இலங்கை

நாடளாவிய ரீதியில் 2020ஆம் ஆண்டளவில் ஒரு இலட்சம் தொழில் முயற்சியாளர்களை உருவாக்க அரசாங்கம் திட்டமிட்டுள்ளதாக நிதி மற்றும் ஊடகத்துறை அமைச்சர் மங்கள சமரவீர தெரிவித்துள்ளார். 

என்டர்பிறைசெஸ் ஸ்ரீலங்கா வேலைத்திட்டம் பற்றி அரச வங்கிகளுக்கு விளக்கமளிக்கும் நிகழ்வு அலரி மாளிகையில் நேற்று வெள்ளிக்கிழமை இடம்பெற்றது. அங்கு உரையாற்றும் போதே அவர் மேற்கண்டவாறு குறிப்பிட்டுள்ளார்.

மங்கள சமரவீர மேலும் கூறியுள்ளதாவது, “ஒரு இலட்சம் தொழில் முயற்சியாளர்களை உருவாக்கும் இந்த திட்டத்திற்காக 16 வகையிலான உத்தேச கடன் திட்டங்கள் வடிமைக்கப்பட்டிருக்கின்றன.

நிலஹரித என்ற பசுமை பொருளாதாரம் தொனிப்பொருளில் அரசாங்கம் 2018ஆம் ஆண்டுக்கான வரவு- செலவுத் திட்டத்தை சமர்ப்பித்திருந்தது. விவசாயத்தை அடிப்படையாக கொண்ட நாடு என்பதை விட தொழில் முயற்சியாளர்களை கொண்ட நாடாக இலங்கையை கருத முடியும். சகல இலங்கையர்களுக்கும் இதன் பங்குதாரர்களாக இணைந்து கொள்வதற்கான வாய்ப்பு கிடைத்துள்ளது.

நாட்டின் மொத்த தேசிய உற்பத்தியில் ஆறு சதவீதமான தொகை கல்விக்காக ஒதுக்கப்படுவது அவசியமாகும். இந்த இலக்கை 2020ஆம் ஆண்டளவில் அடைந்து கொள்ளவும் திட்டமிடப்பட்டுள்ளது. பல்கலைக்கழங்களுக்கு சென்றவர்கள் மாத்திரமன்றி உயர்தரம் மற்றும் சாதாரண தர பரீட்சைக்கு தோற்றிய தொழில் முயற்சியாளர்களையும் இனங்காண்பது அவசியமாகும்.

இது தொடர்பான உத்தியோகபூர்வ நிகழ்வு எதிர்வரும் 21ஆம் திகதி கொழும்பு பண்டாரநாயக்க சர்வதேச மாநாட்டு மண்டபத்தில் இடம்பெறவுள்ளது. இந்த வேலைத்திட்டத்திற்காக ஐயாயிரத்து 250 மில்லியன் ரூபா ஒதுக்கப்பட்டுள்ளது.

வங்கிகளின் ஊடாக அமுல்படுத்தப்படும் 100 இற்கும் அதிகமான கடன் திட்டங்கள் நவீனமயப்படுத்தப்படவுள்ளன. என்டர்பிறைசெஸ் ஸ்ரீலங்கா வேலைத்திட்டம் என்ற பெயரில் சகல வங்கிகளிலும் விசேட கருமபீடம் ஸ்தாபிக்கப்படுவது அவசியமாகும். மக்கள் வங்கி, இலங்கை வங்கி, பிரதேச அபிவிருத்தி வங்கி என்பன இதற்காக தெரிவு செய்யப்பட்டுள்ளன.” என்றார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

முல்லைத்தீவு தேவிபுரம் பகுதியில் அமைந்துள்ள செஞ்சோலை வளாகத்தில் கடந்த 2006ஆம் ஆண்டு விமானப்படையினரின் தாக்குதலில் உயிரிழந்த 54 மாணவிகள் உள்ளிட்ட 61 பேரின் 14ஆம் ஆண்டு நினைவு தினம் இன்று வெள்ளிக்கிழமை அனுஷ்டிக்கப்பட்டது. 

தமிழ்த் தேசிய மக்கள் முன்னணியின் தேசிய அமைப்பாளர் மற்றும் ஊடகப் பேச்சாளர் பதவிகளில் இருந்து விஸ்வலிங்கம் மணிவண்ணன் நீக்கப்பட்டுள்ளார். 

காங்கிரஸ் எம்.எல்.ஏ.க்கள் கூட்டத்தில் சச்சின் பைலட் பங்கேற்றதுடன் ராஜஸ்தான் முதல் மந்திரி அசோக் கெலாட்டினையும் இன்று சந்தித்துள்ளார்.

பிரதமர் நரேந்திர மோடி; வெளிப்படையாகவும் நேர்மையாகவும் வரி செலுத்துவோரை கௌரவித்தல் எனும் புதிய திட்டத்தை இன்று காணொலி மூலம் ஆரம்பித்துவைத்தார்.

உலகின் முதல் நாடாக ரஷ்யா அறிவித்திருக்கும் தடுப்பு மருந்தை பரிசோதனைக்கு உட்படுத்திப் பார்க்க பிலிப்பைன்ஸ் நாட்டு அதிபர் ரோட்ரிகோ டியுடெர்ட் விருப்பம் தெரிவித்துள்ளார்.

சுவிற்சர்லாந்தில் COVID-19 வைரஸ் தொற்றுக்கள் மீண்டும் அதிகரித்து வருவதால், 1,000 க்கும் மேற்பட்ட மக்கள் கூடும் நிகழ்வுகளுக்கான தடையினை மேலும் ஒரு மாதத்திற்குள் நீட்டிப்பதாக, சுவிஸ் மத்திய கூட்டாட்சி அமைப்பு புதன் கிழமை அறிவித்துள்ளது.