இந்தியா
Typography

கடந்த இரண்டு வருடங்களில் ஜி.எஸ்.டி. வரிசெலுத்துவோர் எண்ணிக்கை 16 இலட்சம் உயர்ந்துள்ளதாகவும், எதிர்வரும் இரண்டு வருடங்களுக்குள் விவசாயிகளின் வருமானத்தை இரட்டிப்பாக்க திட்டமிடப்பட்டுள்ளதாகவும் நிதியமைச்சர் நிர்மலா சீதாராமன் தெரிவித்துள்ளார். 

2020-21ஆம் ஆண்டிற்கான நிதிநிலை (பட்ஜட்) அறிக்கையை மக்களவையில் சமர்ப்பித்து உரையாற்றும் போதே நிர்மலா சீதாராமன் மேற்கண்டவாறு குறிப்பிட்டுள்ளார்.

அவரது உரையின் முக்கிய அம்சங்கள் வருமாறு,

* 2006-2016க்கு இடைப்பட்ட காலத்தில் இந்தியாவில் சுமார் 27.1 கோடி பேர் வறுமையில் இருந்து உயர்த்தப்பட்டுள்ளனர்.
* ஆரோக்கியமான வர்த்தகத்தை குறி வைத்து அரசு செயல்படுகிறது.
* ஜிஎஸ்டி வரி விதிப்பு நாட்டின் வரலாற்று சிறப்புமிக்க பொருளாதார சீர்திருத்த நடவடிக்கையாகும்.
* ஜிஎஸ்டி போக்குவரத்து மற்றும் லாஜிஸ்டிக் துறையில் செயல்திறனை அதிகரித்து உள்ளது. சிறு மற்றும் நடுத்தர நிறுவனங்களுக்கு (எம்எஸ்எம்இ) பயனளித்துள்ளது. ஜிஎஸ்டியால் நுகர்வோருக்கு ஆண்டுக்கு 1 லட்சம் கோடி ரூபாய் நன்மை கிடைத்துள்ளது.
* மோடி ஆட்சியில் ஏழை எளிய மக்களுக்கான பயன்கள் நேரடியாக செல்கிறது
* தற்போது 40 கோடி பேர் வருமான வரி கணக்கை தாக்கல் செய்துள்ளனர். ஜிஎஸ்டியால் நுகர்வோருக்கு ஆண்டுக்கு ரூ1 லட்சம் கோடி நன்மை கிடைத்துள்ளது.
* ஜிஎஸ்டியால் சிறு குறு நடுத்தர தொழில்துறை பலனடைந்துள்ளது.
* பொருளாதார ரீதியாக நாட்டை ஜி.எஸ்.டி. வரிவிதிப்பு முறை ஒருங்கிணைத்துள்ளது. ஜி.எஸ்.டி. வரிவிதிப்பு முறையை கட்டமைத்தவர் மறைந்த நிதி அமைச்சர் அருண் ஜேட்லி.
* ஜி.எஸ்.டி. அமலுக்குப் பின்னர் குடும்ப செலவினங்கள் 4 சதவீதம் குறைந்துள்ளது. 2 ஆண்டுகளில் ஜி.எஸ்.டி. வரிசெலுத்துவோர் எண்ணிக்கை 16 லட்சம் உயர்ந்துள்ளது.
* எனது பட்ஜெட் 2020 மூன்று கருப்பொருள்களைச் சுற்றி பிணைக்கப்பட்டுள்ளது. வாழ்க்கைத் தரத்தை உயர்த்துவதற்கான இந்தியா; அனைவருக்கும் பொருளாதார வளர்ச்சி; மனிதாபிமான மற்றும் இரக்கமுள்ள சமூகத்தை உருவாக்குதல் ஆகும்.
* 2022 ஆண்டுக்குள் விவசாயிகள் வருமானம் இரட்டிப்பாகும். 2025-ஆம் ஆண்டுக்குள் பால் உற்பத்தியை இரண்டு மடங்காக இலக்கு நிர்ணயிக்கப்பட்டுள்ளது-
* பால், பழங்கள், காய்கறிகளைக் கொண்டு செல்ல தனி ரயில்கள் இயக்கப்படும்.
* ரெயில்வே சார்பில் விவசாயிகளுக்கான இரயில் சேவை உருவாக்கப்படும்; விமான போக்குவரத்து அமைச்சகம் சார்பிலும் விவசாயிகளுக்கான விமான சேவை தொடங்க சாத்தியக்கூறுகள் ஆராயப்படும்
* விரைவில் அழுகக்கூடிய காய்கறி பழங்கள் நுகர்வோரை விரைவில் சென்றடைய கிருஷி உதான் என்ற புதிய திட்டத்தின் மூலம் தேசிய மற்றும் சர்வதேச விமான போக்குவரத்து மூலம் விவசாய பொருட்களை எடுத்துச் செல்ல வசதி ஏற்படுத்தப்படும்.

BLOG COMMENTS POWERED BY DISQUS

கோவிட்- 19 கோரோனா வைரஸ், இத்தாலியில் நடந்தது என்ன ?  திரும்பத் திரும்பச் சொல்வோம் அவர்கள் விட்ட தவறினைச் செய்யாதிருப்போம் ! 

கொரோனா வைரஸ் ப்ரேக்கிங் நியூஸ் - சங்கவி மயூரன் !

பகிர்வதற்கு

 

 

அழுத்துங்க..பாருங்க!

 

மின்னஞ்சலில் பதிவுகள்

மின்னஞ்சலில் பதிவுகள்