இந்தியா

இந்தியாவில் கொரோனா வைரஸ் லாக்டவுன் தாக்கத்துடன் ஏற்கனவே போராடிக்கொண்டு இருக்கும் விவசாயிகளின் நிலங்களை பெரும் அளவிலான வெட்டுக்கிளிகள் அழித்துவருகின்றன.

இந்தியாவின் வடமேற்கு மாநிலங்களில் வெட்டுக்கிளி படையெடுப்பின் தாக்கத்தால் ராஜஸ்தான் மாநிலத்தில் 6,70,000 ஹெக்டர் பரப்பளவிலான பயிர்கள் சேதமடைந்து. 1,000 கோடி ரூபாய் அளவுக்கு இழப்பும் ஏற்பட்டது. கடந்த ஆண்டு மே மாதம் முதல் பிப்ரவரிவரை தொடர்ந்த வெட்டுக்கிளிகள் படையெடுப்பு பஞ்சாப், ஹரியானா மற்றும் மத்தியபிரதேசம் உள்ளிட்ட மாநிலங்களுக்குள் தொடர்ந்து படையெடுத்துவருகின்றன.

பாலைவனப் பகுதியை ஒட்டியுள்ள நாடுகளான ஈரான், ஆஃப்கானிஸ்தான் பகுதிகளில் உருவாகும் இந்த பூச்சிகள் படையாக உருவாகி பயிர்களைச் சேதப்படுத்தும். 6 முதல் எட்டு வாரங்கள் வரை உயிர்வாழக்கூடிய இப்பூச்சிகள் அறுவடைக்குத் தயாராக உள்ள வேளாண் பரப்புக்களை காற்றின் மூலம் அறிந்து அந்தத் திசையில் இவை படையெடுக்கும்.

தற்போது பாகிஸ்தான் வழியாக இந்தியாவிற்குள் பெருகி வருவதால் விவசாய நிலங்கள் பெருமளவு பாதிக்கப்பட்டுள்ளது. இதனால் விவசாயிகள் பெரும் கவலை அடைந்துள்ளனர். இந்நிலை தொடருமனால் உணவுப் பொருட்களின் தட்டுப்பாடு நிலை ஏற்படலாம் என ஆய்வாளர்கள் எச்சரிக்கின்றனர்.

எனினும் பயிர்களை வெட்டுக்கிளிகளிடமிருந்து காப்பதற்காக மகாராஷ்டிரா அரசு வேதியில் திரவத்தை தெளிக்கும் செயற்பாடுகளை முன்னெடுத்துள்ளதாக தெரிவிக்கப்படுகிறது. மேலும் வெட்டுக்கிளிகளின் தாக்குதலை சமாளிக்க உத்திரபிரதேசத்தின் மதுரா பகுதிகள் தயாராகிவருகிறது.

வெட்டுக்கிளி படையெடுப்பின் அடுத்தகட்டமாக டெல்லிக்கு எச்சரிக்கை விடுக்கப்பட்டிருக்கும் நிலையில் வழக்கமாக வடமாநிலங்களுடன் இந்த படையெடுப்பு நின்று விடும் என்றும் அதனைத்தாட்டி தமிழகம் வரை வந்ததில்லை என்றும் தமிழக வேளாண்துறை தெரிவித்துள்ளது.

எனினும் அவ்வாறு தாக்குதல் நடைபெறுமெனில் மேற்கொள்ள வேண்டிய வழிமுறைகள் என்ன என்பதையும் வேளாண் துறை வெளியிட்டுள்ளது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த ஜனாதிபதித் தேர்தலில் தெற்கு மக்களின் வாக்குகளினால் வெற்றி பெற்றுள்ள போதிலும், வடக்கு –கிழக்கு மக்களை நாங்கள் கைவிட மாட்டோம்.” என்று பிரதமர் மஹிந்த ராஜபக்ஷ தெரிவித்துள்ளார். 

“வடக்கு –கிழக்கிலுள்ள தமிழ் மக்கள் அனைவரும் ஓரணியாக நிற்க வேண்டும். அதன்மூலமே பலமான சக்தியாக பாராளுமன்றத்துக்குள் எம்மால் இருக்க முடியும்.” என்று தமிழ்த் தேசியக் கூட்டமைப்பின் பேச்சாளர் எம்.ஏ.சுமந்திரன் தெரிவித்துள்ளார். 

இந்தியாவின் வேகமெடுத்திருக்கும் கொரோனா நோய்த்தொற்றால் கடந்த 24 மணி நேரத்தில் 22,772பேர் பாதிப்படைந்திருப்பதாக தெரிவிக்கப்படுகிறது.

சீனாவிலிருந்து மின் சாதனங்களை இறக்குமதி செய்ய இந்தியா தடை விதித்துள்ளது.

பாகிஸ்தானில் ரயில் ஒன்றின் மீது வேன் மோதியதில் சீக்கிய யாத்ரீகர்கள் பலியாகியுள்ளனர்.

ரஷ்ய அதிபர் விளாதிமிர் புதினின் 2 ஆவது ஆட்சிக் காலத்தின் பதவிக் காலம் 2024 ஆமாண்டுடன் நிறைவுறுகின்றது.