இலங்கை

“உரிய காலத்திற்கு முன்னர் ஜனாதிபதி தேர்தலை நடத்தப் போவதில்லை. அவ்வாறு நடத்துவதாயின், அதுபற்றிய தீர்மானமொன்றை என்னால் மட்டுமே மேற்கொள்ள முடியும்.” என்று ஜனாதிபதி மைத்திரிபால சிறிசேன தெரிவித்துள்ளார். 

இரத்னபுரியில் நேற்று சனிக்கிழமை இடம்பெற்ற நிகழ்வொன்றில் உரையாற்றும் போதே அவர் இவ்வாறு குறிப்பிட்டுள்ளார்.

ஜனாதிபதி மேலும் கூறியுள்ளதாவது, “ஜனாதிபதி தேர்தல் பற்றி இன்று நாட்டில் தேவையற்ற பரபரப்பொன்று ஏற்படுத்தப்பட்டிருக்கின்றது. மிக விரைவில் ஜனாதிபதி தேர்தல் ஒன்றை பெற்றுத் தருவதாக சிலர் தெரிவித்து வருகின்றபோதும், உரிய காலத்திற்கு முன்னர் ஜனாதிபதி தேர்தலை நடத்துவதற்கு நான் ஒருபோதும் தயாராக இல்லை. அவ்வாறு நடத்துவதாயின் அது பற்றிய தீர்மானமொன்றை எனக்கு மட்டுமே மேற்கொள்ள முடியும்.

ஸ்ரீலங்கா பொதுஜன பெரமுனவும், ஐக்கிய தேசியக் கட்சியும் அரசியல் ரீதியாக மிகை மதிப்பீட்டை கொண்டிருந்தால், அது தவறு விடும் இடமாகும். தம்மைப்பற்றி தாமே எந்த மதிப்பீட்டை கொண்டிருந்தபோதும், ஸ்ரீலங்கா சுதந்திரக் கட்சியின் உதவியின்றி தனித்து அரசாங்கத்தை உருவாக்க எவருக்கும் முடியாது என்பதை நினைவில்கொள்ள வேண்டும்.

தனி மனிதர்களை சுற்றி கட்டியெழுப்பப்படும் அரசியல் இயக்கம் தற்காலிகமானது. நாட்டுக்குத் தேவையாக இருப்பது கொள்கை சார்ந்த அரசியல் இயக்கமாகும். தாய் நாட்டைப் பற்றி உரிய கொள்கையும் தொலை நோக்குமுள்ள ஸ்ரீலங்கா சுதந்திரக் கட்சியின் நிறுவன பலத்தை அதிகரித்து, இன்று வெற்றிகரமாக முன்னோக்கிச் செல்கின்றது.

அரசியலமைப்பின் 19வது திருத்தத்திற்கேற்ப அடுத்த ஜனாதிபதி தேர்தலுக்குப் பின்னர் ஜனாதிபதியின் அதிகாரங்கள் மிகவும் மட்டுப்படுத்தப்பட்டதாக இருக்குமென்றும் நாட்டின் முதன்மை பதவியாக பிரதமர் பதவியே இருக்கும். அந்த வகையில் அரசியல் துறையில் அனைவரினதும் கலந்துரையாடலுக்கு உள்ளாக வேண்டியது அடுத்து வரவிருக்கின்ற ஜனாதிபதி தேர்தலை பற்றியதாக அன்றி நாட்டுக்கு சிறந்த பிரதமர் ஒருவரை தெரிவு செய்வது பற்றியதாகும்.

தன்னைப் பற்றி எத்தகைய விமர்சனங்களை முன் வைத்தபோதும், அரசியல் ரீதியாக எதிர் தரப்பினர் எத்தகைய தாக்குதல்களை தொடுத்த போதும், எவருமே செய்யாத பணிகளை நான் நாட்டுக்காக செய்திருக்கின்றோம்.

உலகில் எந்தவொரு தலைவரும் செய்யாத வகையில் நிறைவேற்று அதிகாரம் கொண்ட ஜனாதிபதி பதவிக்குரிய எல்லையற்ற அதிகாரங்களை பாராளுமன்றத்திற்கு வழங்கி நாட்டின் ஜனநாயகத்தை பலப்படுத்தி சமுகத்தில் கீழ் மட்டத்தில் உள்ளவர்களும் உயர்ந்த இடத்திற்கு செல்லக்கூடிய பின்புலத்தை நான் உருவாக்கியுள்ளேன். பண்டாரநாயக்காவின் கொள்கையும் ஸ்ரீலங்கா சுதந்திரக் கட்சியின் கட்சிக் கொள்கையும் அதுவேயாகும். இந்த நாட்டுக்கு அந்த கொள்கையே என்றைக்கும் பொருத்தமானதாகும்.” என்றுள்ளார்.

பொதுத் தேர்தலை ஜூன் மாதம் 20ஆம் திகதி நடத்துவதாக வெளியிடப்பட்ட வர்த்தமானியை எதிர்த்து தாக்கல் செய்யப்பட்ட 6 அடிப்படை உரிமை மனுக்களை விசாரணைக்கு எடுக்கமாலேயே உயர்நீதிமன்றம் இன்று செவ்வாய்க்கிழமை தள்ளுபடி செய்துள்ளது. 

முன்னாள் மத்திய வங்கி ஆளுநர் அர்ஜூன் மஹேந்திரனை இலங்கைக்கு கொண்டு வருவதற்காக 21,000 கையொப்பங்களை தான் இட்டதாக முன்னாள் ஜனாதிபதி மைத்திரிபால சிறிசேன தெரிவித்துள்ளார். 

இந்தியா எல்லைக்குள் ஊடுருவிய பாகிஸ்தான் பயங்கரவாதிகள் பாதுகாப்பு படையினரால் சுட்டுக்கொல்லப்பட்டிருப்பதாக கூறப்படுகிறது.

பள்ளிகள், கல்லூரிகள் உள்ளிட்ட கல்வி நிறுவனங்களை கொரோனா பாதிப்பு அபாயம் முழுவது நீங்கும் வரை திறக்கவேண்டாம் என 2 லட்சம் பெற்றோர் மனு அளித்துள்ளதாக தெரிவிக்கப்படுகிறது.

1963 ல் அமெரிக்காவின் ஒரு கறுப்பினத் தலைவன் மார்ட்டின் லூதர் கிங் "I Have a Dream" 'என்னிடம் ஒரு கனவு இருக்கிறது' என்ற வாசகம் உலகத்துக்கானது. 2008 ல் "Yes We Can" என்ற சுலோகத்துடன் அமெரிக்கத் தலைமை ஏற்றார் ஒபாமா எனும் கறுப்பினத் தலைவர்.

Worldometers இணையத்தளத்தின் சமீபத்திய கொரோனா தொற்று புள்ளிவிபரம் :