இலங்கை
Typography

இராஜாங்க அமைச்சர் விஜயகலா மகேஸ்வரன் தமிழீழ விடுதலைப் புலிகள் குறித்து வெளியிட்ட கருத்து தொடர்பில் விசாரணை முன்னெடுக்கப்படும் என பிரதமர் ரணில் விக்ரமசிங்க மற்றும் சபாநாயகர் கரு ஜயசூரிய ஆகியோர் பாராளுமன்றத்தில் தெரிவித்துள்ளனர். 

விஜயகலாவின் கருத்து தொடர்பில் விசாரணை நடத்தப்பட வேண்டும் என்று ஆளும் கட்சி மற்றும் எதிர்க்கட்சி உறுப்பினர்கள் பாராளுமன்றத்தில் இன்று செவ்வாய்க்கிழமை வேண்டுகோள் விடுத்திருந்தனர்.

“வடக்கு கிழக்கு மாகாணங்களில் தமிழீழ விடுதலை புலிகளின் கைகள் ஓங்கினால் மட்டுமே இந்நாட்டில் தமிழ் மக்கள் நிம்மதியாகவும் சுதந்திரமாகவும் வழ முடியும். இதனால் தமிழீழ விடுதலைப் புலிகளை மீண்டும் உருவாக்க வேண்டும். இதுவே எமது பிரதான நோக்கம்.” என யாழ்ப்பாணத்தில் நேற்று திங்கட்கிழமை இடம்பெற்ற நிகழ்வொன்றில் இராஜாங்க அமைச்சர் விஜயகலா மகேஸ்வரன் உரையாற்றியிருந்தார்.

BLOG COMMENTS POWERED BY DISQUS