இலங்கை
Typography

முல்லைத்தீவு – நாயாறுப் பகுதியில் ஏற்பட்டுள்ள பதற்ற நிலையை அடுத்து, அங்கு சட்டவிரோதமாக குடியேறிய தென்னிலங்கை மீனவர்களில் ஒரு பகுதியினர் வெளியேறிச் சென்றனர். 

நாயாறு மற்றும் அதனை அண்டிய பகுதிகளில் அரசியல் செல்வாக்குடன் குடியேறி சட்டவிரோத மீன்பிடியில் ஈடுபட்டு வந்த தென்னிலங்கை மீனவர்களுக்கும், உள்ளூர் மீனவர்களுக்கும் இடையில் அண்மைக்காலமாக முறுகல் நிலை நிலவி வந்தது.

தென்னிலங்கை மீனவர்களின் சட்டவிரோத மீன்பிடி முறைக்கு எதிராக உள்ளூர் மீனவர்கள் போராட்டத்தை நடத்திய நிலையில், உள்ளூர் மீனவர்களின் எட்டு வாடிகள், படகுகள், இயந்திரங்கள், வலைகள் தென்னிலங்கை மீனவர்கள் சிலரால் தீக்கிரையாக்கப்பட்டன. இதனால் அந்தப் பகுதியில் பதற்றமான சூழல் நிலவி வருகிறது.

இந்தச் சம்பவத்துடன் தொடர்புடையவர்கள் என்ற சந்தேகத்தில், சிலாபம் பகுதியைச் மூன்று தென்னிலங்கை மீனவர்கள் கைது செய்யப்பட்டு விளக்கமறியலில் வைக்கப்பட்டுள்ளனர்.

இந்தநிலையில், நாயாறுப் பகுதியில் குடியேறிய தென்னிலங்கை மீனவர்களில் ஒரு பகுதியினர் பொலிஸாரின் பாதுகாப்புடன் நேற்று மாலை தமது படகுகள், உடைமைகளை வாகனங்களில் ஏற்றிக் கொண்டு வெளியேறினர்.

BLOG COMMENTS POWERED BY DISQUS