இந்தியா

இந்தியாவுக்கும் சீனாவுக்கும் லடாக்கில் ஏற்பட்ட மோதல்களைத் தொடர்ந்து சீனாவிற்கு எதிரான நிலைபாட்டினை இந்தியா எடுத்து வருகிறது.

உலக நாடுகள் பலவும் சீனாவுக்கு எதிராக சாட்டையைச் சுழற்றத் தொடங்கியிருப்பதால் சீனா பெரும் பொருளாதார பின்னடைவுக்கு செல்லும் என்று உலக வர்த்தக அமைப்பு கணித்து வருகிறது. சீனாவுக்கு எதிரான இந்தியாவின் முடிவுகளில் ஒரு பகுதியாக, இந்தியாவில் மிகவும் பிரபலமான டிக் டோக், வெச்சாட் மற்றும் யு.சி. தேடுபொறி உள்ளிட்ட சீன இணைப்புகளைக் கொண்ட 59 செயலிப் பயன்பாடுகளையும் இந்திய அரசு தடை செய்துள்ளது. இந்த சீன செயலிகளின் பயன்பாடுகள், பயனர்களாகிய இந்த மக்களின் தகவல் உரிமை விதிமுறைகளை மீறுவதாகவும், பயனர்களின் ‘பிரைவசி’ எனும் தனியுரிமைப் பாதுகாப்பை கேள்விக்குள்ளாக்குவதாகவும் இன்று மாலை வெளியான இந்திய அரசின் தடை செய்யும் பத்திரிகை அறிக்கை தெரிவிக்கிறது. மேலும் இந்த செயலிகளில் ஸ்பைவேர் எனப்படும் உளவு பார்க்கும் நிரல்கள் பயன்படுத்தப்படுவதாகவும் இந்திய உளவுத்துறை நிறுவனங்கள் இவற்றை ஆய்ந்து மத்திய அரசுக்கு இந்த 59 செயலிகளின் பட்டியலை அளித்ததாக மத்திய அரசு தகவல் ஒளிப்பரப்புத் துறை வட்டாரங்கள் தெரிவித்துள்ளனர். இந்தத் தடை அமலுக்கு வந்த சில நிமிடங்களில், 1.1 மில்லியன் இந்தியப் பயனாளிகளைக் கொண்ட டிக்டோக் கணக்குகள் இந்தியாவில் முழுவதுமாக முடக்கப்பட்டன.

பிரதமரின் முன்னறிவிப்பு

இந்தத் தடை இருக்கும் என்பதை சற்று முன்னதாக ஆத்மா நிர்பர் பாரத் வானொலி உரையின் வழியாக இந்தியப் பிரதமர் மோடி தெரிவித்திருந்தார். அவர் தனது உரையில் “ சீனாவுக்கு இந்தியா ஒரு பொருத்தமான பதிலடியை அளிக்கும்” என்று கூறிய ஒரு நாள் கழித்து இந்த நடவடிக்கை எடுக்கப்பட்டுள்ளது. சீனப் பொருட்களைப் புறக்கணிக்க நாடு தழுவிய அளவில் மக்களுக்கு அழைப்பு விடுத்த அவர், “நாங்கள் உள்ளூர் பொருட்களையே வாங்குவோம், உள்ளூர் மக்களுக்காக குரல் கொடுப்போம், இது இந்தியா வலுவாக இருக்க உதவும்” என்று தெரிவித்திருந்தது குறிப்பிடத் தக்கது.

இன்று மாலை வெளியான நடுவன் அரசின் அறிக்கையில், “இந்தியாவின் இறையாண்மை மற்றும் ஒருமைப்பாடு, இந்தியாவின் பாதுகாப்பு, மாநில பாதுகாப்பு மற்றும் பொது ஒழுங்கு ஆகியவற்றிற்கு ஆபத்தை ஏற்படுத்தும் தகவல் திருட்டை தடுக்க வேண்டும் என்பதை கருத்தில் கொண்டு இந்தச் செயலிப் பயன்பாடுகள் தடை செய்யப்பட்டுள்ளன" என்று கூறப்பட்டுள்ளது.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

7 மாநில முதல் மந்திரிகளுடனான கொரோனா ஆலோசனை கூட்டத்தில் பிரதமர் நரேந்திர மோடி நேற்று கலந்துரையாடினார்.

இன்று அதிகாலை குஜராத்தில் உள்ள ஓ.என்.ஜி.சி ஆலையில் திடிரென தீ விபத்து ஏற்பட்டது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.