இந்தியா

சிபிசிஐடி போலீசார் விசாரணை கீழ் கொண்டுவரப்பட்ட சாத்தான்குளம் வியாபாரிகள் காவல்நிலையத்தில் உயிரிழந்த வழக்கு மதுரை உயிர் நீதிமன்றகிளையில் நடைபெற்றுவருகிறது.

சாத்தான்குளத்தை சேர்ந்த ஜெயராஜ், அவரது மகன் பென்னிக்ஸ் எனுன் வியாபாரிகள் போலீசாரால் கைது செய்யப்பட்டு கோவில்பட்டி சிறையில் அடைக்கப்பட்ட நிலையில் அடுத்தடுத்து உயிரிழந்தனர். இதன்தொடர்பாக சி.பி.சி.ஐ.டி. போலீசார் சம்பவத்துடன் தொடர்புடைய 6 போலீஸ் அதிகாரிகள் மீது கொலை வழக்குப்பதிவு செய்து, அவர்களை கைது செய்திருப்பதாக தெரிவிக்கப்படுகிறது.

மேலும் இவ்வழக்கில் அப்ரூவராக மாறிய தலைமை காவலர் ரேவதி என்ற பெண் அளித்த சாட்சியத்தை அடுத்து இவ் வழக்கில் பல திருப்பங்கள் நிகழ்ந்துள்ளதோடு உண்மையை வெளியிட்ட அவருக்கு உரிய பாதுகாப்பும், வேலைக்கான சம்பளமும் வழங்க வேண்டும் என மதுரை கிளை உத்தரவு பிறப்பித்தது.

இந்நிலையில் காவல் அதிகாரிகளின் மன அழுத்தத்தினால் இச்சம்பவம் நடைபெற்று இருக்கலாம் என கருதுவதாகவும் காவல்துறையினருக்கு மனநல ஆலோசனை வழங்கப்பட உள்ளதாகவும் காவல்துறை தரப்பில் தெரிவிக்கப்படுகிறது.

இதனிடையே மதுரைக்கிளை உயிர் நீதிமன்றத்தில் இன்று நடைபெற்ற இவ் வழக்கு தொடர்பான விரிவான உத்தரவு பின்னர் பிறப்பிக்கப்படும் என ஒத்திவைக்கப்பட்டிருப்பதாக பிந்திய செய்திகள் தெரிவிக்கின்றன.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“எதிர்வரும் பொதுத் தேர்தலில் பொதுஜன பெரமுனவினராகிய நாங்கள் 130க்கும் அதிகமான ஆசனங்களை வெற்றிகொள்வோம்.” என்று பொதுஜன பெரமுனவின் தவிசாளர் பஷில் ராஜபக்ஷ தெரிவித்துள்ளார். 

“நாட்டு மக்களின் இன்ப துன்பங்களில் பங்கெடுக்கும் அக்கறையுள்ள அரசாங்கத்தை நாம் உருவாக்குவோம்.” என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார். 

இந்தியாவில் சர்வதேச விமான சேவை ஆகஸ்ட் 31 ஆம் திகதி வரை ரத்து செய்யப்படுவதாக அறிவிக்கப்பட்டுள்ளது.

தமிழகத்தில் ஆக. 31-ம் தேதி வரை ஊரடங்கு நீட்டித்திருப்பதாகவும் அனைத்து ஞாயிற்றுக்கிழமைகளிலும் முழு ஊரடங்கு அமல் எனவும் முதல்வர் பழனிசாமி அறிவித்துள்ளார்.

சுவிற்சர்லாந்தின், வாட், வலாய்ஸ் மற்றும் ஜெனீவா மாநிலங்களை கொரோனா வைரஸ் தொற்று சிவப்பட்டியலிட்டு, பயணத்தை தடை செய்ய பெல்ஜியம் முடிவு செய்துள்ளது.

9 வருட இடைவெளியின் பின் சொந்த அமெரிக்க மண்ணில் இருந்து ஸ்பேஸ் எக்ஸ் தனியார் நிறுவனத்தின் க்ரூ டிராகன் விண்கலம் மூலம் இரு மாதங்களுக்கு முன்பு சர்வதேச விண்வெளி ஆய்வு மையமான ISS இற்குச் சென்றிருந்த அமெரிக்காவின் விண்வெளி வீரர்கள் இருவரும் தற்போது (ஞாயிறு இரவு இந்திய நேரப்படி) அந்த ஓடத்தின் மூலம் வெற்றிகரமாகப் பூமி திரும்பியுள்ளனர்.