பாகிஸ்தான் அனுப்பிய மனுவொன்றில் ராகுல் காந்தியின் பெயர் குறிப்பிடப்பட்டுள்ளமைக்கு ராகுல் காந்தி கண்டனம் தெரிவித்துள்ளதாக அறியப்படுகிறது.

ஐஎன்எக்ஸ் மீடியா முறைகேடு வழக்கில் கைதான முன்னாள் அமைச்சர் ப.சிதம்பரத்தை மேலும் நான்கு நாள் சிபிஐ காவலில் வைத்து விசாரிக்க, டெல்லி சிபிஐ சிறப்பு நீதிமன்றம் உத்தரவிட்டுள்ளது.

பிரான்ஸ் பியாரிட்ஸில் நடைபெறும் ஜி-7 மாநாட்டில் இந்தியப் பிரதமர் நரேந்திர மோடி பங்கேற்கின்றார். இதற்காகப் பிரான்ஸ் நாட்டிற்கப் பயணமாகியுள்ள பிரதமர் மோடிக்கு பெரும் வரவேற்பு அளிக்கப்பட்டுள்ளது.

சூழலியல் செயற்பாட்டாளர் பியூஸ் மானுஷ், மற்றும் சேலம் மரவநேரி பகுதி பாஜக அலுவலக நிர்வாகிகளுக்கிடையில் நடைபெற்ற வாக்குவாதம் தாக்குதலாக மாறியதில் பாதிப்புற்ற மானுஷ், சேலம் அரசு மருத்துவமனையில் அனுமதிக்கப்பட்டுள்ளார்.

இந்திய முன்னாள் மத்திய நிதியமைச்சர் அருண் ஜெட்லி சென்ற 24ந் திகதி காலமானார். டெல்லி எய்ம்ஸ் மருத்துவமனையில், மூச்சுத் திணறல் பிரச்னைக்காக அனுமதிக்கப்பட்ட அவரது உடல்நிலை மேலும் மோசமடைந்த நிலையில், சிகிச்சை பலனின்றி கடந்த 24-ம் தேதி மறைந்தார்.

தமிழக அரசினால் மாணவர்களின் கல்வித்திறன் மேம்பாட்டிற்கென புதிய தொலைக்காட்சிச் சானல் ஒன்று ஆரம்பமாகியுள்ளது. தமிழகத்திலுள்ள 53 ஆயிரம் பள்ளி மாணவர்கள் இந்தக் கல்வி தொலைக்காட்சியின் நேரடிப் பயணாளர்களாகவும், பார்வையாளர்களாகவுமிருப்பார்கள்.