இந்தியா

தமிழகத்தில் உள்ள பள்ளிகள் காலதாமதமாக திறப்பதால் பாடங்களை குறைக்கத் திட்டமிட்டு உள்ளதாக தெரிவிக்கப்படுகிறது.

வருகின்ற ஜூன் மாதத்தில் திறக்கவிருந்த பள்ளிகள் கொரோனா பாதிப்பின் தீவிரத்தால் ஆகஸ்ட் மாதத்துக்கு ஒத்திவைக்க தமிழகத்தின் பள்ளிக்கல்வித்துறை திட்டமிட்டு இருப்பதாக கூறப்படுகிறது. ஆகையால் மாணவர்களுக்கான பாடங்களை குறைக்கப்போவதாகவும் தெரிவிக்கப்படுகிறது. 

தமிழகத்தில் தீவிரமடைந்துவரும் கொரோனா பாதிப்பால் தமிழகப்பள்ளிகளை அடுத்தமாதம் திறப்பது என்பது சாத்தியமற்றது. அதோடு மாணவர்களை நெருக்கமாக அமரவைத்து பாடங்களை எடுப்பதும் சிரமம் என்பதால் காலைவேளை 1 முதல் 5ஆம் வகுப்பு மாணவர்களுக்கும், பிற்பகல் வேளையில் 6 முதல் 12ஆம் வகுப்பு மாணவர்களுக்கும் என பிரித்து வகுப்புக்கள் ஆரம்பிக்க பள்ளிக்கல்வித்துறை பரிசீலித்து வருகிறது.

வரும் கல்வியாண்டில் இந்த காலதாமதத்தின் காரணமாக வழக்கமாக பாடங்களை நடத்தி முடித்து உரிய காலத்தில் தேர்வுகள் நடாத்துவது சவாலானதாக அமையும்.

இது இவ்வாறு இருக்க 1 முதல் 8ம் வகுப்பு வரை நடைமுறையில் உள்ள முப்பருவ பாட முறையில் மாற்றங்கள் ஏற்படலாம் என்பதால் முதலாம் பருவ பாடத்தை கைவிடுவது என்றும் பொதுத்தேர்வு எழுதும் 10 மற்றும் 12 ஆம் வகுப்பு மாணவர்களுக்கான பாடங்களின் எண்ணிக்கை சுமையை கூட்டும் என்பதால் அப்பாடத்திட்டங்களும் குறைக்கப்படலாம் என்றும் பள்ளிக்கல்வித்துறை வட்டாரங்கள் தெரிவிக்கின்றன.

பொதுத் தேர்வுகள் நெருங்கிவரும் நிலையில் மாணவர்களை குறுகிய காலப்பகுதிக்குள் தயார்படுத்த வேண்டிய சூழலும் உருவாகியிருப்பது இந்த பாடத்திட்டங்கள் குறைப்பு காரணமாகிறது.

தற்போது காலதாமதமாகும் பள்ளிகள் திறப்பு உள்ளிட்ட நடவடிக்கைகள் கொரோனா பாதிப்பை கருத்தில் கொண்டு எடுக்கப்படலாம் என பள்ளிக்கல்வித்துறை வட்டாரங்கள் தெரிவிக்கின்றன.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த ஜனாதிபதித் தேர்தலில் தெற்கு மக்களின் வாக்குகளினால் வெற்றி பெற்றுள்ள போதிலும், வடக்கு –கிழக்கு மக்களை நாங்கள் கைவிட மாட்டோம்.” என்று பிரதமர் மஹிந்த ராஜபக்ஷ தெரிவித்துள்ளார். 

“வடக்கு –கிழக்கிலுள்ள தமிழ் மக்கள் அனைவரும் ஓரணியாக நிற்க வேண்டும். அதன்மூலமே பலமான சக்தியாக பாராளுமன்றத்துக்குள் எம்மால் இருக்க முடியும்.” என்று தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார். 

இந்தியாவின் வேகமெடுத்திருக்கும் கொரோனா நோய்த்தொற்றால் கடந்த 24 மணி நேரத்தில் 22,772பேர் பாதிப்படைந்திருப்பதாக தெரிவிக்கப்படுகிறது.

சீனாவிலிருந்து மின் சாதனங்களை இறக்குமதி செய்ய இந்தியா தடை விதித்துள்ளது.

பாகிஸ்தானில் ரயில் ஒன்றின் மீது வேன் மோதியதில் சீக்கிய யாத்ரீகர்கள் பலியாகியுள்ளனர்.

ரஷ்ய அதிபர் விளாதிமிர் புதினின் 2 ஆவது ஆட்சிக் காலத்தின் பதவிக் காலம் 2024 ஆமாண்டுடன் நிறைவுறுகின்றது.