இலங்கை

‘பொய் வாக்குறுதிகளைத் தந்து அரசாங்கம் தொடர்ந்தும் எம்மை ஏமாற்றி வருகின்றது’ என்று காணாமல் ஆக்கப்பட்டவர்களின் உறவுகள் குற்றஞ்சாட்டியுள்ளனர். 

வலிந்து காணாமல் ஆக்கப்பட்டோருக்கான சர்வதேச தினத்தை முன்னிட்டு கவனயீர்ப்புப் போராட்டமொன்று நேற்று வியாழக்கிழமை கொழும்பில் இடம்பெற்றது.

இந்த ஆர்ப்பாட்டத்தினை சம உரிமை இயக்கம் ஏற்பாடு செய்திருந்ததுடன் இதன்போது ஆர்பாட்டக்காரர்கள் 'நீதியை நிலைநாட்டு, 'வலிந்து காணாமல் ஆக்கப்பட்ட உறவுகளின் விபரங்களை வெளியிட வேண்டும்’ போன்ற பல்வேறு வாசகங்கள் எழுதிய பதாதைகளை கையில் ஏந்தியவண்ணம் கண்ணீர் மல்க தமது கவலையையும் ஆதங்கத்தையும் வெளியிட்டிருந்தனர்.

மேலும், 30 வருட கால யுத்தத்தால் காணமால் ஆக்கப்பட்டவர்களுக்கு என்ன நடந்தது என்பது இன்னமும் வெளிப்படுத்தவில்லை, 'பொய் வாக்குறதிகளை தந்து அரசாங்கம் எம்மை ஏற்மாற்றுகின்றது’, 'காணாமல் ஆக்கப்பட்டோருக்கென கொண்டுவந்த ஆணைக்குழு பொய்யானது, அரசாங்கம் வாக்குறுதிகளை தந்து மக்களை ஏமாற்றுகின்றது.’ எனவும் கோசம் எழுப்பினர்.

காலை 10.30 மணியளவில் கொழும்பு பிரதான புகையிரத நிலையத்தின் முன்றலில் ஆரம்பமாகிய இந்த போராட்டம் 01.30 மணியளவில் முடிவுக்கு வந்தது. 11.15 மணியளவில் பிரதான புகையிரத நிலையத்திலிருந்து ஜனாதிபதி செயலகத்தை நோக்கி லோடஸ் வீதியினூடாக புறப்பட்டுச் சென்ற ஆர்ப்பாட்டக்குழு, லோடஸ் சந்தியில் வைத்து கலகமடக்கும் பொலிஸாரினால் தடுத்து நிறுத்தப்பட்டது.

அதன் பின்னர் சம உரிமை இயக்கத்தின் இணைப்பாளர் ரவீந்ர முதலிகே தலைமையிலான குழு, ஜனாதிபதி செயலகத்துக்கு தமது கோரிக்கைகள் அடங்கிய மகஜரை கையளிக்க சென்றமை குறிப்பிடத்தக்கது.

இவற்றையும் பார்வையிடுங்கள்

நாடு மிக வேகமாக இராணுவ ஆட்சியை நோக்கி செல்வதாக ஐக்கிய மக்கள் சக்தியின் பாராளுமன்ற உறுப்பினர் தலதா அத்துகோரல தெரிவித்துள்ளார். 

‘வெறுமனே சத்தமிட்டுக் கொண்டிருப்பதல்ல, செயலில் செய்து காட்டுவதே எனது வழி’ என ஜனாதிபதி கோட்டாபய ராஜபக்ஷ தெரிவித்துள்ளார். 

இந்தியாவின் 72வது குடியரசு தின விழா, தலைநகர் டெல்லியில் கோலாகலமாக கொண்டாடப்பட்டது. குடியரசு தின விழாவில் முப்படைகளின் அணிவகுப்பு இடம்பெற்றது. முப்படைகளின் அணிவகுப்பு நிறைவுற்றதும், கண்கவர் கலைநிகழ்ச்சிகளும், கலாச்சார நிகழ்வுகளும் இடம்பெற்றன.

வேளாண் சட்டங்களுக்கு எதிராக முன்னேடுக்கப்பட்டு வரும் விவசாயிகளின் டெல்லி போராட்டம் இன்று பிரமாண்ட அளவில் நடத்தப்படுகிறது.

ஜனவரி 20 ஆம் திகதி அமெரிக்காவின் புதிய அதிபராகப் பதவியேற்றுக் கொள்ளும் விழாவில் கலந்து கொண்டிருந்த போது அதிபர் ஜோ பைடென் சுவிட்சர்லாந்து தயாரிப்பான சுமார் $7000 டாலர் பெறுமதியான றோலெக்ஸ் கடிகாரத்தை அணிந்திருந்தது அனைவரின் கவனத்தையும் ஈர்த்துள்ளது.

சமீபத்தில் தென் சீனக் கடற்பரப்பில் அமெரிக்காவின் விமானம் தாங்கிக் கப்பல் ரோந்து நடவடிக்கைக்காக நுழைந்ததால் பதற்றம் அதிகரித்தது.