இந்தியா

இந்திய குடியுரிமை திருத்த சட்டம் தொடர்பாக டெல்லியில் பெப்ரவரி மாதம் 23, 24, 25 ந் திகதிகளில் நடைபெற்ற கலவரங்களின் போதான சேத விபரங்கள் குறித்த முதலாவது இடைக்கால அறிக்கை வெளியிடப்பட்டுள்ளது.

பாதிக்கப்பட்ட பகுதிகளில் நடைபெற்ற குழுரீதியான ஆய்வுகளின் அடிப்படையில், இந்த இடைக்கால சேத விபர அறிக்கை முதல் தகவலாக வெளியிடப்பட்டுள்ளது. இது தொடர்பில் இன்னும் முழுமையான மதிப்பீடுகள் முடிவடையவில்லை எனவும், பெரும்பாலும் இந்த வார இறுதிக்குள் சேத மதிப்பீடு முழுவதும் பதிவாகிவிடும் எனகவும் தெரிவிக்கப்படுகிறது.

கலவரங்களில் கொல்லப்பட்டோர் 46, காயம் அடைந்தோர் 300 க்கும் அதிகம். இவர்களுக்கான இழப்பீடு வழங்கப்படும் என டெல்லி முதல்-மந்திரி கெஜ்ரிவால் அறிவித்துள்ளார். கலவரம் நடைபெற்ற டெல்லி வடகிழக்கு பகுதியில் 122 வீடுகள் முழுமையாக எரிந்துள்ளன. 322 கடைகள் தீ வைத்தும், அடித்து நொறுக்கப்பட்டும் சேதப்படுத்தப்பட்டுள்ளன.

நான்கு சக்கர மற்றும் இரு சக்கர வாகனங்களென மொத்தம் 301 வாகனங்கள் கலவரக்காரர்களால் எரிக்கப்பட்டுள்ளன. இந்த எண்ணிக்கை, விபரங்களின் முழுமையான தொகுப்பு வெளியிடப்படுகையில் மேலும் உயர வாய்ப்புள்ளது எனவும் தெரிவிக்கப்படுகிறது.

இக் கலவரம் தொடர்பாக 369 வழக்குகள் பதிவு செய்யப்பட்டு விசாரணைகள் நடந்து வருவதாகவும், 1,300 பேர் கைது செய்யப்பட்டுள்ளதுடன் மேலும் பலர் தேடப்பட்டு வருவதாகவும் அறிய வருகிறது.

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

வலிந்து காணாமல் ஆக்கப்பட்டவர்களின் உறவுகளை சந்திப்பதாக இலங்கை ஜனாதிபதி கோட்டபாய ராஜபக்ஷ தெரிவித்த கருத்திற்கு தாம் ஆதரவளிப்பதாக திருகோணமலை மாவட்ட காணாமல் ஆக்கப்பட்ட உறவுகள் சங்கத்தின் தலைவி நாகேந்திரன் ஆஷா தெரிவித்துள்ளார். 

உயிர்த்த ஞாயிறு தினத் தாக்குதல்களை தடுக்கத் தவறியமை தொடர்பில் முன்னாள் ஜனாதிபதி மைத்திரிபால சிறிசேனவுக்கு எதிராக சட்ட நடவடிக்கை எடுப்பதா, இல்லையா? என்பதை உயர்நீதிமன்றமே தீர்மானிக்கும் என்று நீதி அமைச்சர் அலி சப்ரி தெரிவித்துள்ளார். 

முள்ளிவாய்க்காலில் ஈழத்தமிழர்கள் கொத்துக் கொத்தாகப் படுகொலை செய்யப்பட்டுக் கொண்டிருந்த நேரத்தில் அதற்கு எதிராகத் தமிழகத்தில் பல கட்சித் தலைவர்களையும் ஒருங்கிணைத்து இலங்கை தமிழர் பாதுகாப்பு இயக்கத்தினை உருவாக்குவதற்கு அச்சாணியாகத் திகழ்ந்தவர் தோழர் தா.பாண்டியன் அவர்களிற்கு இறுதி வணக்கம் என தமிழீழ விடுதலைப் புலிகளின் அனைத்துலகத் தொடர்பகம் விடுத்திருக்கும் அஞ்சலிக் குறிப்பில் தெரிவிக்கப்பட்டிருக்கிறது.

இந்தியாவில் 60 வயதுக்கு மேற்பட்டோருக்கு கொரோனா தடுப்பூசி போடும் பணி இன்று முதல் தொடங்கியுள்ள நிலையில், இன்று பிரதமர் நரேந்திர மோடி கொரோனா தடுப்பூசி போட்டுக் கொண்டார்.

ஐரோப்பிய ஆணையத்தால் வகுக்கப்படவுள்ள புதிய திட்டத்தில் டிஜிட்டல் தடுப்பூசி பாஸ்போர்ட் அறிமுகமாகவுள்ளது.

சுவிற்சர்லாந்தில் மார்ச் 5ம் திகதி நண்பகலில் ஒரு நிமிடம் மௌனத்தைக் கடைப்பிடித்து அமைதிகொள்ள சுவிஸ் மத்திய கூட்டாட்சி அமைப்பின் தலைவர் பார்மலின் அழைப்பு விடுத்துள்ளார்.