத்திரமன்றி வாகனங்களின் டயர்களையும் சிலர் எரித்தது கவலைக்குரிய அம்சமாகப் பார்க்கப் படுகின்றது.

இதன் காரணமாக மார்கழிப் பனிக்கு இணையாக சென்னையில் புகை மூட்டமாகக் காணப்படுகின்றது. இக்காற்று மாசின் அளவு அதிகபட்சமாக சென்னை மணலியில் 795 குறியீடாகவும், அண்ணாசாலையில் 272 குறியீடாகவும், வேளச்சேரியில் 100 ஆகவும் பதிவாகியுள்ளது. சுவாசத்துக்கு உகந்த காற்று மாசின் அளவு 50 இல் இருந்து 100 இற்குள் தான் என்பதால் சென்னையில் அதிகாலையில் ஜோகிங் சென்றவர்கள் மற்றும் பாதசாரிகள் சுவாசிக்க சிரமப்பட்டார்கள்.

இதைவிட சென்னை வேலூர் தேசிய நெடுஞ்சாலையில் புகை மூட்டம் காரணமாக 10 வாகனங்கள் ஒன்றுடன் ஒன்று மோதி விபத்துக்குள்ளாகியுள்ளன. கொச்சி செல்லும் ஒரு விமானப் பயணம் ரத்தானதுடன், விமான நிலையத்தைச் சுற்றிப் பழைய பொருட்களை எரிக்க வேண்டாம் என அதிகாரிகள் வலியுறுத்தியும் உள்ளனர்.

முன்னதாக டெல்லியில் காற்று மாசு அபாய கட்டத்தைத் தாண்டிய சமயத்தில் ஆக்ஸிஜனை பொது மக்கள் சிலர் விலை கொடுத்து வாங்கியது நினைவில் இருக்கலாம்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“இந்திய – இலங்கை ஒப்பந்தத்தின் பிரகாரம் இலங்கை அரசியலமைப்பில் கொண்டு வரப்பட்ட 13வது திருத்தச் சட்டத்தை இல்லாமல் செய்வதற்கு இந்தியா அனுமதிக்காது.” என்று புளொட் அமைப்பின் தலைவர் தர்மலிங்கம் சித்தார்த்தன் தெரிவித்துள்ளார். 

“மதகுருமாரையும், அடிப்படைவாதிகளையும், தீவிரவாதிகளையும் இணைத்துக் கொண்டு அரசியலமைப்பினைத் தயாரித்த நாடுகளுக்கு நேர்ந்த கதியை நாம் மறந்து செயற்படக் கூடாது.” என்று முன்னாள் நிதியமைச்சர் மங்கள சமரவீர எச்சரிக்கை விடுத்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா வைரஸ் தொற்று நோய்களின் அதிக ஆபத்து இருப்பதாக அறிவிக்கப்பட்ட 13 நாடுகளுக்கு இத்தாலி தனது எல்லைகளை மூடுவதாக அறிவித்துள்ளது.

கொரோனா வைரசின் கடும் பாதிப்புக்குள்ளான நாடுகளில் ஒன்றான இத்தாலியில், தலையொட்டிப்பிறந்த இரட்டையர்களை அறுவை சிகிச்சை மூலம் வெற்றிகரமாகப் பிரித்து, மருத்துவ உலகில் மகத்தான சாதனை புரிந்துள்ளார்கள் இத்தாலிய மருத்துவர்கள்.