இலங்கை

முல்லைத்தீவு, முள்ளிவாய்க்காலில் நடைபெறும் ‘முள்ளிவாய்க்கால் நினைவேந்தலின்’ பிரதான நிகழ்வில் பொதுச்சுடர் காலை 11.00 மணிக்கு ஏற்றப்படும் என்று வடக்கு மாகாண முதலமைச்சர் சி.வி.விக்னேஸ்வரன் தெரிவித்துள்ளார். 

முள்ளிவாய்க்கால் நினைவேந்தல் நிகழ்வு முரண்பாடின்றி, உணர்வுபூர்வமாக சகல மக்களையும் ஒன்றிணைத்து முன்னெடுக்கப்பட வேண்டும் என்பதே அனைவரினதும் எதிர்பார்ப்பும் விருப்பமும் என்றும் அவர் குறிப்பிட்டுள்ளார்.

முள்ளிவாய்க்கால் நினைவேந்தலுக்கு முதலமைச்சர் சி.வி.விக்னேஷ்வரனால் அழைப்பு விடுத்து அறிக்கையொன்று நேற்று செவ்வாய்க்கிழமை வெளியிடப்பட்டுள்ளது.

எதிர்வரும் 18ஆம் திகதி காலை 11.00 மணிக்கு பொதுச்சுடர் ஏற்றப்படும் போது, இறந்தவர்களை நினைவுகூரும் வகையில் எங்கிருந்தாலும் 2 நிமிடம் மௌன அஞ்சலி செலுத்துமாறு அவர் தனது அறிக்கையில் குறிப்பிட்டுள்ளார்.

வழிபாட்டுத் தலங்களில் ஆத்மசாந்தி பூஜைகளிலும் ஈடபட முடியும் என வடக்கு மாகாண முதலமைச்சர் கூறியுள்ளார். 18ஆம் திகதி நண்பகல் 12.00 மணி வரை வர்த்தக நிலையங்களை மூடி தமது ஒற்றுமையை வெளிப்படுத்துமாறும் வர்த்தகர்களிடம் அவர் கோரிக்கை விடுத்துள்ளார்.

பாடசாலைகள் மற்றும் வர்த்தக நிலையங்களில் இரண்டு நிமிட மௌன அஞ்சலி செலுத்த வேண்டும். தனிப்பட்ட ரீதியில் கைகளில் கறுப்புக்கொடிகளைக் கட்டி தமது துயரத்தை வெளிப்படுத்தலாம் என்றும் சி.வி.விக்னேஸ்வரன் தனது அறிக்கையில் தெரிவித்துள்ளார்.

யாழ். பல்கலைக்கழக மாணவர்கள் பல்கலைக்கழக வளாகத்திலிருந்து காலை 07.00 மணிக்கு சைக்கிள் பேரணியை ஆரம்பித்து பிரதான சுடர் ஏற்றப்படும் இடத்தினை வந்தடைவார்கள் எனவும் அந்த அறிக்கையில் தெரிவிக்கப்பட்டுள்ளது. அதற்கமைய துயர் நாளை, உணர்வுப்பூர்வமாக நினைவுகூர வேண்டும் எனவும் அவர் வலியுறுத்தியுள்ளார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“இந்திய – இலங்கை ஒப்பந்தத்தின் பிரகாரம் இலங்கை அரசியலமைப்பில் கொண்டு வரப்பட்ட 13வது திருத்தச் சட்டத்தை இல்லாமல் செய்வதற்கு இந்தியா அனுமதிக்காது.” என்று புளொட் அமைப்பின் தலைவர் தர்மலிங்கம் சித்தார்த்தன் தெரிவித்துள்ளார். 

“மதகுருமாரையும், அடிப்படைவாதிகளையும், தீவிரவாதிகளையும் இணைத்துக் கொண்டு அரசியலமைப்பினைத் தயாரித்த நாடுகளுக்கு நேர்ந்த கதியை நாம் மறந்து செயற்படக் கூடாது.” என்று முன்னாள் நிதியமைச்சர் மங்கள சமரவீர எச்சரிக்கை விடுத்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா வைரசின் கடும் பாதிப்புக்குள்ளான நாடுகளில் ஒன்றான இத்தாலியில், தலையொட்டிப்பிறந்த இரட்டையர்களை அறுவை சிகிச்சை மூலம் வெற்றிகரமாகப் பிரித்து, மருத்துவ உலகில் மகத்தான சாதனை புரிந்துள்ளார்கள் இத்தாலிய மருத்துவர்கள்.

சுவிற்சர்லாந்தின் மாநிலங்கள் சில இன்று வியாழக்கிழமை முதல் கொரோனா வைரஸ் கட்டுப்பாடுகளை மீண்டும் அறிமுகப்படுத்துகின்றன.