இந்தியா

இந்திய சீன எல்லைப்பகுதியான லடாக்கில் இருந்து சீன வீரர்கள் 2 கிலோமீட்டர் தூரம் பின்வாங்கிச் சென்றுள்ளதாகவும் தற்காலிக கூடாரங்கள் உற்பட கட்டுமானங்கள் அகற்றப்பட்டதாகவும் தெரிவிக்கப்படுகிறது.

கடந்த ஜூன் 15ஆம் திகதி கிழக்கு லடாக் எல்லை; கல்வான் பள்ளத்தாக்கில் சீனப்படையினர் அத்துமீறி நுழைந்ததால் அங்கு இந்தியவீரர்களுக்கும் சீன வீரர்களுக்கு மோதல் ஏற்பட்டது. மோதலில் இந்திய வீரர்கள் 20 பேர் உயிர்த்தியாகம் செய்யதவேளை 45 சீன வீரர்களும் பலியானதாக தகவல்கள் தெரிவிக்கின்றன.

இதனையடுத்து இரு தரப்பினரும் தற்காலிக கட்டுமானங்கள், கூடாரங்கள் அமைத்து அடுத்தகட்ட நிலைக்கு தயாராகி நின்றன. இதனால் பெரும் பதற்றம் நிலவியதுடன் இரு தரப்பு இராணுவ அதிகாரிகள் பேச்சுவார்த்தை நடத்திவந்தனர். அதில் இரு தரப்பும் மோதல் போக்கை விலக்கிக்கொள்ள ஒப்புக்கொண்டன.

இந்நிலையில் முதற்கட்டமாக மோதல் உருவான இடங்களிலிருந்து மோதல் போக்கை விலக்கிக்கொள்ள தீர்மானிக்கப்பட்டது. அதன்படி சீன வீரர்கள் கல்வானில் மோதல் ஏற்பட்ட இடத்தில் இருந்து 2 கிலோமீட்டர் தூரம் பின்வாங்கிச் சென்றுள்ளதாகவும், கூடாரங்கள் உள்ளிட்ட தற்காலிக கட்டுமானங்களை இரு தரப்பினரும் அகற்றியுள்ளதாகவும் மத்திய அரசு வட்டாரங்கள் தெரிவிக்கின்றன.

இவற்றையும் பார்வையிடுங்கள்

நாடு மிக வேகமாக இராணுவ ஆட்சியை நோக்கி செல்வதாக ஐக்கிய மக்கள் சக்தியின் பாராளுமன்ற உறுப்பினர் தலதா அத்துகோரல தெரிவித்துள்ளார். 

‘வெறுமனே சத்தமிட்டுக் கொண்டிருப்பதல்ல, செயலில் செய்து காட்டுவதே எனது வழி’ என ஜனாதிபதி கோட்டாபய ராஜபக்ஷ தெரிவித்துள்ளார். 

இந்தியாவின் 72வது குடியரசு தின விழா, தலைநகர் டெல்லியில் கோலாகலமாக கொண்டாடப்பட்டது. குடியரசு தின விழாவில் முப்படைகளின் அணிவகுப்பு இடம்பெற்றது. முப்படைகளின் அணிவகுப்பு நிறைவுற்றதும், கண்கவர் கலைநிகழ்ச்சிகளும், கலாச்சார நிகழ்வுகளும் இடம்பெற்றன.

வேளாண் சட்டங்களுக்கு எதிராக முன்னேடுக்கப்பட்டு வரும் விவசாயிகளின் டெல்லி போராட்டம் இன்று பிரமாண்ட அளவில் நடத்தப்படுகிறது.

ஜனவரி 20 ஆம் திகதி அமெரிக்காவின் புதிய அதிபராகப் பதவியேற்றுக் கொள்ளும் விழாவில் கலந்து கொண்டிருந்த போது அதிபர் ஜோ பைடென் சுவிட்சர்லாந்து தயாரிப்பான சுமார் $7000 டாலர் பெறுமதியான றோலெக்ஸ் கடிகாரத்தை அணிந்திருந்தது அனைவரின் கவனத்தையும் ஈர்த்துள்ளது.

சமீபத்தில் தென் சீனக் கடற்பரப்பில் அமெரிக்காவின் விமானம் தாங்கிக் கப்பல் ரோந்து நடவடிக்கைக்காக நுழைந்ததால் பதற்றம் அதிகரித்தது.